Gebruikerbespreking:SpesBona
 | ||
|---|---|---|
| 2009 | 2010 | 2011 |
| 2012 | 2013 | 2014 |
| 2015 | 2016 | 2017 |
| 2018 | 2019 | 2020 |
| 2021 | 2022 | |
| Hoe word 'n argief aangelê? | ||
(16 jaar, 106 000+, globaal
14 jaar, 65 000+, af.wp)
Landskreise - wat moes julle alles op skool geleer het?[wysig bron]
Goeiedag Sören
Gelukkige en voorspoedige 2023.
Jammer vir my afwesigheid die afgelope tydjie, ek hoop darem om hierdie jaar ten minste een voorbladartikel te skryf. Ek hoop jou Franse lesse gaan goed aan, ek probeer maar elke dag so 15 minute afstaan aan 'n Duolingo-lessie. As dit iets is wat 2022 my geleer het: dis OK om nie vordering binne 'n dag te toon nie. Dit duur soms 'n dekade of langer.
Tans is ek veronderstel om my voor te berei vir 'n Latynse toets in Januarie/Februarie rond, bo en behalwe dat ek graag wil leer teken, maar natuurlik sal mens nou elke verskoning uitdink om uit te stel tot die laaste week.
Ek het 'n vragie, noudat "Counties" op die Geselshoekie bespreek word. Op 3 Januarie 2023 het ek dit, na seker so 12 of 20 probeerslae, finaal reggekry om al 50 Amerikaanse deelstate op die regte plekke te pas. Vroeër kon ek slegs Washington, Oregon, Kalifornië, Texas, Louisiana, Florida en Maine met absolute sekerheid uitwys. Meestal kusstate.
Maar wat Counties nie lekker maak nie: dink aan Madison County. Daar is 20 state wat elkeen 'n County met daardie naam het.
Die 16 Bundesländer van Duitsland is natuurlik baie makliker.
Wel effe moeiliker is om Thüringen se Landskreise und kreisfreie Städte uit te wys, 'n bietjie makliker was Schleswig-Holstein, die heel maklikste is natuurlik Mecklenburg-Vorpommern (want daar is slegs 9 dele om te onthou).
Berlyn as stadstaat s'n is die heel maklikste deel natuurlik Charlottenburg-Wilmersdorf, want dit is waar die meeste miljoenêrs bly.
MAAR NOU: Beiere. Moes julle op skool al hierdie deeltjies geken het? Of, moes julle net julle deelstaat s'n geken het, in jou geval Brandenburg? Moes julle buurlande, soos Oostenryk, Switserland, en, behoede ons, Frankryk? of, selfs hul provinsies en kantons geken het?
Frankryk se provinsies is redelik maklik om te onthou, maar die départements is 'n bliksem.
In ons geval hoef ons slegs die Suid-Afrikaanse provinsies en hul hoofstede te geken het. As jy my vandag sou vra om die provinsies van Namibië, Botswana, Mosambiek en Zimbabwe, Swaziland en Lesotho uit te wys of op te noem, dan sal ek eenvoudig net nie kan nie.
Kyk, dit is 'n moeilike storie. Nederland se provinsies bly Goddank nog dieselfde.
Maar voorheen was daar nog iets soos oor die 647 "gemeenten" (munisipaliteite), wat die afgelope 20 jaar met mekaar versmelt het. Nou is daar iets soos 342. Dis ook niks nuuts by ons nie, want vroeër het jy 'n afsonderlike munisipaliteit vir Napier gekry, en 'n munisipaliteit vir Bredasdorp. Toe smelt die twee saam en vandag kry jy "Kaap Agulhas Munisipaliteit". Minder leerwerk.
En dit laat mens tereg wonder: is dit die moeite werd om al hierdie "Landskreise" se ken? Ek het onder andere in Diercke se Schulatlas (1927) gekyk; toe Kaliningrad nog Königsberg was. En, met die uitsondering nou van die Franse, Britte, Amerikaners en Russe se inmenging, wil dit tog voorkom of die "Landkreise" redelik stabiel die afgelope eeu gebly het.
