Herbert Blomstedt

Herbert Blomstedt
Blomstedt in 2023
Gebore	Herbert Thorson Blomstedt 11 Julie 1927 (1927-07-11) Springfield, Massachusetts, Verenigde State
Beroep	Dirigent

Herbert Blomstedt (Sweeds:ˈhærːbɛʈ ˈblʊmːstɛt; * 11 Julie 1927) is 'n Sweedse dirigent.

Blomstedt tydens 'n lesing oor Brahms se koormusiek gedurende die Koorfees in Lund, Swede in 2008.

Herbert Blomstedt is in Springfield, Massachusetts gebore. Twee jaar na sy geboorte het sy Sweedse ouers die gesin teruggeneem na Swede. Blomstedt het aan die Stockholmse Koninklike Kollege van Musiek en die Universiteit van Uppsala studeer. Dit is gevolg deur studies in kontemporêre musiek by Darmstadt in 1949, barokmusiek onder Paul Sacher aan die Schola Cantorum Basiliensis en verdere dirigeerstudies onder Igor Markewitsj en Jean Morel aan die Juilliard-skool en onder Leonard Bernstein by Tanglewood se Berkshire Musieksentrum. Blomstedt het ook gedurende sy jeug in Finland gewoon.

Hy het in 1953 die Koussevitzky Dirigeer-prys gewen en die Salzburgse Dirigeerkompetisie in 1955.

Blomstedt is veral bekend vir sy opvoerings van Duitse en Oostenrykse komponiste soos Beethoven, Mendelssohn, Brahms, Schubert, Bruckner, [[Richard Strauss]|Strauss] en Hindemith. Hy is ook 'n voorstander van Skandinawiese komponiste soos Grieg, Franz Berwald, Sibelius en Carl Nielsen.

Blomstedt is 'n toegewyde Sewendedag adventis en repeteer nie op Vrydae-nagte of Saterdae nie, die Sabbat in Sewendedagadventisme. Hy voer egter konserte op die dae uit aangesien hy opvoerings van die musiekwerke as uitdrukkings van sy toegewydheid aan sy geloof beskou en nie as werk nie.

Herbert Blomstedt in die Leipziger Gewandhaus, 2015

Blomstedt was musiekdirekteur of hoofdirigent van die Norrköping Simfonieorkes (1954–1962), Oslo Filharmoniese orkes (1962–1968), Deense Radio-simfonie (1967–1977) en Sweedse Radio-simfonie (1977–1982). Hy was vanaf 1975 tot 1985 hoofdirigent van die Dresdner Staatskapelle en het in die proses baie vername opnames gemaak, insluitende werke van Richard Strauss en die volledige stel simfonieë van Beethoven en Schubert. Hy het ook die orkes op internasionale toere gelei.

Blomstedt was vanaf 1985 tot 1995 musiekdirekteur van die San Francisco Simfonieorkes. Hy het die simfonieorkes op gereelde toere deur Europa en Asië gelei en verskeie prysenswaardige opnames vir London/Decca gemaak. In die proses het hy twee Grammytoekennings, 'n Gramophone-toekenning en die Grand Prix du Disque ontvang, sowel as toekennings van België, Duitsland en Japan. Nadat hy San Fransisco (wat sy voltydse pligte betref) verlaat het, was Blomstedt hoofdirigent by die Noord-Duitse Radio-simfonieorkes (1996–1998) en die Leipzig Gewandhaus Orkes (1998–2005).

Blomstedt is tans eredirigent van die San Francisco Simfonieorkes, die Bamberg Simfonieorkes, die Deense Nasionale simfonieorkes, die NHK Simfonieorkes, die Sweedse Radio simfonie, die Leipzig Gewandhaus-orkes en die Staatskapelle Dresden.

Eksterne skakels

• Herbert Blomstedt by AllMusic
• Herbert Blomstedt biografie by die San Francisco Simfonieorkes
• Herbert Blomstedt - 'n perspektief met ingang 1998 (sluit 'n platelys, aanhalings en konsertskedules in)
• Bamberg Simfonieorkes eredirigent
• Deense Radio-simfonieorkes eredirigent Geargiveer 19 Junie 2009 op Wayback Machine
• NHK Simfonieorkes eredirigent
• Sweedse Radio simfonie eredirigent^{[dooie skakel]}
• CAMI Kunstenaarsblad
• DECCA Kunstenaarsblad
• Onderhoud met Herbert Blomstedt, 8 Januarie 1988

Kulturele poste
Voorafgegaan deur Heinz Freudenthal	Hoofdirigent, Norrköping Simfonieorkes 1954-1962	Opgevolg deur Everett Lee
Voorafgegaan deur Fritz Busch	Hoofdirigent, Deense Nasionale Simfonieorkes 1967-1977	Opgevolg deur Lamberto Gardelli
Voorafgegaan deur Sergiu Celibidache	Hoofdirigent, Sweedse Radio simfonie 1977-1982	Opgevolg deur Esa-Pekka Salonen
Voorafgegaan deur John Eliot Gardiner	Hoofdirigent, Noord-Duitse Radio simfonie 1996-1998	Opgevolg deur Christoph Eschenbach