Plattwaalfsilinder

in Wikipedia, die vrye ensiklopedie
Jump to navigation Jump to search

'n Plat-12 is 'n 12-silinderbinnebrandenjin in 'n plat opset. Skaarser, wyer, en veel laer as 'n V12, word 'n plat-12 uitsluitlik gebruik in middelnjinsportmotors en selde vir produksiemotors.

Die enjin het 'n natuurlik-laer swaartepunt as 'n V12, maar moet ietwat hoër in die enjinruim gemonteer word om vryhoogte aan die uitlaatstelsel te voorsien (ses buise aan elke kant).

Ferrari[wysig | wysig bron]

Ferrari Testarossa se reuse plattwaalfenjin midgemonteer onder sy agterenjinkap.

Plat-12-enjins is oor die algemeen nie ware horisontale teenoorstaande (bokser-) enjins nie, maar eerder 180° V-enjins. 'n Ware bokser het een krukpen per suier, terwyl in die 180° V-enjin, twee opponerende suiers dieselfde krukpen deel. Die plat ontwerp is gebruik in Formule Een- en Uithouwedrenne. Toe die vlerkmotors, wat lugvloei venturis benodig het, egter in die laat 1970's ontstaan het, het die wye, plat uitleg die lugvloei belemmer en was hulle uitgedien. In 1964-65, aan die einde van die 1,5 liter-F1-era, het Ferrari sy plat-12 op die Ferrari 1512 F1 ingevoer, maar 'n meer klassieke V12 is gekies vir die nuwe 3 liter F1. Die Ferrari plat-12 ontwerp was 'n suksesvolle en invloedryke enjin veral, op die Italiaanse vervaardigers, insluitend Alfa Romeo, wie ook suksesvol was in uithouwedrenne met 'n plat-12. Die Tecno Formule Een plat-12 was egter 'n mislukking. 'n 4.4-5.0 L 180° plat-12 is later deur Ferrari in 'n paar van hul produksiemodelle, insluitend die Berlinetta Boxer en Testarossa gepas.

Porsche 917[wysig | wysig bron]

Die Porsche 917 uithourenmotor (bekendgestel in 1969, vir die Sport-kategorie) was aangedryf deur 'n lugverkoelde plat-12. Hierdie enjin is 'n evolusie van die Porsche plat-8 bokser-enjin en gebruik identiese silinders aan die 908, maar met 'n V12-tipe krukas. Die oorheersing van die Porsche 917 oor die V12-aangedrewe Ferrari 512, het Ferrari waarskynlik beïnvloed om terug te keer na die plat-12 in 3 liter-waterverkoelde vorm vir hul prototipes en Formule Een-motors.

Hierdie artikel is in sy geheel of gedeeltelik vanuit die Engelse Wikipedia vertaal.