Jaguares (Superrugbyspan)

in Wikipedia, die vrye ensiklopedie
Jump to navigation Jump to search
Jaguares
Stigting 2015
Ligging Buenos Aires, Argentinië
Stadion Estadio José Amalfitani, Buenos Aires
Kapasiteit 49 540
Afrigter(s) Vlag van Argentinië Raúl Pérez
Kaptein(s) Vlag van Argentinië Agustín Creevy
Liga(s) Superrugby
2018 Kwarteind
(7de na rondomtalie)
Tuiskleure


Weg kleure

Statistiek
Eerste wedstryd
Cheetahs 33 – 34 Jaguares
(26 Februarie 2016)
Grootste oorwinning
Jaguares 73 – 27 Kings
(30 April 2016)
Grootste nederlaag
Blues 24 – 16 Jaguares
(2 April 2016)
Amptelike webwerf
www.jaguares.com.ar
Unie webwerf
www.uar.com.ar

Die Jaguares (IPA: ɣɑ/gwa/rɛs) is ’n Argentynse rugbyspan wat sedert 2016 aan die Superrugbykompetisie deelneem. Die span is in 2015 gestig om ingesluit te word by die vergrote Superrugbykompetisie, en wel met sy debuut in die 2016 Superrugbyseisoen. Die span se basis is Buenos Aires en hulle tuisveld die José Amalfitani-stadion, met sitplek vir 49 540 mense.

Geskiedenis[wysig | wysig bron]

Na indrukwekkende vertonings deur Argentinië in internasionale rugbykompetisies, waaronder ’n derde plek in die Rugbywêreldbeker 2007, het die Argentynse Rugbyunie (UAR) aansoek gesoen om insluiting in SANZAR se Drienasieskompetisie. In 2011 is aangekondig dat die kompetisie uitgebrei sou word om Argentinië in te sluit; gevolglik is die kompetisie se naam verander na die Rugbykampioenskap[1] en Argentinië het in 2012 vir die eerste keer aan die kompetisie deelgeneem.

Volgens die reëls van die Argentynse Rugbyunie was daar egter geen professionele liga in Argentinië nie en die UAR het die Pampas XV op die been gebring. Hierdie span het aan die Vodacombeker deelgeneem van 2010 tot 2013 en die kompetisie in die 2011-seisoen gewen met 11 opeenvolgende onoorwonne wedstryde.[2] Aan die einde van die 2013-seisoen het die span hom weens finansiële oorwegings aan die kompetisie onttrek[3] maar is die span behou om van 2014 af aan die Pasifiese Rugbybeker deel te neem.[4] Hulle her die kompetisie in 2014[5] en 2015 gewen (die kompetisie heet van 2015 af die Wêreldrugby Pasifiese Uitdaging).[6]

Ten spyte van die Pampas XV se suksesse het die UAR steeds gepoog om spanne by die Superrugbykompetisie ingesluit te kry.[7][8] Aangesien SANZAR vir die termyn van 2011 tot 2015 ’n Superrugbypakket aan uitsaaiers verkoop het, het dit beteken dat die formaat wat gegeld het toe die pakket saamgestel is, sou duur tot wanneer die pakket verstryk, m.a.w. die 2016-seisoen.[9]

In 2013 het Greg Peters, HUB van SANZAR aangekondig dat die Superrugbykompetisie in die 2016-seisoen uitgebrei sou word deur onder meer die toevoeging van die Southern Kings.[10] Vroeg in 2014 het SANZAR bevestig dat die Superrugbykompetisie uitgebrei sou word van 15 na 18 spanne met die aanvang van die 2016-seisoen en dat Argentinië een van die nuwe konsessies sou kry. Dit is bevestig dat die span se basis in Buenos Aires sou wees en dat hulle in een van die Afrika-konferensies sou wees.[11] In Oktober 2014 is ’n lisensie aan Japan toegestaan om die 18de konsessie te bedryf.[12] en die nuwe uitgebreide formaat met die drie nuwe spanne is in November 2014 formeel deur die Uitvoerende Komitee van SANZAR goedgekeur.[13]