Of, tog nie: by Thüringen is die eerste ding wat opval dat Jena, Weimar en Erfurt die afgelope eeu al drie 'n "stad"-distrik van hul eie gekry het. Gera het verklein, en Greiz is aansienlik vergroot. Altenburger Land is nog redelik dieselfde. Ook Sommerberg is nog herkenbaar. Maar die res van die kaart het onherkenbaar verander: Eisenach is vandag in drie dele verdeel, met grense wat verskuif het. Gotha is verdeel in twee. Suidpunt (kontak) 08:06, 7 Januarie 2023 (UTC)
- @Suidpunt: Goeienaand en 'n voorspoedige 2023 vir jou en jou gesin ook!
- Vanweë die onlangse sportgebeure in 2022 het my taallesse minder geword, maar ek dink dit sal 'n goeie idee wees om hulle in 2023 te hervat. Die Franse grammatika verstaan ek nou effens beter. Langs RSG is ek ook 'n getroue Arte-kyker. Ek vrees maar net dat my Afrikaans ook so 'n bietjie gekrimp het die afgelope maande.
- Ek dink maar ek kan die meeste Amerikaanse deelstate uitken, ook die een of ander hoofstad. Soms klink dit soos 'n vaste woordorde soos "Atlanta, Georgia", "Augusta, Maine", "Austin, Texas" of "Denver, Colorado". Onlosbaar aanmekaar geheg soos "Potsdam, Brandenburg" of "Kimberley, Noord-Kaap.
- Wat die Duitse Landkreise of distrikte aanbetref het dit intussen baie moeiliker geword, aangesien al die ou nommerplate uit die 1990's weer gebruik mag word! In my Dahme-Spreewald (LDS) mag ons dus weer KW vir Königs Wusterhausen, LC vir Luckau en LN vir Lübben gebruik. Vir sommiges is dit 'n soort "lokaalpatriotisme". Van die Oos-Duitse nommerplate onthou ek baie goed, aangesien ek dikwels in Mecklenburg-Voorpommere (veral NVP) en Sakse (veral MEI/RG) kuier. Ek sukkel maar met die ander, veral as dit van die platteland is. Die groot stede is maklik soos GP vir Gauteng, en gebruik meestal net een letter. In Berlyn weet ek van die distrikte, aangesien ek daar ook baie tyd spandeer het.
- Op skool – geografie, geskiedenis, sterrekunde en politieke opleiding was my gunstelingsvakke – het ons dit soos 'n tregter gehandhaaf. Al die dorpe in ons munisipaliteit, al die distrikte in ons deelstaat, al die deelstate van Duitsland, al die lande van die wêreld. Aangesien ek steeds baie in die vakke belangstel, het daar baie inligting bygekom. Groete. --
SpesBona 22:00, 9 Januarie 2023 (UTC)
- Baie dankie, SpesBona. Ek waardeer jou antwoord baie. Definitief iets op my lysie... Want ek het onlangs, om die Romeinse (Juliaanse, maan-) Kalender (en die omskakelingsformules na en van die Gregoriaanse sonnekalender) ten volle te begryp, ook pens en pootjies in die Sterrekunde betrokke geraak. Toe ek Stellarium op my foon laai, kon ek nie glo wat ek vir 32 jaar misgeloop het nie. Dit is soos fresko's wat al met die hemelgewelf rondbeweeg, en ek kon nie glo ons "Tafel", in die Suidelike Halfrond, is afgelei van Tafelberg nie. My heel eerste sterrebeeld was die Skerpioen, op 19 Januarie, om 04:41 die oggend, in die ooste, met die maan en Mercurius. Dit was werklik iets spesiaal. Ten minste weet ek nou hoe die ou mense uit die jaar kruikie planete van sterre onderskei het (logies, die sterre staan die volgende jaar weer op "dieselfde ou plek", terwyl die planete rond en bont skuif). Ek het juis gister nog vir Jupiter in die weste sien ondergaan om so 22:00 se kant. Mars was by ons in die noorde om 20:00. Dankie weer! Suidpunt (kontak) 17:17, a.d.IX.Kal.Feb. MMXXIII A.D. (UTC)
