Javier Pérez de Cuéllar

	Javier Pérez de Cuéllar
	; Javier Pérez de Cuéllar in 2008
	5de Sekretaris-generaal van die Verenigde Nasies
	Ampstermyn; 1 Januarie 1982 – 31 Desember 1991
Voorafgegaan deur	Kurt Waldheim
Opgevolg deur	Boutros Boutros-Ghali
135ste Eerste Minister van Peru
	Ampstermyn; 22 November 2000 – 28 Julie 2001
President	Valentín Paniagua
Voorafgegaan deur	Federico Salas
Opgevolg deur	Roberto Dañino
Persoonlike besonderhede
Gebore	Javier Felipe Ricardo Pérez de Cuéllar y de la Guerra; 19 Januarie 1920 ; Lima, Peru
Sterf	4 Maart 2020 (op 100); Lima, Peru
Eggenoot/-note	Ivette Roberts (1922–2013); Marcela Temple Seminario (1933–2013)
Religie	Rooms-Katolieke Kerk
Handtekening

Javier Pérez de Cuéllar (Spaans: [xaˈβjeɾ ˈperez ðe ˈkweʝaɾ]; Lima, 19 Januarie 1920 – 4 Maart 2020, aldaar) was 'n Peruaanse diplomaat en politikus. Van 1981 tot 1991 was hy die sekretaris-generaal van die Verenigde Nasies (VN). Vanaf 1940 werk hy as 'n diplomaat en was aan ambassades in onder andere Switserland en die Sowjetunie verbonde. Van 1971 was hy 'n permanente verteenwoordiger by die VN.

Lewe[wysig | wysig bron]

Ná die verdeling van die eiland Siprus in 1974, wat 'n ernstige krisis tussen NAVO-bondgenote Griekeland en Turkye veroorsaak het, lei Perez de Cuellar in die jare 1975-'77 'n VN-missie daarheen. In 1981 word hy tot sekretaris-generaal van die Verenigde Nasies verkies om Kurt Waldheim op te volg.

Sy ampstermyn is in 1986 met vyf jaar verleng. In 1991 is hy versoek om langer aan te bly, omdat daar nog nie eenstemmigheid oor sy opvolger bereik is nie. In 1992 is hy eindelik deur die Egiptenaar Boutros Boutros-Ghali opgevolg.

In sy eie land was Perez de Cuellar in 1995 'n kandidaat vir die presidentskap, as teenstander van Alberto Fujimori. Ná Fujimori se val word hy in November 2000 die premier van 'n oorgangsregering wat die land bestuur totdat pres. Alejandro Toledo sy amp in Julie 2001 aanvaar. Daarna word hy ambassadeur in Parys en werk ook daar vir Unesco. Op 31 Desember 2004 beëindig hy sy ambassadeurskap, maar bly in Frankryk by Unesco werksaam. In Julie 2005 kry hy 'n hartaanval, maar herstel daarvan.

Onderskeidings[wysig | wysig bron]

Perez de Cuellar ontvang onder meer 'n eredoktoraat van die Vrije Universiteit Brussel.

Die Olof Palme-prys is in 1988 aan die VN-vredesmag onder sy leiding toegeken.

In 1992 word die Vier Vryhede-prys (Four Freedoms Award) aan hom oorhandig.

Eksterne skakels[wysig | wysig bron]

Wikimedia Commons het meer media in die kategorie Javier Pérez de Cuéllar.