Josef in Islam

in Wikipedia, die vrye ensiklopedie
Jump to navigation Jump to search
Yūsuf
يوسف
Josef
Islamitiese profeet
Yusuf en Zulaikha (Josef word deur Potifar se vrou gejaag), deur Behzād, 1488.
'Yusuf en Zulaikha (Josef word deur Potifar se vrou gejaag), deur Behzād, 1488.
Ander name  יהוה להוסיף, Lhosif
Gebore  16de eeu v.C.[1]
Familie
Vader  Jakob
Moeder  Ragel
Gade  Asenat
Kinders  Efraim, Manasse

Yūsuf (volle naam Yūsuf ibn Yaʿqūb ibn Isḥāq ibn Ibrāhīm; Arabies: يوسف), ook bekend as Josef, is ’n profeet in die Islam en word in die Koran genoem.[2] Sy vader was Jakob en hy was die enigste van Jakob se seuns wat met die gawe van profesie geseën was.

Josef se verhaal[wysig | wysig bron]

Hoewel die verhaal van ander profete in verskeie soeras van die Koran genoem word, word Josef se volle verhaal in net een soera, Josef (Hoofstuk 12) vertel. Dit maak die verhaal uniek. Daar word geglo dit is die mees gedetailleerde verhaal in die Koran en bevat meer besonderhede as in die Bybel.[3]

Josef was die 11de seun van Jakob en volgens baie geleerdes sy gunsteling. Volgens Ibn Kathir “het Jakob 12 seuns gehad wat die stamvaders van die stamme van Israel was. Die mees edele, mees verhewe en grootste van hulle was Josef."[4] Die verhaal Yusuf en Zulaikha, oor Potifar in die Ou Testament se vrou wat Josef probeer verlei het, was ’n gewilde onderwerp in Persiese letterkunde en dit is daar deur die eeue aansienlik uitgebrei.[5]

Die verhaal van Josef, wat sonder onderbreking in die Koran vertel word, word beskou as een van die mooiste soeras. Die sowat 100 verse omvat baie jare en “is ’n dramatiese voorbeeld van die basiese temas van die Koran".[6] Die Koran sê self in die derde vers van die soera: Ons vertel aan u die groot verhaal. Dit vertel van die uitvoering van Allah se leringe ondanks die uitdagings van menslike inmenging: En Allah het volle beheer oor wat Hy beveel, maar die meeste mense weet dit nie. [7] Dit is wat die verhaal van Josef bevestig, want dit het ’n wonderlike einde.

Josef se erfenis[wysig | wysig bron]

Moslems glo Josef is een van die mees geëerde figure. Hy kom van ’n besonder edele lyn patriarge – Abraham, Isak en Jakob – en het soos sy voorvaders die gawe van profesie ontvang. Volgens Kisai, een van die vernaamste skrywers oor die Islamitiese profete, is Josef se belangrikheid duidelik uit die feit dat hy ’n staf van lig gekry het met drie takke. Op die eerste tak was geskryf "Abraham, vriend van God", op die tweede "Isak, offerande van God", op die derde "Ismael, reine van God", op die vierde "Jakob, Israeliet van God" en op die vyfde "Josef, regverdige van God".[8]

Josef word vereer as ’n groot prediker van die Islamitiese geloof wat ’n uiters sterk verbintenis teenoor God gehad en probeer het om mense die weg van geregtigheid te laat volg. Die Koran vertel van Josef se verklaring van sy geloof:

En ek volg die godsdiens van my vaders, Abraham, Isak en Jakob. Dit betaam ons nie om ander met Allah te vereenselwig nie. Dit is deur Allah se goedertierenheid oor ons en oor die mensdom, maar die meeste mense is nie dankbaar nie.

– Koran, Soera 12:38

Joseph het ook die drie eienskappe van die ideale staatsman gehad: ’n pastorale vermoë (in sy jeug ontwikkel toe hy in beheer van sy pa se vee was), ’n huishoudelike bekwaamheid (uit sy tyd in Potifar se huis) en selfbeheersing (soos op verskeie geleenthede gesien kan word, nie net met Potifar se vrou nie). “Hy was vroom en godvresend, gematig, bereid om te vergewe en het goedheid teenoor alle mense getoon.”[9]

Verwysings[wysig | wysig bron]

  1. Coogan, Michael (2009). The Old Testament: A Very Short Introduction. Oxford University Press. pp. 70–72. 
  2. Keeler, Annabel (15 Junie 2009). “Joseph ii. In Qur'anic Exegesis”. Encyclopedia Iranica XV.
  3. Keeler, Annabel (15 Junie 2009). “Joseph ii. In Qurʾānic Exegesis” XV.
  4. Wheeler, Brannon (2002). Prophets in the Qur'an. Continuum. p. 127. 
  5. Bruijn (2013). “Yūsuf and Zulayk̲h̲ā”. Encyclopedia of Islam; Second Edition.
  6. Mir, Mustansir (June 1986). “The Qur'anic Story of Joseph”. The Muslim World LXXVI (1). doi:10.1111/j.1478-1913.1986.tb02766.x.
  7. Koran, Soera 12:21
  8. De Sondy, Amanullah (4 December 2011). “Prophecy and masculinities: the case of the Qurʼanic Joseph”. Cross Currents.
  9. Stone, Michael (1998). Biblical Figures Outside the Bible. Trinity Press International. p. 246. 

Eksterne skakels[wysig | wysig bron]


Profete van Islam, soos in die Koran genoem. Star and Crescent.svg
ʾĀdam Iederies Nūḥ Hüd Salih Ibrāhīm Loet Ismāʿīl Iṣḥāq Yāqub Yūsuf Ajjoeb
آدم ادريس نوح هود صالح إبراهيم لوط اسمعيل اسحاق يعقوب يوسف أيوب
Adam Henog Noag Eber Selag Abraham Lot Ismaël Isak Jakob Josef Job

Suayb Mūsa Haroen Dhoelkifl Dawud Süleyman Iljas Al-Yasa Yunus Zakarija Jahja ʿĪsā Mohammed
شعيب موسى هارون ذو الكفل داود سليمان إلياس اليسع يونس زكريا يحيى عيسى
Mohammed
Jetro Moses Aäron Esegiël Dawid Salomo Elija Elisja Jona Zagarias Johannes Jesus