Grace Hopper

in Wikipedia, die vrye ensiklopedie
Spring na: navigasie, soek
Grace Hopper
9 Desember 1906 – 1 Januarie 1992 (85 jaar oud)
Grace Hopper

Grace Hopper in 1984

Bynaam(e) "Amazing Grace"
Geboorteplek New York Stad, New York, VSA
Plek van afsterwe Arlington, Virginië, VSA
Lojaliteit Vlag van Verenigde State van Amerika Verenigde State
Diens/Tak Flag of the United States Navy (official specifications).svg Amerikaanse Vloot
Jare in diens 1943–1966, 1967–1971, 1972–1986
Rang US-O7 insignia.svg Admiraal (onderste helfte)
Toekennings Defense Distinguished Service Medal ribbon.svg Defense Distinguished Service Medal
Legion of Merit ribbon.svg Legion of Merit
Meritorious Service Medal ribbon.svg Meritorious Service Medal
American Campaign Medal ribbon.svg American Campaign Medal
World War II Victory Medal ribbon.svg World War II Victory Medal
National Defense Service Medal ribbon.svg National Defense Service Medal
Armed Forces Reserve Medal met twee Hourglass Devices
Naval Reserve Medal ribbon.svg Naval Reserve Medal

Grace Brewster Murray Hopper (New York Stad, 9 Desember 1906Arlington, 1 Januarie 1992) was 'n Amerikaanse wiskundige, rekenaarpionier, wetenskaplike en offisier (admiraal) in die Amerikaanse vloot. Hopper is een van die eerste persone wat die noodsaaklikheid van hoërvlak programmeertale erken het. Sy het die eerste vertaler geskryf en haar idees het grootliks die COBOL-taal beïnvloed.

Lewensloop[wysig | wysig bron]

Hopper behaal haar baccalaureusgraad in wiskunde en natuurkunde aan die Vassar Kollege in 1928. Tydens haar studie word sy lid van die akademiesevereniging ΦΒΚ (Phi-Beta-Kappa) vanweë haar wetenskaplike talent. Sy studeer verder aan Yale Universiteit en behaal in 1930 haar meestersgraad in dieselfde twee vakke. In 1934 word sy die eerste vrou in die Verenigde State wat 'n doktorsgraad in die wiskunde behaal. Haar verhandeling het die titel New Types of Irreducibility Criteria. Vanaf 1931 gee Hopper ook klas in wiskunde aan Vassar en teen 1941 was sy daardie universiteit se hoofdosent.

In 1943 tree sy tot die VSA vlootreserwe toe en word gestasioneer in die ondersoekslaboratorium vir rekenaartoepassings. Sy dien op die Mark I rekenaar se programmering personeel onder leiding van Howard Aiken. Hopper en Aiken was mede-outeurs van drie akademiese artikels oor die Mark I. Teen die einde van die Tweede Wêreldoorlog klaar sy by die vloot uit, maar bly werk aan die ontwikkeling van die Mark II en Mark III rekenaars.

In 1949 werk sy vir die Eckert-Mauchly Computer Corporation, waar sy begin toe die UNIVAC I in bedryf gestel word. Sy werk ook op die projek. In die begin van die 1950s word die maatskappy oorgeneem deur die Remington Rand Corporation en bly sy in hulle in diens totdat sy haar eerste werk op die gebied van vertalers publiseer. Haar vertaler staan bekend as die A compiler, met as eerste reël A-0. In 1954 word Hopper aangestel as die maatskappy se eerste direkteur van outomatiese programmering en haar department skep van die eerste vertaler-gebasseerde programeringstale, insluitende MATH-MATIC and FLOW-MATIC.

In die lente van 1959, het 'n twee-dae konferensie bekend as die Conference on Data Systems Languages (CODASYL) rekenaar kenners van die besigheidswêreld en regering bymekaargebring. Hopper dien as tegniese konsultant van die komitee en baie van haar voormalige werknemers dien op die kort termyn komitee wat die nuwe rekenaartaal COBOL ('n akroniem vir COmmon Business-Oriented Language) definieer. Die nuwe taal bou op Hopper se FLOW-MATIC taal en sluit in idees van die IBM taal COMTRAN. Hopper het geglo dat rekenaartale geskryf moet word in 'n vorm so na as moontlik aan Engels (eerder as in masjienkode).

Hopper klaar by die nasional reserwe uit in 1966, met die rang van kommandeur. In Augustus 1967 word sy egter weer in aktiewe diens teruggeroep vir 'n periode van ses maande – wat later omgeskakel word in 'n aanstelling van 'n onbepaalde duur. In 1973 word sy deur admiraal Elmo R. Zumwalt Jr. bevorder tot die rang van vloot kaptein.

Gedurende die 1970's ontwikkel sy validasie sagteware vir COBOL en sy vertaling as deel van 'n standaardiseeringsprojek vir die vloot. In Maart 1983 verskyn Hopper op televisie in die program 60 Minutes. Daar word sy opgemerk deur Philip Crane, lid van die Amerikaanse Huis van Afgevaardigdes. Hy dien 'n mosie in by die Huis om president Ronald Reagan te oortuig om haar te bevorder tot kommodoor. In 1985 word hiedie rang omgesit in skout admiraal. In 1986 klaar sy (nie vrywillig) by die vloot uit.

Sy word daarna aangestel as senior konsultant by Digital Equipment Corporation, 'n aanstelling wat sy die res van haar lewe behou. Sy bied veral lesings aan oor die vroeëre ontwikkeling van rekenaars, haar loopbaan en oor wat rekenaarvervardigers sou kon doen om die lewens van hul gebruikers te vergemaklik.

Grace Hopper sterf op 85-jarige ouderdom op nuwejaarsdag 1992 en word met militêre eer begrawe in die Arlington nasionale begraafplaas.

Pryse en ander toekennings[wysig | wysig bron]

  • 1969 — Hopper wen die eerste "man of the year" toekennings van die Data Processing Management Association.
  • 1971 — Die Association for Computing Machinery stel die "Grace Murray Hopper Award for Outstanding Young Computer Professionals" in.
  • 1973 — Hopper word as eerste Amerikaner en die eerste vrou van enige nationaliteit om 'n Distinguished Fellow van die British Computer Society te word.
  • 1986 — Ontvang die Defense Distinguished Service Medal by haar aftrede.
  • 1987 — Word Computer History Museum Fellow Award ontvanger.
  • 1991 — Ontvang die National Medal of Technology.
  • 1996 — Tewaterlating van die USS Hopper, na haar vernoem.

Eksterne skakels[wysig | wysig bron]