11 Maart

11 Maart is die 70ste dag van die jaar in die Gregoriaanse kalender (71ste in skrikkeljare). Daar volg nog 295 dae in die res van die jaar.

Gebeure

• 1286 – Pous Honorius IV verklaar die Apostoliese Broeders tot ketters.
• 1431 – Kardinaal Lucido de' Conti kroon Pous Eugenius IV in die ou Sint Pieterskerk.
• 1513 – Giovanni de' Medici word Pous Leo X.
• 1544 – Giovanni Antonio Facchinetti (later Pous Innocentius IX) word priester gewy.
• 1743 – Carlo Rezzonico (later Pous Clemens XIII) word biskop van Padua.
• 1825 – Somerset-Oos gestig.
• 1845 – Māori magte onder leiding van stamleiers Kawiti en Hone Heke vernietig die Britse nedersetting van Kororareka in Nieu-Seeland wat die Flagstaffoorlog ontketen.
• 1941 – Die Amerikaanse kongres keur Franklin D. Roosevelt se Leen-en-pagwet goed.
• 1960 – Die Amerikaanse ruimtetuig Pioneer 5 word lanseer.
• 1966 – President Sukarno van Indonesië, aan bewind sedert die Tweede Wêreldoorlog, word afgeset deur Suharto en die leër.
• 1974 – Vyf Suid-Afrikaanse polisielede word doodgeskiet in 'n lokval wes van die Victoria-valle in Rhodesië.
• 1990 – Die Litause Sowjet Sosialistiese Republiek se bestaan eindig toe Litaue die herstel van onafhanklikheid van die Sowjetunie verklaar.
• 2004 – Die 11 Maart-aanvalle: 'n Reeks bomaanvalle deur terroriste op streekspendeltreine laat 191 dood en meer as 1800 gewond in Madrid, Spanje.
• 2011 – 'n Verwoestende 9,0-aardbewing skud Japan en veroorsaak 'n tsoenami (vloedgolf) met meer as 15 700 sterftes.

Geboortes

• 1793 – Jan Frans Willems, Vlaamse skrywer, digter en vader van die Vlaamse Beweging († 1846).
• 1811 – Urbain Le Verrier, ’n Franse sterrekundige wat die ontdekking van Neptunus voorspel het († 1877).
• 1818 – Marius Petipa, Russiese en Franse balletdanser, pedagoog en choreograaf († 1910).
• 1843 – C.P. Hoogenhout, een van die agt stigters van die Genootskap van Regte Afrikaners († 1922).
• 1890 – Vannevar Bush, Amerikaanse ingenieur en wetenskapbestuurder († 1974).
• 1919 – Elise Muller, Afrikaanse skrywer († 1985).
• 1920 – Ben Ferencz, 'n Amerikaanse aanklaer by die Neurenberg-verhore († 2023).
• 1936 – Antonin Scalia, regter van die hooggeregshof van die Verenigde State († 2016).
• 1937 – Amie Venter, Suid-Afrikaanse politikus en kabinetsminister († 2012).
• 1952 – Wannie Carstens, Afrikaanse taalkundige en skrywer.
• 1952 – Douglas Adams, Engelse skrywer († 2001).
• 1957 – Qasem Soleimani, Irannese generaal-majoor van die Islamitiese Revolusionêre Wagkorps († 2020).
• 1959 – Nina Hartley, Amerikaanse porno-aktrise.
• 1969 – Terrence Howard, Amerikaanse akteur.
• 1975 – Buvaisar Saitiev, Russiese stoeier van Tsjetsjeense afkoms.
• 1977 – Carina Diedericks-Hugo, Afrikaanse skrywer van jeugverhale.
• 1982 – Thora Birch, Amerikaanse aktrise.
• 1983 – Lucy DeVito, Amerikaanse aktrise.
• 1989 – Anton Yelchin, Amerikaanse akteur († 2016).
• 1993 – Jodie Comer, Engelse aktrise.
• 1994 – Handré Pollard, Suid-Afrikaanse beroepsrugbyspeler en Springboklosskakel.

Sterftes

• 1870 – Koning Moshoeshoe, stigter van die Basotho-volk (* 1786).
• 1949 – I.W. Schlesinger, sakemagnaat en baanbreker van die Suid-Afrikaanse vermaakbedryf (* 1871).
• 1955 – Alexander Fleming, Britse bakterioloog, ontdekker van penisillien (* 1881).
• 1926 – Siener van Rensburg, toekomsvoorspeller (* 1862)
• 1967 – Hanns Lothar, Duitse toneelspeler (* 1929).
• 1971 – Philo Farnsworth, Amerikaanse uitvinder en televisiepionier (* 1906).
• 1978 – Claude François, Franse sanger (* 1939).
• 2004 – Gabriel de Jongh, 'n bekende Suid-Afrikaanse landskapskilder (* 1913).
• 2008 – Phyllis Spira, Suid-Afrikaanse ballerina (* 1943).

Vakansies, vierings, en waarnemingsdae

• Rooineusdag in die Verenigde Koninkryk (2005)