2018 Superrugbyseisoen

in Wikipedia, die vrye ensiklopedie
Spring na: navigasie, soek
Gnome globe current event.svg Die artikel beskryf ’n sportgebeurtenis wat in die toekoms gaan plaasvind.
Die inligting is moontlik spekulatief en kan vinnig verander soos data beskikbaar raak.
Sport

Die 2018 Superrugbyseisoen sal die 23ste seisoen van Superrugby wees, 'n jaarlikse rugbykompetisie georganiseer deur SANZAAR tussen die spanne van Argentinië, Australië, Japan, Nieu-Seeland en Suid-Afrika. Ná die afgelope twee seisoene waaraan 18 spanne deelgeneem het, sal die 2018 uitgawe terugkeer na 'n 15-spanformaat, wat bestaan uit drie geografiese konferensies.

Suid-Afrika moes twee spanne van die 2017 seisoen (die Cheetahs en Kings) weglaat[1] en Australië een (Force)[2] om in te pas by die nuwe formaat van die kompetisie.

Kompetisieformaat[wysig | wysig bron]

Die 15 deelnemende spanne sal verdeel word in drie geografiese konferensies: die Australiese konferensie (bestaande uit vier Australiese spanne en die Japannese Sunwolves), die Nieu-Seelandse konferensie (bestaande uit vyf Nieu-Seelandse spanne), en die Suid-Afrikaanse Konferensie (bestaande uit vier Suid-Afrikaanse spanne en die Jaguares van Argentinië).[3]

In die groepfase sal daar 18 rondtes van wedstryde wees, met elke span wat 16 wedstryde sal speel met twee rondtes loslootjies, wat sorg vir 'n totaal van 120 wedstryde. Spanne sal agt inter-konferensiewedstryde en agt kruis-konferensiewedstryde speel; hulle sal twee keer teen elke ander span in hul konferensie speel - een keer tuis en een keer weg - en sal een keer teen vier van die spanne in die ander twee konferensies speel.

Die boonste span in elk van die drie konferensies sal vir die kwarteindrondte kwalifiseer, asook die volgende vyf spanne met die beste uitslae oor die drie konferensies, bekend as "wildcards". Die konferensiewenners en die beste "wildcard"-span sal die gashere wees vir die kwarteindrondtes. Die wenners van die kwarteindrondtes sal tot die halfeindstryd vorder, en die wenners van die halfeindrondtes sal vorder na die eindstryd.

Verwysings[wysig | wysig bron]

  1. (en) "Bevestig: Cheetahs en Kings uit Superrugby". Verkry op 15 Julie 2017. 
  2. (en) "Western Force culled from Super Rugby competition". Daily Telegraph. 11 Augustus 2017. Verkry op 16 Augustus 2017. 
  3. "Sanzaar confirm Super 15 tournament from 2018". SuperXV. 9 April 2017. Verkry op 10 April 2017.