Gordon Vorster

in Wikipedia, die vrye ensiklopedie
Jump to navigation Jump to search
Gordon Vorster
Geboorte 17 September 1924
Warrenton
Nasionaliteit Suid-Afrika
Sterfte 9 Oktober 1988
Beroep(e) Skilder, regisseur, draaiboekskrywer, akteur
Internet-rolprentdatabasis-profiel

Gordon Vorster was 'n Suid-Afrikaanse skilder, rolprentregisseur, draaiboekskrywer en akteur.

Gordon Vorster is in 1924 op Warrenton, Noord-Kaap, gebore. Tydens die Tweede Wêreldoorlog het hy in Italië diens gedoen en in 1946 het hy vir 'n kort rukkie kunsopleiding in Florence ontvang. In 1947 is hy terug na Suid-Afrika waar hy 'n graadkursus in die skone kunste aan die Universiteit van die Witwatersrand gevolg het.

In 1949 het hy diens by 'n rolprentmaatskappy as draaiboekskrywer en regisseur aanvaar. Hy het sy eerste eenmantentoonstelling in 1955 gehou en na 'n siekbed in 1962 het hy voltyds begin skilder. Sy onderwerpkeuse is byna altyd die Suid-Afrikaanse landskap en die diere- en plantlewe. Sy liefde vir en kennis van die landskap dateer uit sy kinderjare wat hy gedeeltelik in die diamantvelde aan die grens van die Kalahari-woestyn en op 'n plaas by Kimberley deurgebring het.

Aanvanklik was sy werke abstrakte uitbeeldings van natuurverskynsels soos hittegolwe en stofwolke, maar gedurende die sestigerjare het daar realistiese beelde in sy werk begin voorkom. Hoewel hy nog sommige aspekte van moderne kunsstrominge aanwend en met verskillende tegnieke eksperimenteer, is daar ʼn duidelike neiging na 'n meer tradisionele uitbeelding in sy werk.

Gordon Vorster het Suid-Afrika in 1958 op die Venesiaanse Biënnale verteenwoordig en was ook ingesluit in die Suid-Afrikaanse tentoonstelling wat in 1958/59 in Nederland, België en Duitsland aangebied is. Hy het ook in New York en Israel uitgestal.

Hy was veral bekend vir sy spel in die rolprent, Pappalap. Sy eerste roman, The Textures of Silence (ISBN 0688034942) is in 1982 gepubliseer.

Filmografie[wysig | wysig bron]

As regisseur:

As skrywer:

  • Sarah, 1975
  • Jy's Lieflik Vanaand, 1962
  • Die Tweede Slaapkamer, 1962
  • Basie, 1961
  • Die Jagters, 1960
  • Die Vlugteling, 1960
  • Inspan (storie), 1953

As akteur:

  • Sam et Sally (TV-reeks), 1980 as Davenport
  • The Guest: An episode in the Life of Eugène Marais, 1977 as Oom Doors
  • Sarah, 1975 as Carel Hansen
  • Pappalap ('n Verhaal van 'n pa en sy dogter), 1971 as Pappalap

As vervaardiger:

  • Sarah, 1975

Kunsdepartement:

Eksterne skakels[wysig | wysig bron]

Bronnelys[wysig | wysig bron]