Hominidae

in Wikipedia, die vrye ensiklopedie
Spring na: navigasie, soek
Hominiede
Tydperk: Laat-Mioseen – hede
7–0 m. jaar gelede
Twee hominiede: ’n mens (Homo sapiens) en ’n sjimpansee (Pan troglodytes)
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Primates
Suborde: Haplorrhini
Infraorde: Simiiformes
Parvorde: Catarrhini
Superfamilie: Hominoidea
Familie: Hominidae
(Gray, 1825)
Genera
Sinonieme
  • Pongidae Elliot, 1913

Die Hominidae of hominiede, ook bekend as die "groot ape", vorm ’n taksonomiese familie van primate, insluitende vier uitgestorwe genera:

Die term "hominied" word ook in ’n enger sin gebruik vir Hominini, of "mense en verwante van mense nader as sjimpansees".[1] In dié sin het alle hominiede spesies behalwe Homo sapiens uitgesterf.

’n Aantal bekende uitgestorwe genera word saam met die mens in die subfamilie Homininae geklassifiseer, en ander saam met orang-oetangs in die subfamilie Ponginae. Die mees onlangse gemeenskaplike voorouer van die Hominidae het rofweg 14 miljoen jaar gelede geleef,[2] toe die voorouers van die orang-oetang afgeskei het van die voorouers van die drie ander genera.[3] Die voorouers van die Hominidae-familie het toe reeds van dié van die Hylobatidae-familie afgeskei, moontlik 15 miljoen tot 20 miljoen jaar gelede.[3][4]

Evolusie van die Hominoidea: ná ’n aanvanklike afskeiding van die Hylobatidae van die hooflyn sowat 18 miljoen jaar gelede, het die lyn Pongidae afgeskei en gelei tot die huidige orang-oetang, terwyl die Hominidae later verdeel het in die Gorillini en Hominini.

Verwysings[wysig]

  1. White, Tim D (2009). “Ardipithecus ramidus and the Paleobiology of Early Hominids”. Science 326 (5949): 64–86. DOI:10.1126/science.1175802.
  2. Andrew Hill & Steven Ward (1988). “Origin of the Hominidae: The Record of African Large Hominoid Evolution Between 14 My and 4 My”. Yearbook of Physical Anthropology 31 (59): 49–83. DOI:10.1002/ajpa.1330310505.
  3. 3,0 3,1 Dawkins R (2004) The Ancestor's Tale.
  4. Query: Hominidae/Hylobatidae”. Time Tree: 2009. URL besoek op Desember 2010.

Eksterne skakels[wysig]