Mianmar

in Wikipedia, die vrye ensiklopedie
Spring na: navigasie, soek
ပြည်ထောင်စု သမ္မတ မြန်မာနိုင်ငံတော်‌
Pyidaunzu Thanmăda Myăma Nainngandaw
Republiek van die Unie van Mianmar
Vlag van Mianmar Staatseël van Mianmar
Vlag Staatseël
Volkslied: Kaba Ma Kyei
(Birmaans vir: "Tot die einde van die wêreld")
Ligging van Mianmar
Hoofstad Naypyidawa

19°45′N 96°6′O / 19.750°N 96.100°O / 19.750; 96.100

Grootste stad Yangon (Rangoen)
Amptelike tale Birmaans
Regering Unitêre parlementêre
grondwetlike republiek
Htin Kyaw
Myint Swe
Henry Van Thio
Aung San Suu Kyi
Onafhanklikheid
Vorming
• Pagan-dinastie
• Taungoo-dinastie
• Konbaung-dinastie
• Onafhanklikheid van die
Verenigde Koninkryk
• Staatsgreep
• Huidige grondwet


23 Desember 849
16 Oktober 1510
29 Februarie 1752

4 Januarie 1948
2 Maart 1962
30 Maart 2011
Oppervlakte
 - Totaal
 
 - Water (%)
 
676 578 km2  (40ste)
261 227 myl2
3,06
Bevolking
 - 2012-skatting
 - 2014-sensus
 - Digtheid
 
61 120 000[1][2] (25ste)
51 486 253[3]
76 / km2 (119de)
191,5 / myl2
BBP (KKP)
 - Totaal
 - Per capita
2015-skatting

$269,996 miljard[4]
$5 207[4]

BBP (nominaal)
 - Totaal
 - Per capita
2015-skatting

$73,620 miljard[4]
$1 419[4]

MOI (2014) Green Arrow Up Darker.svg 0,536[5] (148ste)  –  laag
Geldeenheid Kyat (K) (MMK)
Tydsone
 - Somertyd
MST (UTC+6:30)
nie toegepas nie (UTC+6:30)
Internet-TLD .mm
Skakelkode +95
a. Sommige regerings beskou Yangon (Rangoen) as nasionale hoofstad.
Kaart van Mianmar
Topografiese kaart van Mianmar

Mianmar, amptelik die Republiek van die Unie van Mianmar (Birmaans: ပြည်ထောင်စု သမ္မတ မြန်မာနိုင်ငံတော်‌ Pyidaunzu Thanmăda Myăma Nainngandaw), is die land in die vasteland gedeelte van Suidoos-Asië met die grootste oppervlak. Dit staan ook as Birma bekend. Mianmar het op 4 Januarie 1948 as die "Unie van Birma" onafhanklikheid van die Verenigde Koninkryk ontvang. Dit het die "Sosialistiese Republiek van die Unie van Birma" geword op 4 Januarie 1974, voor dit weer die "Unie van Birma" geword het op 23 September 1988. Op 18 Junie 1989 het die State Law and Order Restoration Council die naam "Unie van Mianmar" aangeneem.

Mianmar word deur die Volksrepubliek van Sjina begrens in die noorde, Laos in die ooste, Thailand in die suidooste, Bangladesj in die weste en Indië in die noordweste, met die Andamanse See in die suide, en die Golf van Bengale aan die suidweste. Een derde van Mianmar se totale omtrek van 1 930 kilometer vorm 'n ononderbroke kuslyn.

Die land se kultuur, wat heelwat deur sy buurlande beïnvloed is, is gegrond op Theravada-Boeddhisme gemeng met plaaslike elemente. Mianmar se diverse bevolking het 'n groot rol gespeel in die definisie van die land se moderne politiek, geskiedenis en demografie. Die land se politieke stelsel bly onder streng beheer van die State Peace and Development Council, die militêre regering wat, sedert 1992, by die diktator Senior Generaal Than Shwe oorgeneem het. Die Birmaanse militêre gesag het die regering reeds oorheers sedert Generaal Ne Win 'n staatsgreep in 1962 gelei het waarin die burgelike regering van U Nu omver gewerp is.

