17 September

17 September is die 260ste dag van die jaar in die Gregoriaanse kalender (261ste in skrikkeljare). Daar volg nog 105 dae.

Gebeure

• 1285 – Pous Honorius IV publiseer die Sisiliaanse grondwet Constitutio ordinatione regni Siciliae.
• 1456 – Pous Callixtus III stel 3 kardinale aan waarvan twee sy familielede is.
• 1456 – Rodrigo Borgia (later Pous Alexander VI) word deur Pous Callixtus III benoem as kardinaal-diaken.
• 1498 – Pous Alexander VI stel Georges I d'Amboise, aartsbiskop van Rouen aan as kardinaal.
• 1569 – Pous Pius V publiseer die bul Conseverunt Romani wat die bid van die rosekrans aanbeveel.
• 1593 – Pous Clemens VIII stel vier nuwe kardinale aan waaronder twee familielede.
• 1595 – Pous Clemens VIII vergewe koning Henri IV van Frankryk.
• 1603 – Pous Clemens VIII stel sy familielid Silvestro Aldobrandini aan as kardinaal.
• 1759 – Pous Clemens XIII publiseer Cum Primum - Oor die nakom van die Kanoniese Sanksies.
• 1787 – Die teks van die Grondwet van die Verenigde State word in Philadelphia gefinaliseer.
• 1789 – William Herschel ontdek Mimas, die sewende grootste maan van die planeet Saturnus.
• 1809 – Die Verdrag van Fredrikshamn beëindig die Finse Oorlog tussen Rusland en Swede, en Finland word 'n outonome Groothertogdom onder tsaar Alexander I.
• 1894 – Die Keiserlike Japannese Vloot en die Beijang-vloot van Qing-Sjina bots tydens die Slag van die Jaloerivier, die grootste seeslag van die Eerste Sjinees-Japannese Oorlog.
• 1901 – Tweede Vryheidsoorlog: Elandsrivier op die plaas Moddefontein - Genl. Smuts val 'n buitepos, beman deur die 17th Lancer, aan
• 1901 – Tweede Vryheidsoorlog: Slag van Bloedrivierpoort, Natal. Generaal Louis Botha oorrompel die Mounted Infantry onder beheer van Luitenant-Kolonel H de la P Gough.
• 1916 – Eerste Wêreldoorlog: Die Rooi Baron, 'n bobaasvlieënier van die Duitse Luftwaffe, wen sy eerste luggeveg naby Cambrai, Frankryk.
  

  V.l.n.r. by Camp David-ooreenkoms: Begin, Carter en Sadat

• 1978 – President Anwar Sadat van Egipte en eerste minister Menachem Begin van Israel onderteken die Camp David-ooreenkoms ná twaalf dae van geheime onderhandelinge by Camp David onder beskerming van die VSA-president Jimmy Carter.

Geboortes

• 1552 – Camillo Borghese (later Pous Paulus V), 233ste pous van die Rooms-Katolieke Kerk van 1605 tot 1621 († 1621).
• 1819 – Marthinus Wessel Pretorius, President van die Zuid-Afrikaansche Republiek († 1901).
• 1929 – Sir Stirling Moss, Britse renjaer.
• 1930 – Edgar Mitchell, Amerikaanse ruimtevaarder († 2016).
• 1932 – Jurgens Lambrechts, bekende deelnemer aan Afrikaanse radio-vasvraprogramme († 2005).
• 1960 – Andreas ("Andy") Grünenfelder, Switserse alpine-skiër.
• 1960 – Damon Hill, Britse Formule Een-renjaer, wêreldkampioen in 1996.
• 1968 – Anastacia, bekende Amerikaanse popsangeres en liedjieskrywer.
• 1996 – Esteban Ocon, Franse Formule Een-renjaer.

Sterftes

• 1879 – Eugène Viollet-le-Duc, Franse argitek (* 1814).
• 1963 – Sailor Malan, Suid-Afrikaanse vegvlieënier (* 1910)
• 1994 – Karl Popper, Oostenrykse-Britse filosoof (* 1902).
• 2017 – Lionel Wilson, 'n Suid-Afrikaanse Springbokrugbyspeler (* 1933).

Vakansies, vierings, en waarnemingsdae

• Burgerskapdag in die Verenigde State