Naam en kleure[wysig | wysig bron]

Die naam sou aanvanklik teen einde Julie 2015 aangekondig word maar is uitgestel tot na afloop van die Rugbywêreldbeker 2015. Op 16 Desember 2015 is aangekondig dat die span as die Jaguares bekend sou staan. Die naam Jaguares is gekies om slinksheid, vaardigheid en krag voor te stel. Volgens die amptelike webwerf maak die skerp instink en intelligensie die Jaguares die ideale simbool vir die span.[14] Die naam is ook ’n eerbetoon aan die wapen van die UAR wat op alle nasionale spanne verskyn.

Superrugby[wysig | wysig bron]

Die volgende tabel som die Jaguares se Superrugby-uitslae op:

Seisoen Pos Alg Pos Groep Gespeel Gewen Gelyk Verloor Punte vir Punte teen +/- BP1 Pte Notas
2016 13de 5de 15 4 0 11 376 427 −51 6 22
2017 10de 4de 15 7 0 8 404 386 +18 5 33

1 Punte toegeken vir ’n loslootjie is nie hierby ingereken nie.

Span[wysig | wysig bron]

Jaguares 2017-superrugbyspan:

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Verwysings[wysig | wysig bron]

  1. (en) ""Die RugbyKampioenskap" vervang Drienasies". rugby.com.au. Besoek op 8 November 2011. 
  2. (en) "Pampas XV wen Vodacombeker!". SuperSport. 13 Mei 2011. Besoek op 17 April 2015. 
  3. (en) "Pampas uit Vodacombeker". Sport24. 19 November 2013. Besoek op 19 November 2013. 
  4. (es) Unión Argentina de Rugby (27 Desember 2013). "Plantel de Seniors para la temporada 2014" (in Spanish). Persberig. http://www.uar.com.ar/noticias/noticias.asp?idinfo=2455. Besoek op 27 Desember 2013. 
  5. (en) "Argentynse Pampas wen Pasifiese Rugbybeker". Asia Rugby Football Union. 24 Maart 2014. Besoek op 17 April 2015. 
  6. (en) "Argentynse Pampas verdedig Pasifiese Uitdaging-titel". Wêreldrugby. 23 Maart 2015. Besoek op 17 April 2015. 
  7. (en) "Superrugby aanvaar dalk Argentynse spanne in 2016". Guardian. 8 Augustus 2013. Besoek op 17 April 2015. 
  8. (en) "Pichot: Argentinië in Superrugby is voor die hand liggend". SuperXV. 23 Augustus 2013. Besoek op 17 April 2015. 
  9. (en) "Superrugby gaan wêreldwyd". Sydney Daily Telegraph. 11 Februarie 2012. Besoek op 17 April 2015. 
  10. (en) "SANZAR-baas Greg Peters bevestig dat Suid-Afrika vanaf 2016 'n sesde Superrugbykonsessie gaan kry". Herald Sun. 4 September 2013. Besoek op 26 August 2013. 
  11. (en) SANZAR (2 Mei 2014). "Soeke na 18de Superrugbyspan begin". Persberig. http://www.sanzarrugby.com/superrugby/news/search-begins-for-18th-super-rugby-team/. Besoek op 17 April 2015. 
  12. (en) "Superrugby: Japan gekies vir nuwe konsessie vanaf 2016". BBC. 24 Oktober 2014. Besoek op 17 April 2015. 
  13. (en) SANZAR (20 November 2014). "Japan en Argentinië sluit amptelik aan by Superrugby". Persberig. http://www.sanzarrugby.com/superrugby/news/japan-and-argentina-officially-join-super-rugby/. Besoek op 17 April 2015. 
  14. (en) "Waarom Jagueres?". Jaguares. Besoek op 10 Januarie 2016.