Onder die militêre bewind het die land 'n eenpartystelsel ontwikkel, met die "Party van die Birmaanse Pad tot Sosialisme" as oorheersende politieke organisasie. Volgens die grondwet van 1974 was Mianmar 'n Sosialistiese republiek. Die inheemse Sosialisme, wat reeds in die vyftigerjare van die 20ste eeu ontwikkel is, het 'n aantal Marxistiese elemente met Boeddhistiese beginsels en nasionalistiese leuses vermeng. Die eerste stap op pad na 'n Sosialistiese stelsel was dan ook die onteiening van die Indiese minderheid. Daarnaas het die Birmaanse bewind steeds bekend gestaan vir sy kritiese houding teenoor buitelandse beleggings en ontwikkelingshulp, asook sy onvermoë om die etniese minderhede van Mianmar se berggebiede te integreer, alhoewel hulle 'n beperkte selfregerende status het.

Mianmar was tot 1948 deel van die Britse Ryk en kon sedert onafhanklikheid nie daarin slaag om etniese konflik in die land te besleg nie. Die mense van Mianmar is betrokke by 'n stryd om vryheid teen die militêre regering wat die land die afgelope dekade en 'n half met 'n ysterhand regeer. [6] Aung San Suu Kyi word in die stryd as die mees prominente leier van 'n nie-geweldadige beweging vir menseregte en demokrasie in Mianmar beskou. Hiervoor ontvang sy die 1991 Nobelprys vir Vrede.

'n Bekende Birmaanse politikus was U Thant wat tussen 1961 en 1971 as sekretaris-generaal van die Verenigde Nasies (VN) gedien het. Sy beleid was gemik op die dekolonisasie en selfstandigheid - en dus ook VN-lidmaatskap - van selfs die kleinste en minder lewensvatbare eilandstate waardeur hy die funksionaliteit van dié organisasie nouliks bevorder het.[7]

Verwysings[wysig | wysig bron]

  1. (en) Asian Development Bank and Myanmar: Fact Sheet”. Asian Development Bank: 30 April 2012. URL besoek op 12 Augustus 2014.
  2. (en) The World Factbook”. Central Intelligence Agency. URL besoek op 5 April 2016.
  3. (en) (2015) The 2014 Myanmar Population and Housing Census Highlights of the Main Results Census Report Volume 2 – A. Department of Population Ministry of Immigration and Population. 
  4. 4,0 4,1 4,2 4,3 (en) Burma (Myanmar)”. World Economic Outlook Database, April 2014. Internasionale Monetêre Fonds: September 2014. URL besoek op 5 April 2016.
  5. (en) 2015 Human Development Report Summary”. pp. 21–25 United Nations Development Programme: 2015. URL besoek op 5 April 2016.
  6. (en) US Campaign for Burma, Burma in Brief, besoek op 26 Julie 2007.
  7. (de) Ludewig, Werner (redakteur): Das moderne Länderlexikon in zehn Bänden. Boekdeel 2: Barbados-Dänemark. Gütersloh: Verlagsgruppe Bertelsmann/Bertelsmann Lexikon Verlag 1979, bl. 58

Eksterne skakels[wysig | wysig bron]


 
Lande van Asië

Afghanistan | Armenië2 | Azerbeidjan1 | Bahrein | Bangladesj | Bhoetan | Broenei | Egipte | Filippyne | Georgië1 | Indië | Indonesië | Irak | Iran | Israel | Japan | Jemen | Jordanië | Kambodja | Kasakstan1 | Katar | Kirgisië | Koeweit | Laos | Libanon | Maledive | Maleisië | Mianmar | Mongolië | Nepal | Noord-Korea | Oesbekistan | Oman | Oos-Timor | Pakistan | Palestina | Rusland1 | Saoedi-Arabië | Singapoer | Siprus2 | Sirië | Volksrepubliek van Sjina (Sjina) | Sri Lanka | Suid-Korea | Tadjikistan | Thailand | Turkmenistan | Turkye1 | Verenigde Arabiese Emirate | Viëtnam

Omstrede gebiede: Abchasië - Republiek van Nagorno-Karabach - Republiek van Sjina (Taiwan) - Suid-Ossetië - Turkse Republiek van Noord-Siprus

Afhanklike gebiede: Australië: Kerseiland - Kokoseilande | Verenigde Koninkryk: Akrotiri en Dhekelië2 - Britse Indiese Oseaangebied | Volksrepubliek van Sjina: Hongkong - Macau

1. Land deels in Europa. 2. Geografies in Asië, maar gereeld beskou as deel van Europa a.g.v. kulturele en historiese oorwegings.

Lande van: Afrika Europa Noord-Amerika Oseanië Suid-Amerika