Namibië en die Duitse Wikipedia[wysig bron]
@SpesBona:: Sören, dit lyk vir my jy het lekker vakansie gehou daar in Skandinawië! Met die volgende werkswinkel (moontlik later die jaar of vroeg volgende jaar) in Namibië wil ek die Duitse Wikipedia ook betrek. Enige gedagtes hoe ons dit kan doen? Groete! Oesjaar (kontak) 19:48, 14 Mei 2023 (UTC)
- @Oesjaar: Ja, ek het dit verskriklik geniet daar in Noorweë! Ek sal kyk watter foto's ek vir Wikipedia kan gebruik. Nou weet ek hoekom Voyageur baie uitstekende artikels aan Skandinawië gewy het! Ek wil graag ook Swede, Finland en die Baltiese lande besoek. Wat die Afrikaans-Duits-samewerking betref vra jy my nou! Ek ken twee gebruikers uit Namibië: Chtrede op die Duitstalige Wikipedia en Dumbassman hier op die Afrikaanse Wikipedia. Wat my betref het ek al Namibiese Artikels op die Afrikaanse Wikipedia met hulp van artikels op die Duitstalige Wikipedia uitgebrei: Vlag van Namibië, Namibiese nasionale krieketspan en Namibiese nasionale rugbyspan. Laasgenoemde ondergaan tans 'n kandidatuur vir voorbladstatus; die ander twee het reeds op ons voorblad verskyn. Bestaan die WhatsApp-groep nog? Het jy foto's in Windhoek geneem? Groete. -- SpesBona 18:20, 15 Mei 2023 (UTC)
|
Baie geluk! Hierdie artikel is as voorbladartikel aangewys Uruguaanse nasionale rugbyspan, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad. |
Baie geluk met dié nuwe voorbladartikel. Groete. 
Aliwal2012 17:03, 15 Mei 2023 (UTC)
- Baie dankie Gert, ek waardeer opreg! Groete. -- SpesBona 20:45, 7 Augustus 2023 (UTC)
Lanquedoc[wysig bron]
Dit is vir my so hartseer om te sien hoe lanquedoc verander in die laste paar dae en dit is nie meer so soos dit gewees het nie elke naweek hoor jy iemand is vermoor in Lanquedoc en dit maak almal bang die plek het heeltemal verander maar ek bid dat god lanquedoc se mense Onder die bloed trek en een en elk beskerm en die vyand se planne afsny maar ek wil net vir lanquedoc inwoners sê be calm your place will change in Jesus mighty name amen.here ek kom vandag voor u troon en ek skryf hierdie met trane in my oë mag lanquedoc altyd geseënd bly:Mooi Bly van Grandwell Diendal 41.114.146.145 08:35, 3 Junie 2023 (UTC)
|
|
Baie geluk! Hierdie artikel is as voorbladartikel aangewys Namibiese nasionale rugbyspan, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad. |
Geluk met die voorblad! Groete! Oesjaar (kontak) 19:41, 30 Julie 2023 (UTC)
- Baie dankie Deon, ek waardeer opreg! Groete. -- SpesBona 20:45, 7 Augustus 2023 (UTC)
Jou voorblad artikel op FB.[wysig bron]
Sören, ek sien vanoggend op FB dat jy nie 'n voorbladartikel gelaai het nie. Ek laai toe een maar iets pla my. Ek gaan kyk toe weer, jou artikel is teruggehou as spam! Ek het dit reg gestel. Groete! Oesjaar (kontak) 19:05, 14 Augustus 2023 (UTC)