Jennifer Aniston

in Wikipedia, die vrye ensiklopedie
Jennifer Aniston
'n Beeld van die betrokke persoonlikheid.
Aniston in Februarie 2012 met die inhuldiging van haar ster op die Hollywood Walk of Fame.

Geboortenaam Jennifer Joanna Aniston
Geboorte 11 Februarie 1969 (1969-02-11) (55 jaar oud)
Los Angeles, Kalifornië, VSA
Nasionaliteit Amerikaans
Beroep(e) Aktrise
Aktiewe jare 1987–tans
Internet-rolprentdatabasis-profiel

Jennifer Joanna Aniston[1] (geb. 11 Februarie 1969) is ’n Amerikaanse aktrise, vervaardiger en sakevrou. Sy is die dogter van die akteur John Aniston en aktrise Nancy Dow.

Vroeë lewe[wysig | wysig bron]

Aniston is in Sherman Oaks in Los Angeles, Kalifornië,[2] gebore as die dogter van twee akteurs.[2] Haar pa, John, is Grieks en ’n boorling van Kreta, en haar ma, Nancy Dow, is in New York-stad gebore. Aniston het twee halfbroers.[2]

As kind het Aniston vir ’n rukkie saam met haar ouers in Griekeland gewoon. Hulle het daarna na Pennsilvanië verhuis en later na New York.[2] Haar ouers is geskei toe sy nege jaar oud was.[1] Haar pa is veral bekend vir sy rol as Victor Kiriakis in die sepie Days of Our Lives, wat hy in 1985 geskep het.[3][4]

Loopbaan[wysig | wysig bron]

Aniston het internasionaal bekend geraak danksy haar rol as Rachel Green in die gewilde TV-sitkom Friends (1994–2004), waarvoor sy ’n Emmy, Golden Globe en Screen Actors Guild Award gewen het. Die karakter was baie gewild en is erken as een van die 100 beste vrouekarakters op Amerikaanse TV.[5][6]

Aniston het die vroulike hoofrol in verskeie komedie- en romantiese komedieprente vertolk. Treffers waarin sy te sien was, sluit in Bruce Almighty (2003), The Break-Up (2006), Marley & Me (2008), Just Go with It (2011), Horrible Bosses (2011) en We're the Millers (2013). Elkeen van hulle het wêreldwyd meer as $200 miljoen laat inrol.[7] Sy het die beste resensies gekry vir haar spel in The Good Girl (2002) en Cake (2014). Vir laasgenoemde is sy benoem vir ’n Golden Globe en Screen Actors Guild Award vir beste aktrise. Ander prente sluit in Along Came Polly (2004) en He's Just Not That Into You (2009). In 2008 was sy ’n medestigter van die vervaardigingsmaatskappy Echo Films.

Aniston het in 2012 ’n ster gekry op die Hollywood Walk of Fame. Sy is een van die bes betaalde aktrises in Hollywood[8][9] en in 2014 is haar fortuin op $150 miljoen geraam.[10] Sy is ook al ’n paar keer aangewys as een van die wêreld se mooiste vroue.[11][12][13][14]

Haar persoonlike lewe wek ook wyd belangstelling. Sy is in 2005 geskei van Brad Pitt, met wie sy vyf jaar getroud was. Sy is in 2015 getroud met die akteur Justin Theroux.

Filmografie[wysig | wysig bron]

Prys Gewen Benoem
Golden Globe
1 3
Emmy
1 6
Screen Actors Guild
1 10
Aniston in 2009 by die première van He's Just Not That Into You.
  • Leprechaun (1993)
  • She's the One (1996)
  • Picture Perfect (1997)
  • The Object of My Affection (1998)
  • Office Space (1999)
  • The Iron Giant (1999)
  • Rock Star (2001)
  • The Good Girl (2002)
  • Bruce Almighty (2003)
  • Along Came Polly (2004)
  • Derailed (2005)
  • Rumor Has It... (2005)
  • The Break-Up (2006)
  • Marley & Me (2008)
  • He's Just Not That into You (2009)
  • The Bounty Hunter (2010)
  • The Switch (2010)
  • Just Go with It (2011)
  • Horrible Bosses (2011)
  • Wanderlust (2012)
  • We're the Millers (2013)
  • Life of Crime (2014)
  • Horrible Bosses 2 (2014)
  • Cake (2015)
  • She's Funny That Way (2015)
  • Mother's Day (2016)
  • The Yellow Birds (2016)

