Jayavarman VII

in Wikipedia, die vrye ensiklopedie
Jump to navigation Jump to search
Jayavarman VII
Koning van die Khmer-ryk
Jayavarman VII
Jayavarman VII
Bewind 1181–1218
Voorganger Yasovarman II
Opvolger Indravarman II
Dinastie Khmer-ryk
Volle naam Jayavarthon
Vader Dharanindravarman II
Moeder Sri Jayarajacudamani
Eggenote Jayarachadevi, Indradevi
Kinders Ishanavarman II
Harshavarman I
Godsdiens Mahayana-Boeddhisme
(voorheen Hindoeïsme)
Gebore 1125
Angkor, Khmer-ryk
Oorlede 1218 (op 92–93)
Yaśodharapura, Khmer-ryk

Jayavarman VII (1181–1218) word as die grootste koning van die Khmer-ryk rondom Angkor beskou.

Hy stam uit die Mahidharapura-dinastie uit die noordelike Dangrek-gebergte en kom op die troon ná 'n tydperk van dertig jaar se verwarring en oorloë. Daar is meer as 60 inskripsies van hom. Die meeste daarvan is nogtans 'n enkele sin met name van gode of belangrike persone wat dood is. Van die langer tekste is egter in Sanskrit pleks Khmer en van die koning self. Dit is opmerklik omdat in die drie eeue voor hom die neiging gewees het om Sanskrit met Khmer te vervang.[1]

Jayavarman het ná oorwinnings wat hy oor die invallers van Champa behaal het op die troon gekom. Hy het dalk self in die Champa-hoofstad Vijaya gewoon toe die invalle begin het.[1] In 1181 word hy koning van 'n verwoeste land en aanvanklik woon hy in Jiyasri (die stad van die oorwinning) wat se voorskans met 6 meter hoë garuda's van sandsteen versier is, wat 'n Hindoeïstiese Vishnu-motief is. Dit verwys dalk ook na die oorwinning oor die Champa-koning. Wanneer die koning tot die Boeddhisme bekeer is, is 'n omstrede saak. Later vertrek Jayavarman na Angkor Thom toe dit gereed gekom het.[2]

Onder hom het, moontlik onder Champa se invloed, die religie in 'n soort Mahayana-Boeddhisme verander.[1] Dit is bekend dat Jayavarman VII die Mahayana-boddhisattva Lokesvara vereer het. Inteenstelling tot sy voorgangers is die koning nie as 'n Hindoeïstiese Siva linga vergoddelik nie, maar as 'n Buddharadja, 'n lewende verteenwoordiger van die Boeddha op aarde[3]

As koning het hy die grootste bouer van Angkor geword. Daar is groot tempels en kloosters van hom soos Banteay Kdei, Ta Prohm, Preah Khan en Bayon.[1]

Hy het ook hoofpaaie van honderde kilometers aangelê met gashuise elke 15 km langs die pad na Angkor. Die paaie het van Angkor na die ooste oor die Dangrek-gebergte na Phimai en na die weste na Sisophon gelei.[1]

Jayavarman het geprobeer om Champa te onderwerp. Hy het dit in 1190 aangeval en in die tydperk 1203-1220(?) het hy die hele Champa beset. Daarna het die Khmer egter teruggetrek en 'n Cham-prins wat aan Jayavarman se hof opgegroei het, het daar koning geword.[1]

Verwysings[wysig | wysig bron]

  1. 1,0 1,1 1,2 1,3 1,4 1,5 Michael Vickery in: Southeast Asia: A Historical Encyclopedia, from Angkor Wat to East Timor, Keat Gin Ooi ABC-CLIO, 2004, ISBN 1-57607-770-5, ISBN 978-1-57607-770-2
  2. Cambodian Architecture: Eighth to Thirteenth CenturiesJacques Dumarçay, Pascal Royère BRILL, 2001, ISBN 9004113460, ISBN 9789004113466
  3. Buddhist Architecture Huu Phuoc Le Grafikol, 2010, ISBN 0-9844043-0-9, ISBN 978-0-9844043-0-8
Konings van die Khmer-ryk
Jayavarman IIJayavarman IIIIndravarman IYasovarman IHarshavarman IIshanavarman IIJayavarman IVHarshavarman IIRajendravarman IIJayavarman V • Udayadityavarman I / Jayaviravarman / Suryavarman ISuryavarman IUdayadityavarman IIHarshavarman IIIJayavarman VIDharanindravarman ISuryavarman IIDharanindravarman IIYasovarman IITribhuvanadityavarmanJayavarman VIIIndravarman IIJayavarman VIIIIndravarman IIIIndrajayavarmanJayavarmadiparamesvara • Trosok Peam • Nippean Bat • Lompong Racha • Soryavong • Borom Reachea I • Thomma Saok • In Reachea • Barom Reachea II