Iljoesjin Il-28

in Wikipedia, die vrye ensiklopedie
Jump to navigation Jump to search
Iljoesjin Il-28
Il-28 RB1.jpg
Tipe Bomwerper
Vervaardiger Iljoesjin
Nooiensvlug 8 Augustus 1948
Bekendstelling 1950
Onttrek 1980 Sowjetunie
Status Uit diens gestel
Hoofgebruiker Sowjet Lugmag

Die Iljoesjin Il-28 is die Sowjetunie se eerste straal aangedrewe bomwerper. NAVO se kodenaam vir die vliegtuig is Beagle. Die Il-28 was bekend as die Sowjetunie se Canberra, bekend vir sy langslewendheid en aanpasbaarheid. Die prototipe het sy nooiensvlug 8 Augustus 1948 voltooi en was binne twee jaar in diens gestel. Vyf-en-twintig voor produksie eenhede het deelgeneem aan die 1950 Moskou Meidag verbyvlug verrigting. Dit was 'n belangrike dag vir die Westerse analiste gedurende die Koue Oorlog; dit is hier waar die Sowjetunie sy nuwe toerusting aan die wêreld vertoon het.

Produksie is in die Sowjetunie in 1960 gestaak en in China, waar die vliegtuig onder lisensie vervaardig is, eers in 1969. Daar is aan die einde van die Tweede Wêreldoorlog reeds aan die ontwerp van die vliegtuig begin. Die ontwerp was konvensioneel, dit het meer aan die verlede herinner as die toekoms - die vlerke was reguit. Die stertvlerke en stertvin was geswaai teen 'n skerp hoek. Dit het stabiliteit verskaf tydens hoë spoed duikvlugte.

Die prototipe was aangedryf deur twee RD-10 turbostraal motors wat ontwikkel is uit die Duitse Junkers Jumo motors van die Tweede Wêreldoorlog. Die produksie modelle was toegerus met Klimov Vk-1 motors, 'n Sowjet weergawe van die betroubare Britse Nene motor wat voor die Koueoorlog aan hulle verkaf is. Die motors het aan hangers onder die vlerke gehang. Die kajuit was die borrel tipe met die vlieënier wat 'n uitsig soos die van vegvliegtuig gehad het. Die navigator/bombardier se visier was in 'n Tweede Wêreldoorlog-tipe glasneus geïnstalleer. By die basis van die stertvin was 'n geëlektrifiseerde skiettoring wat baie lyk soos die van die Boeing B-17 Flying Fortress en Boeing B-29 Superfortress. Daar is twee 23mm masjiengewere in die skiettoring. Interessant was die skutter hier ook die radio operateur van die vliegtuig. Daar is ook twee 23mm masjiengewere in die neus.

Met die bomlaai vol en die hegpunte onder die vlerke kan die vliegtuig 3000 kg se bomme dra. Daar is ook 'n fasiliteit vir eksterne brandstof tenks aan die vlerkpunte.

Modelle[wysig | wysig bron]

Model Il-28R is 'n taktiese verkenningsvliegtuig met kameras wat in die bomlaai gemonteer is; dit ook elektroniese intelligensie insamel toerusting dra. Model Il-28T is 'n torpedobomwerper wat in diens was van die Sowjet Vloot. Die Il-28 was finaal uit diens gestel uit die Vloot en Weermag in die 1980's en agterna gebruik as teikens.

Gebruik in ander lande[wysig | wysig bron]

Die Il-28R is aan meer as 20 lande verkoop insluitende Afganistan, Egipte, Hongarye, Irak, Noord-Korea, Pole en Jemen. In 1968 tydens die Nigeriese burgeroorlog het die wêreld geskok toe hulle ses Il-28R's gebruik het teen die Biafraaanse burgerlikes.

Die vliegtuig was ook deur die Arabiese wêreld gebruik; toe 50 eenhede van die vliegtuig aan Egipte afgelewer word in die middel van die 1950's het daar spanning ontstaan tussen Egipte en Israel. Gedurende die Suezkanaa- krises van 1956 en die Egiptiese oorloë van 1967 en 1973 was die vliegtuie op die grond vernietig voor dit gebruik kon word.

In 1962 was die vliegtuie ook betrokke tydens die Kuba-krisis, Iljoesjin Il-28's wat aanmekaar gesit word in Kuba moes ook verwyder word tesame met die missiele. Meer as 500 van die vliegtuig was verkoop aan China waar dit as die H-5 bekend gestaan het; hier het hulle tot in die laat 1990's diens gedoen. Die Iljoesjin Il-28 is ook deur die Sowjet satelliet lande as bomwerpers gebruik tot diep in die 1990's.

Tegniese besonderhede[wysig | wysig bron]

Besonderhede van die Iljoesjin Il-28:
Item Statistiek
Aantal motore 2
Tipe motor Straalmotor
Vervaardiger Klimov VK-1 turbostraal
Kraglewering per motor 2 700 kg stukrag
Vlerkspan 21,45 m
Lengte 17,65 m
Hoogte 6,7 m
Vlerkoppervlakte 60,8 m2
Maks. opstygmassa 21 000 kg
Maks. snelheid 900 km/h
Operasionele hoogte 12 300 m
Togafstand 2 180 km
Klimvermoë 900 m per minuut
Bewapening Twee 23 mm kanonne in die neus en twee in die stert skiettoring
maks. bomvrag van 3 000 kg.

Bron[wysig | wysig bron]