Verwysings[wysig | wysig bron]

  1. 1,0 1,1 "Jennifer Aniston- Biography". Yahoo! Movies (in Engels). Geargiveer vanaf die oorspronklike op 7 Maart 2016. Besoek op 17 Mei 2013.
  2. 2,0 2,1 2,2 2,3 "Jennifer Aniston Biography". People (in Engels). Geargiveer vanaf die oorspronklike op 21 September 2018. Besoek op 21 Mei 2008.
  3. "John Aniston Biography". Buddy tv. Geargiveer vanaf die oorspronklike op 13 Desember 2017. Besoek op 21 Mei 2015.
  4. "John Aniston" (in Engels). TV Guide. Geargiveer vanaf die oorspronklike op 6 Maart 2020. Besoek op 21 Mei 2015.
  5. Adam B. Vary (14 November 2014). "The 100 Greatest Characters of the Last 20 Years: Here's our full list!". Entertainment Weekly (in Engels). Time Inc. Geargiveer vanaf die oorspronklike op 11 Januarie 2015. Besoek op 7 Julie 2012.
  6. Potts, Kim (14 November 2014). "100 Most Memorable Female TV Characters". AOL TV (in Engels). Geargiveer vanaf die oorspronklike op 5 April 2020. Besoek op 20 Julie 2012.
  7. "Jennifer Aniston Movie Box Office Results" (in Engels). Box Office Mojo. Geargiveer vanaf die oorspronklike op 15 September 2019. Besoek op 30 Julie 2010.
  8. "Hollywood's Highest Paid Actresses" (in Engels). Forbes. Geargiveer vanaf die oorspronklike op 17 Maart 2020. Besoek op 24 Desember 2014.
  9. "Sandra Bullock's $51 million tops Forbes list of highest paid actresses" (in Engels). nydailynews.com. 4 Augustus 2014. Geargiveer vanaf die oorspronklike op 3 April 2020. Besoek op 24 Desember 2014.
  10. Tucker, Reed (4 Mei 2014). "10 years later, how do the 'Friends' stack up?" (in Engels). New York Post. Geargiveer vanaf die oorspronklike op 5 April 2020. Besoek op 22 Augustus 2015.
  11. "Beautiful 'People'" (in Engels). cbs news. Geargiveer vanaf die oorspronklike op 30 Junie 2018. Besoek op 3 Desember 2014.
  12. Amelia Gayle (15 September 2009). "Why They Still Look This Fantastic" (in Engels). cosmopolitan magazine. Geargiveer vanaf die oorspronklike op 23 Maart 2020. Besoek op 3 Desember 2014.
  13. "Women we love" (in Engels). Esquire magazine. Geargiveer vanaf die oorspronklike op 8 Februarie 2015. Besoek op 3 Desember 2014.
  14. Moraski, Lauren (12 Desember 2011). "Jennifer Aniston named hottest woman of all time by Men's Health". CBS News. CBS Corporation (in Engels). Geargiveer vanaf die oorspronklike op 1 November 2013. Besoek op 19 Augustus 2013.

Verdere leesstof[wysig | wysig bron]

  • Smith, Sean (2008). Jennifer: The Unauthorized Biography. Macmillan UK. ISBN 978-0330449977.
  • Marshall, Sarah (2007). Jennifer Aniston: The Biography of Hollywood's Sweetheart. John Blake. ISBN 978-1844544004.
  • Lynette, Rachel (2010). Jennifer Aniston. Lucent Books. ISBN 978-1420502350.
  • Bonner, Mike (2001). Jennifer Aniston. Chelsea House Publications. ISBN 978-0791064658.

Eksterne skakels[wysig | wysig bron]