Indravarman I

in Wikipedia, die vrye ensiklopedie
Jump to navigation Jump to search
Indravarman I
Koning van die Khmer-ryk
Voorganger Jayavarman III
Opvolger Yasovarman I
Dinastie Khmer-ryk
Vader Prthivindravarman
Moeder Prthivindradevi
Oorlede 889

Indravarman I (Khmer: ឥន្រ្ទវរ្ម័នទី១) was ’n koning van die Khmer-ryk wat tussen omstreeks 877 en 889 vanaf Hariharalaya (die huidige Roluos) regeer het.

Hy was nie verwant aan Jayavarman II of Jayavarman III nie, maar het aanspraak op die troon gemaak vanweë afstamming van onbekende heersers van voor die Angkor-tydperk. Hy was in werklikheid nie ’n prins nie, maar "’n broerskind van die vrou van Jayavarman II".[1] Sy aanspraak was dus twyfelagtig en daarom is hy uitgedaag. Hy moes veg vir sy posisie.

Bewind[wysig | wysig bron]

Terwyl Jayavarman II beskou word as die stigter in 802 van die Khmer-ryk, was Indravarman die bouer van die eerste groot tempels van Angkor, soos Preah Ko. Hy het ook die eerste baray (reservoir) laat bou om water op te vang tydens die moesonreëns en dit in die droër tye vir besproeiing vir die ryslande te gebruik.

Indravarman het tempels laat bou wat hy aan sy godheid, voorouers, ouers en ander opgedra het. In sy hoofstad, Hariharalaya, het hy Preah Ko laat bou met ses torings, elk opgedra aan sy pa, oupa en die stigter van die dinastie, Jayavarman II, en hul vroue.[2] In die middel van Hariharalaya het hy die staatstempel Bakong laat bou, wat aan die Hindoegod Shiva gewy was. Hy het met sy bouwerk ’n voorbeeld gestel vir latere Khmer-konings.

Indravarman is in 889 dood en het die postume naam Isvaraloka gekry. Sy seun Yasovarman I het hom opgevolg.[3]

Verwysings[wysig | wysig bron]

  1. Lawrence Palmer Briggs: The Ancient Khmer Empire. Transactions of the American Philosophical Society 1951. p. 97
  2. Ohio State University Geargiveer 6 September 2006 op Wayback Machine
  3. Coedès, George (1968). Walter F. Vella (red.). The Indianized States of Southeast Asia. vert. Susan Brown Cowing. University of Hawaii Press. ISBN 978-0-8248-0368-1.

Eksterne skakels[wysig | wysig bron]

Konings van die Khmer-ryk
Jayavarman IIJayavarman IIIIndravarman IYasovarman IHarshavarman IIshanavarman IIJayavarman IVHarshavarman IIRajendravarman IIJayavarman V • Udayadityavarman I / Jayaviravarman / Suryavarman ISuryavarman IUdayadityavarman IIHarshavarman IIIJayavarman VIDharanindravarman ISuryavarman IIDharanindravarman IIYasovarman IITribhuvanadityavarmanJayavarman VIIIndravarman IIJayavarman VIIIIndravarman IIIIndrajayavarmanJayavarmadiparamesvara • Trosok Peam • Nippean Bat • Lompong Racha • Soryavong • Borom Reachea I • Thomma Saok • In Reachea • Barom Reachea II