Gekonfedereerde State van Amerika

in Wikipedia, die vrye ensiklopedie
Spring na: navigasie, soek
Confederate States of America
Gekonfedereerde State van Amerika
US 33 Star GreatStar Flag.svg
1861–1865 US 36 Star Wagon Wheel Flag.svg
Vlag Wapenskild
Vlag Wapen
Leuse: Deo Vindice
(Latyns vir: "Onder God, ons verdediger")
Volkslied: Geen amptelike
God Save the South (nie-amptelik)
The Bonnie Blue Flag (gewild)
Dixie (tradisioneel)
Ligging of Gekonfedereerde State van Amerika
Ligging van die CSA
Hoofstad Montgomery, Alabama (4 Februarie 1861–29 Mei 1861)
Richmond, Virginië (29 Mei 1861–9 April 1865)
Taal/Tale Engels (de facto)
Regering Republiek
President
 - 1861–1865 Jefferson Davis
Adjunkpresident
 - 1861–1865 Alexander Stephens
Wetgewer Kongres
Historiese tydperk Amerikaanse Burgeroorlog
 - Suid-Carolina verlaat die VSA 20 Desember 1860
 - Konfederasie gevorm 4 Februarie 1861
 - Sesessie 4 Februarie 1861
 - Grondwet goedgekeur 11 Maart 1861
 - Slag van Fort Sumter 12 April 1861
 - Beleg van Vicksburg 18 Mei 1863
 - Amerikaanse anneksasie van die Gekonfedereerde State 9 April 1865
 - Vrylating van alle slawe 18 Desember 1865
Oppervlakte
 - 1860 1 995 392 km2
770 425 sq mi
Bevolking
 - 1860 skatting 9 103 332 
     Digtheid 4,6 /km² 
11,8 /sq mi
Geldeenheid CSA-dollar

Die Gekonfedereerde State van Amerika (Engels: Confederate States of America (CSA of C.S.)) was 'n konfederasie van deelstate wat in 1860 en 1861 eensydige onafhanklikheid van die Verenigde State van Amerika (VSA) verklaar het. Die konfederasie, wat tussen 1861 en 1865 bestaan het, is oorspronklik deur sewe sogenaamde Slawestate in die Laer Suide van die VSA gevorm wat deur 'n agrariese ekonomie met katoen as een van die vernaamste uitvoerprodukte en 'n uitgebreide plantasiestelsel met swart slawearbeiders gekenmerk is.

Elkeen van die konfederasie se lidstate het sy onafhanklikheid ná die verkiesing van die Republikeinse presidentskapskandidaat Abraham Lincoln in November 1860 verklaar wat hom in sy verkiesingsveldtog teen die verdere uitbreiding van die slawernystelsel uitgespreek het. Nog voordat Lincoln in Maart 1861 die ampseed afgelê het, het die Slawestate in Februarie van dié jaar hul eie Gekonfedereerde regering geproklameer wat deur die VSA-regering as onwettig beskou is.

Die politieke geskille het in April geëskaleer tot 'n gewapende konflik wat later as die Amerikaanse Burgeroorlog bekend sou staan, terwyl vier verdere Slawestate in die Hoër Suide (Upper South) hul eensydige onafhanklikheid verklaar en by die Gekonfedereerde State aangesluit het. Die Konfederasie het met Missouri en Kentucky later ook twee deelstate as lede erken wat hulle nòg onafhanklik verklaar het van die VSA nòg op enige tydstip van die konflik merendeels deur Gekonfedereerde magte beheer is. In dié twee state het Gekonfedereerde skaduregerings pogings aangewend om die bewind oor te neem, maar is later in ballingskap gestuur.

Geeneen van die politieke besware, wat deur die Gekonfedereerde State as redes vir hul eis op selfbeskikking en sesessie aangevoer is, is deur die Amerikaanse regering (die Unie) erken nie. Terwyl ook geen buitelandse moondheid diplomatieke erkenning aan die Konfederasie gegee het nie, was die Verenigde Koninkryk en Frankryk nogtans bereid om aan die Gekonfedereerde State die status van oorlogsparty ooreenkomstig internasionale reg toe te ken.

Die Amerikaanse Burgeroorlog het op 12 April 1865 met 'n Gekonfedereerde aanval op Fort Sumter begin, 'n militêre vesting van die Unie wat in die hawe van Charleston in Suid-Carolina geleë was. Ná vier jaar se hewige gevegte, wat hoofsaaklik op Gekonfedereerde gebied gevoer is, het alle Gekonfedereerde magte in die lente van 1865 oorgegee en is die Konfederasie ontbind.

Geen formele einde is aan die konflik gebring nie, terwyl feitlik alle Gekonfedereerde magte hulle tot laat in 1865 oorgegee het of ontbind is. Die Gekonfedereerde president Jefferson Davis het later opgemerk dat die Konfederasie in 1865 "verdwyn" het.

