Groote Schuur (kiesafdeling)

Sir De Villiers Graaff wen die kiesafdeling Hottentots-Holland vir die V.P. in 1948 (foto) en weer in 1953, maar verloor in 1958, waarna hy Rondebosch verteenwoordig van 1958 tot 1974 en Groote Schuur van 1974 tot sy uittrede uit die politiek in 1977.

Die setel, soos ook 'n laerskool, hoërskool en hospitaal, is na die Groote Schuur-woning genoem.

Groote Schuur was van 1974 tot 1994 'n kiesafdeling vir die Suid-Afrikaanse Volksraad in die suidelike voorstede van Kaapstad.

Nadat sir De Villiers Graaff, leier van die Verenigde Party van 1956 tot 1977, van 1948 tot 1958 LV vir Hottentots-Holland was, maar in laasgnoemde verkiesing met 898 stemme teen die Nasionale Party se J.D. de Villiers verloor het, het kol. Rupert Pilkington Jordan, wat onbestrede verkies is in Rondebosch, op 25 April 1958 sy setel bedank om plek te maak vir Graaff. Die V.P.-leier bly LV vir Rondebosch van 1958 tot 1974, toe hy in die nuwe kiesafdeling Groote Schuur staan. In die dieselfde kieafdeling wen Frederik van Zyl Slabbert, latere leier van die Progressiewe Federale Party in Rondebosch met 1 558 stemme teen die V.P. se B.R. Bamford (wat daarna 'n senator word). In Groote Schuur is David Welsh van die Progressiewe Party egter minder gelukkig teen Graaff, wat hy kry 2 148 stemme vergeleke met die leier van die Amptelike Opposisie se 6 060.

Sien ook

Bellville, Claremont, Constantia, De Kuilen, Durbanville, Groenpunt, Kaapse Vlakte, Kaapstad-Hawe, Kaapstad-Kasteel, Kaapstad-Sentraal, Kaapstad-Tuine, Liesbeek, Maitland, Mowbray, Nuweland, Parow, Pinelands, Rondebosch, Seepunt, Simonstad, Soutrivier, Suid-Skiereiland, Tygervallei, Vasco, Woodstock, Wynberg

Bronne

• Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
• Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.