Gevlekte baber

in Wikipedia, die vrye ensiklopedie
Jump to navigation Jump to search
Gevlekte baber
Bewaringstatus

Status iucn3.1 LC af.svg
Veilig (IUBN 3.1)

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Ostariophysi
Orde: Siluriformes
Familie: Clariidae
(Bonaparte, 1846)[1]
Genus: Clarias
(Scopoli, 1777)[2]
Spesie: C. stappersii
Binomiale naam
Clarias stappersii
(Boulenger, 1915)[3]

Die Gevlekte baber (Clarias stappersii) - In die Caprivi bekend as die Witsy baber – is 'n varswater vis wat voorkom in die Kunenerivier, Okavangorivier, die boonste gedeelte van die Zambezirivier en Kafuerivier. In Engels staan die vis bekend as die Blotched catfish.

Voorkoms[wysig | wysig bron]

Die vis se kop is groot en plat met vier paar baarde. Twee smal tandplate met skerp tande is in die bokaak aanwesig, die agterste langer as die voorste, die vorm is dieselfde.

Die rugvin is lank en hoog, ongeveer die helfte van die vis lengte en hou net voor die stertvin op. Daar is geen vetvin nie. Die stertvin is goed ontwikkel en rond. Die anale vin is lank en hou net voor die stertvin op. die buikvin is gepaard en goed ontwikkel. Die borsvin is gepaard en goed ontwikkel. Sy liggaamsvorm (profiel) is lomp met die wydste deel net agter die kiewe. Die skubbe is mikroskopies klein in slym.

Die vis is bedek met baie, donker bruin en swart vlekke, die sylyn is wit en die pens en kop is wit aan die onderkant. Die wit streep (sylyn) loop van bokant sy borsvinne tot by sy stert, vandaar sy Caprivi naam.

Die vis word 410 mm groot.

Habitat[wysig | wysig bron]

Die vis leef in stadig vloeiende rivier sytakke en vloedvlaktes wat vol plantegroei is.

Hulle vreet ongewerweldes en vis en broei in die somer reën seisoen. Hulle behoort met enige vleisaas, visaas, insekaas of erdwurms gevang te word, mits dit klein genoeg is.

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]

  1. uBio (en)
  2. Scopoli J. A. 1777. Introductio ad historiam naturalem, sistens genera lapidum, plantarum et animalium hactenus detecta, caracteribus essentialibus donata, in tribus divisa, subinde ad leges naturae. Prague. Introd. Hist. Nat. . i-x + 1-506.
  3. BioLib (en)

Eksterne skakel[wysig | wysig bron]