John Keats

in Wikipedia, die vrye ensiklopedie
Spring na: navigasie, soek

John Keats by William Hilton.jpg

John Keats

Engelse digter


Handtekening
John Keats signature.jpg


Literêre stroming
Romantiek



Musea

Keats-Shelley House.jpg

Keats-Shelley-huis
in Rome, Italië

Keats House.jpg

Keats House
in Hampstead, Londen


John Keats (uitgespreek as ˈkiːts; * 31 Oktober 1795, † 23 Februarie 1821) was 'n Engelse Romantiese digter. Hy was naas Lord Byron en Percy Bysshe Shelley een van die sleutelfigure van die Romantiese beweging se tweede generasie, ongeag die feit dat sy literêre loopbaan vanweë sy ontydige afsterwe in die ouderdom van 25 jaar slegs vier jaar geduur het.

Keats se gedigte is gedurende sy leeftyd deur literêre kritici allesbehalwe entoesiasties ontvang. Eers ná sy afsterwe het sy reputasie gegroei tot die punt dat hy teen die einde van die 19de eeu as een van die gewildste Engelse digters gevier is en beslissende invloed op 'n wye verskeidenheid latere digters en skrywers sou uitoefen. So het die Argentynse skrywer Jorge Luis Borges na sy eerste kennismaking met Keats se werk as die beduidendste literêre ervaring van sy lewe verwys.[1]

Die digkuns van John Keats word deur sinlike beeldspraak gekenmerk, veral in sy reeks odes wat in 1819 ontstaan het. Vandag word sy gedigte en briewe by die gewildste en mees besproke werke in die Engelse letterkunde gereken.

Verwysings[wysig]

  1. Jorge Luis Borges: This Craft of Verse. Cambridge, MA: Harvard University Press 2000, bl. 98-101

Eksterne skakels[wysig]

Commons-logo.svg
Wikimedia Commons het meer media verwant aan:
John Keats (kategorie)