Vlae[wysig | wysig bron]

Deelstate en vlae[wysig | wysig bron]

██ Gekonfedereerde State van Amerika ██ Geëis deur die die CSA
Kaart van die Gekonfedereerde State van Amerika
Evolusie van die Konfederale State, 20 Desember 1860 – 15 Julie 1870
Deelstaat
Afskeidings-
en Konfederale
staatsvlae
Instelling
van
Afskeiding
Toelating
tot
Konfederasie
Terug
onder
Unie-beheer
Hertoegelaat
tot verteenwoordiging
in VS-Kongres
Suid-Carolina
South Carolina Sovereignty-Secession Flag.svg
Flag of South Carolina (January 1861).svg
Flag of South Carolina (1861).svg
20 Desember 1860 4 Februarie 1861
1865
9 Julie 1868
Mississippi
Flag of Mississippi (1861-1894).svg
9 Januarie 1861 4 Februarie 1861
1863
23 Februarie 1870
Florida
Florida Provisional 1861.svg
Flag of Florida (1861-1865).svg
10 Januarie 1861 4 Februarie 1861
1865
25 Junie 1868
Alabama
Flag of Alabama (1861, obverse).svg
Flag of Alabama (1861, reverse).svg
11 Januarie 1861 4 Februarie 1861
1865
13 Julie 1868
Georgia
Red Star Flag.png
Flag of the State of Georgia (non-official).svg
19 Januarie 1861 4 Februarie 1861
1865
1ste datum 21 Julie 1868;
2de datum 15 Julie 1870
Louisiana
Flag of Louisiana (February 1861).svg
26 Januarie 1861 4 Februarie 1861
1863
9 Julie 1868
Texas
Flag of Texas.svg
1 Februarie 1861 2 Maart 1861
1865
30 Maart 1870
Virginië
Flag of Virginia (1861).png
17 April 1861 7 Mei 1861
1865
Wes-Virginië:
1862
26 Januarie 1870
Wes-Virginië:
20 Junie 1863
Arkansas
geen staatsvlag
6 Mei 1861 18 Mei 1861
1864
22 Junie 1868
Noord-Carolina
Flag of North Carolina (1861).svg
20 Mei 1861 21 Mei 1861
1865
4 Julie 1868
Tennessee
Tennessee 1861 proposed.svg
8 Junie 1861 2 Julie 1861
1863
24 Julie 1866
Missouri
Flag of the Missouri State Guard.svg
31 Oktober 1861 28 November 1861
1861
Missouri het in
die VS-Kongres gebly
Kentucky
Flag of the Confederate States of America (March 1861 – May 1861).svg
20 November 1861 10 Desember 1861
1861
Missouri het in
die VS-Kongres gebly

Regering[wysig | wysig bron]

President Jefferson Davis
Adjunkpresident Alexander Stephens
Pos Naam Regeer
President Jefferson Davis 25 Feb 1861–10 Mei 1865
Adjunkpresident Alexander Stephens 25 Feb 1861–11 Mei 1865
Minister van Buitelandse sake Robert Augustus Toombs 25 Feb 1861–25 Jul 1861
Robert Mercer Taliaferro Hunter 25 Jul 1861–22 Feb 1862
William Montague Browne 7 Mar 1862–18 Mar 1862
Judah Philip Benjamin 18 Mar 1862–Mei 1865
Minister van die Tesourie Christopher Gustavus Memminger 25 Feb 1861–15 Jun 1864
George Alfred Trenholm 18 Jul 1864–27 Apr 1865
John Henninger Reagan 27 Apr 1865–10 Mei 1865
Oorlogsekretaris Leroy Pope Walker 24 Feb 1861–16 Sep 1861
Judah Philip Benjamin 17 Sep 1861–24 Mar 1862
George Wythe Randolph 24 Mar 1862–15 Nov 1862
Gustavus Woodson Smith 17 Nov 1862–20 Nov 1862
James Alexander Seddon 21 Nov 1862–5 Feb 1865
John Cabell Breckinridge 6 Feb 1865–Mei 1865
Vlootsekretaris Stephen Russell Mallory sr. 4 Mar 1865–20 Mei 1865
Posmeester-generaal John Henninger Reagan 6 Mar 1861–10 Mei 1865
Prokureur-generaal Judah Philip Benjamin 25 Feb 1861–17 Sep 1861
Wade Keyes 17 Sep 1861–21 Nov 1861
Thomas Bragg 21 Nov 1861–18 Mar 1862
Thomas Hill Watts 18 Mar 1862–1 Okt 1863
Wade Keyes 1 Okt 1863–4 Jan 1864
George Davis 4 Jan 1864–24 Apr 1865

Verwysings[wysig | wysig bron]

  1. (en) Coulter, Ellis Merton. The Confederate States of America, 1861–1865, besoek op 13 Junie 2012.
  2. 2,0 2,1 (en) Confederate States of America government”. URL besoek op 5 Oktober 2014.
  3. (en) Sansing, David. Brief History of the Confederate Flags at "Mississippi History Now" online Mississippi Historical Society. Second National Flag, "the stainless banner" references, Devereaux D. Cannon, Jr., The Flags of the Confederacy, An Illustrated History (St. Lukes Press, 1988), 22–24. Section Heading "Second and Third National Flags". Besoek op 4 Desember 2012.
  4. (en) Sansing, David, Brief History of the Confederate Flags at "Mississippi History Now" online Mississippi Historical Society. Third National Flag, "the bloodstained banner" references 19. Southern Historical Society Papers (cited hereafter as SHSP, volume number, date for the first entry, and page number), 24, 118. Section Heading "Second and Third National Flags". Besoek op 4 Oktober 2012.

Bronne[wysig | wysig bron]

  • (en) Richard N. Current: Encyclopedia of the Confederacy. 4 Bde., New York 1993. ISBN 0-02-864920-6.
  • (en) William C. Davis: Look Away!: A History of the Confederate States of America. New York 2002.
  • (en) William C. Davis: An Honorable Defeat: The Last Days of the Confederate Government. Orlando 2001. ISBN 0-15-100564-8.

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: