Sunwolves (Superrugbyspan)

in Wikipedia, die vrye ensiklopedie
Spring na: navigasie, soek
Sunwolves
Stigting 2015
Ligging Tokio, Japan
Stadion Chichibunomiya Rugbystadion, Tokio
Nasionale Stadion, Singapoer
Afrigter(s) Vlag van Nieu-Seeland Mark Hammett
Liga(s) Superrugby
2017 17de
Tuiskleure


Weg kleure

Statistiek
Eerste wedstryd
Sunwolves 13 – 26 Lions
(27 Februarie 2016)
Grootste oorwinning
Sunwolves 36 – 28 Jaguares
(23 April 2016)
Grootste nederlaag
Cheetahs 92 – 17 Sunwolves
(15 April 2016)
Amptelike webwerf
super-japanrugby.com/en/
Unie webwerf
www.jrfu.org

Die Sunwolves ((jp) サンウルブズ) – weens borgskapredes bekend as die HITO-Communications Sunwolves – is ’n Japanse rugbyspan wat sedert 2016 aan die Superrugbykompetisie deelneem. Die span is in 2015 gestig om ingesluit te word by die vergrote Superrugbykompetisie. Die span se basis is Tokio maar sal ’n aantal tuiswedstryde in Singapoer speel. Die span het sy debuut in die 2016 Superrugbyseisoen gemaak.

Geskiedenis[wysig | wysig bron]

Sedert die aanvang van SANZAR-beheerde Superrugbykompetisie in 1996 (voorheen bekend as Super 12 en Super 14) is die kompetisie beperk tot spanne van Australië, Nieu-Seeland en Suid-Afrika. In 2011 is bekendgemaak dat SANZAR sy internasionale Drienasieskompetisie sou uitbrei om Argentinië in te sluit, wat gelei het tot die nuwe naam van Die Rugbykampioenskap.[1] Dit het gelei tot gerugte dat Argentinië ook ’n span in die Superrugbykompetisie sou wou hê.[2][3] en SANZAR het bevestig dat hulle in die toekoms uitbreiding na ander streke sou ondersoek. SANZAR het egter die bestaande Superrugbypakket aan uitsaaiers verkoop vir die periode van 2011 tot 2015, wat beteken dat geen veranderinge aan die formaat toegestaan sou word tot die 2016-seisoen nie.[4]

In 2013 het Greg Peters, uitvoerende hoof van SANZAR aangekondig dat Superrugby met aanvang van die 2016-seisoen uitgebrei sou word met die insluiting van die Suid-Afrikaanse Southern Kings as een van die spanne.[5] Vroeg in 2014 het SANZAR bevestig dat Superrugby van 15 na 18 spanne uitgebrei sou word, met Argentinië wat een van die addisionele plekke sou inneem. Dit is bevestig dat Argentinië en die 18de span in die Suid-Afrikaanse Groep sou meeding.[6]

Asië het na vore gekom as die voorkeurbestemming vir die laaste lisensie en Japan en Singapoer was die grootste mededingers om die konsessie te verkry.[7] Met ’n aantal faktore wat in Japan se guns tel – soos hul plaaslike professionele liga (die Topliga) wat toenemend groot name uit die buiteland lok, die toekenning van die Rugbywêreldbeker 2019 aan Japan en die Japanse span wat tot die toptien van die Wêreldrugbyranglys deurgebreek het vir die eerste keer in hul geskiedenis in 2014[8] – is lisensie vir die 18de konsessie gevolglik in Oktober 2014 aan hulle toegestaan.[9] – met ’n ooreenkoms dat Singapoer drie van die tuiswedstryde in die Singapoer Sportkern sou aanbied.[10] Die nuwe uitgebreide formaat en drie nuwe spanne is in November 2014 amptelik deur SANZAR se Uitvoerende Komitee goedgekeur.[11]

In April 2015 het die JRVU ’n maatskappy genaamd Japan Superrugbyvereniging gestig wat die bedrywighede van die span sou bestuur. ’n aantal sleutelaanstellings is gemaak; Yoshitaka Tashiro is as voorsitter aangestel, Yuichi Ueno as uitvoerende hoof en Eddie Jones as Direkteur van Rugby.[12] In Mei 2015 is ’n webwerf bekendgestel waar ondersteuners ’n naam kon voorstel.

Daar was egter weer vraagtekens oor Japan se vermoë om betyds ’n span bymekaar te kry. In Augustus 2015 het Eddie Jones aangekondig dat hy nie die pos van Direkteur van Rugby sou opneem nie na gerugte dat hy hom moontlik by die Stormers sou aansluit.[13] Daaropvolgende mediaberigte het aangedui dat SANZAR ander planne vir die 2016 Superrugbyseisoen het, met uitsluiting van die Japanse span,[14] maar die JRVU het kort daarna gesê dat hulle wel aan SANZAR se vereistes voldoen het deur spelers en ander personeel voor einde Augustus aan te stel.[15][16] Die geldigheid van die ingediende spelerslys is bevraagteken met talle spelers wat nie “noodwendig met die nasionale span geassosieer word nie”. Daar was ook voorstelle dat Topligaspanne versoek het dat hul spelers se wedstrydtyd beperk word gedurende Superrugby en dat Topligawedstryde voorkeur sou geniet.[17]

Hulle is egter ingesluit in die Superrugbywedstrydlys wat op 28 September 2015 uitgereik is[18][19] en op 5 Oktober 2015 is bekendgestel dat die span as die Sunwolves bekend sou staan.[20]

Seisoenbepalings[wysig | wysig bron]

Superrugby[wysig | wysig bron]

Die volgende tabel som die Sunwolves se Superrugby-uitslae vir die uitgebreide toernooi van agtien spanne op:

Seisoen Pos Alg Pos Groep Gespeel Gewen Gelyk Verloor Punte vir Punte teen +/− BP1 Pte Notas
2016 18de 8ste 15 1 1 13 293 627 –334 3 9
2017 17de 8de 15 2 0 13 315 671 –365 4 12

Span[wysig | wysig bron]

Huidige span[wysig | wysig bron]

Sunwolves 2017 Superrugbyspan:

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Verwysings[wysig | wysig bron]

  1. (en) ""Die Rugbykampioenskap" gaan Drienasies vervang". rugby.com.au. Verkry op 8 November 2011. 
  2. (en) "Superrugby kan Argentynse spanne in 2016 insluit". Guardian. 8 Augustus 2013. Verkry op 17 April 2015. 
  3. (en) "Pichot: Argentinië in Superrugby maak sin". SuperXV. 23 Augustus 2013. Verkry op 17 April 2015. 
  4. (en) "Superrugby gaan mondiaal". Sydney Daily Telegraph. 11 Februarie 2012. Verkry op 17 April 2015. 
  5. (en) "SANZAR-baas Greg Peters bevestig Suid-Afrika kry 'n sesde Superrugbykonsessie vanaf 2016". Herald Sun. 4 September 2013. Verkry op 26 Augustus 2013. 
  6. (en) SANZAR (2 Mei 2014). "Soektog na 18de Superrugbyspan begin". Persberig. http://www.sanzarrugby.com/superrugby/news/search-begins-for-18th-super-rugby-team/. Besoek op 17 April 2015. 
  7. (en) "Singapoer en Japan in wedloop vir 18de span". SuperXV. 21 Oktober 2014. Verkry op 17 April 2015. 
  8. (en) "Dapper Bloeisels breek deur na toptien". Asian Rugby Football Union. 24 Junie 2014. Verkry op 17 April 2015. 
  9. (en) "Superrugby: Japan gekies vir nuwe konsessie vanaf 2016". BBC. 24 Oktober 2014. Verkry op 17 April 2015. 
  10. (en) "Japan se toetrede tot Superrugby is 'droom bewaarheid'". JRFU. 20 November 2014. Verkry op 17 April 2015. 
  11. (en) SANZAR (20 November 2014). "Japan en Argentinië amptelik deel van Superrugby". Persberig. http://www.sanzarrugby.com/superrugby/news/japan-and-argentina-officially-join-super-rugby/. Besoek op 17 April 2015. 
  12. (en) "Eddie Jones kry Superrugbyrol". SANZAR. 24 April 2015. Verkry op 24 April 2015. 
  13. (en) "Japan rugbyafrigter Jones bevestig vertrek ná Wêreldbeker". Japan Today. 25 Augustus 2015. Verkry op 25 Augustus 2015. 
  14. (en) "Superrugby dalk sonder Japanse klub vir 2016-kompetisie na bekommernisse dat 'n span nie byeen geroep kan word nie". The Daily telegraph. Fox Sports. 25 Augustus 2015. Verkry op 25 Augustus 2015. 
  15. (en) "Japan werk om Superrugbytake te voltooi, sê JRVU-bestuur". Japan Times. 29 Augustus 2015. Verkry op 30 Augustus 2015. 
  16. (en) "Formasie van Superrugbyspan voltooi". The Yomiuri Shimbun. The Japan News. 2 September 2015. Verkry op 2 September 2015. 
  17. (en) "Japan se Superrubgydeelname bly onseker". Kyodo. The Japan Times. 2 September 2015. Verkry op 2 September 2015. 
  18. (en) SANZAR (28 September 2015). "Loting vir nuwe era van Superrugby vrygestel". Persberig. http://www.sanzarrugby.com/superrugby/news/draw-released-for-new-era-of-super-rugby/. Besoek op 28 September 2015. 
  19. (en) "2016-loting". SANZAR. 28 September 2015. Verkry op 28 September 2015. 
  20. (en) "Superrugby verwelkom die Sunwolves". SANZAR. 5 Oktober 2015. Verkry op 5 Oktober 2015.