Moses in Islam

in Wikipedia, die vrye ensiklopedie
Mūsa
ٰمُوسَى
Moses
Islamitiese profeet
Die naam Mūsa in Islamitiese kalligrafie, gevolg deur "vrede vir hom".
Die naam Mūsa in Islamitiese kalligrafie,
gevolg deur "vrede vir hom".
Gebore  c. 2076 VH (c. 1392 v.C.),
Egipte
Oorlede  c. 1952 VH (c. 1272 v.C.),
Moab

Mûsâ ibn Amram[1] (Arabies: ٰمُوسَى|), ook bekend as Moses, word beskou as ’n boodskapper, profeet en leier in die Islam en is die mens wat die meeste kere in die Koran genoem word.[2]

Lewe en erfenis[wysig | wysig bron]

In die Islamitiese tradisie het Moses nie ’n nuwe godsdiens begin nie, maar die godsdiens van sy voorvaders voortgesit.[3] Volgens die Koran is Moses deur Allah na die farao van Egipte en die Israeliete gestuur vir leiding en om hulle te waarsku. Sy lewe word die beste in die Koran beskryf as dié van enige ander figuur.[4] Die Koran lui:

En vermeld Moses in die Boek. Voorwaar, hy was ’n opregte persoon, ’n boodskapper en ’n profeet.

En Ons het hom van die geseënde kant van die berg af geroep, en Ons het hom nader laat tree vir ’n gesprek.
En deur Ons genade het Ons aan hom sy broer Aäron gegee, ’n profeet.

– Koran, Soera 19:51-53

Moses die profeet word as ’n voorganger van Mohammed beskou. Sy lewe het parallel met dié van Mohammed verloop, aangesien daar baie ooreenkomste is.[5][6][7] In Islamitiese geskrifte word die eksodus uit Egipte vergelyk met Mohammed se migrasie (hidjra) van Mekka na Medina.[8]

Moses is ook belangrik in Islam omdat die Tora aan hom openbaar is, en dit word beskou as een van die ware geopenbaarde geskrifte – Moslems glo ’n groot deel van die Tora word in die Koran bevestig en herhaal. Volgens hulle is Moses ook een van die baie profete wat Mohammed tydens sy Nagreis deur die hemel ontmoet het.[9] In die Islam word geglo Moses het Mohammed gevra om die getal gebede tot vyf te verminder, en dit word as die vyf verpligte gebede beskou.

Verwysings[wysig | wysig bron]

  1. A History of Jewish-Muslim Relations: From the Origins to the Present Day
  2. Ltd, Hymns Ancient Modern (Mei 1996). Third Way (magazine). p. 18.
  3. Bat Yeʼor. Islam and Dhimmitude: Where Civilizations Collide. Fairleigh Dickinson Univ Press. p. 309.
  4. Annabel Keeler, "Moses from a Muslim Perspective", in: Solomon, Norman; Harries, Richard; Winter, Tim (reds.), Abraham's children: Jews, Christians, and Muslims in conversation, T&T Clark Publ. (2005), bl. 55–66.
  5. Maulana Muhammad Ali (2011). Introduction to the Study of The Holy Qur'an. p. 113. ISBN 9781934271216.
  6. Malcolm Clark (2011). Islam for Dummies. John Wiley & Sons. p. 101. ISBN 9781118053966.
  7. Arij A. Roest Crollius (1974). Documenta Missionalia – The Word in the Experience of Revelation in the Qur'an and Hindu scriptures. Gregorian&Biblical BookShop. p. 120. ISBN 9788876524752.
  8. Clinton Bennett (2010). Studying Islam: The Critical Issues. Continuum International Publishing Group. p. 36. ISBN 9780826495501.
  9. Sahih Muslim, 1:309 Geargiveer 28 November 2015 op Wayback Machine, 1:314 Geargiveer 28 November 2015 op Wayback Machine

Eksterne skakels[wysig | wysig bron]


Profete van Islam, soos in die Koran genoem.
ʾĀdam Iederies Nūḥ Hüd Salih Ibrāhīm Loet Ismāʿīl Iṣḥāq Yāqub Yūsuf Ajjoeb
آدم ادريس نوح هود صالح إبراهيم لوط اسمعيل اسحاق يعقوب يوسف أيوب
Adam Henog Noag Eber Selag Abraham Lot Ismael Isak Jakob Josef Job

Suayb Mūsa Haroen Dhoelkifl Dawud Süleyman Iljas Al-Yasa Yunus Zakarija Jahja ʿĪsā Mohammed
شعيب موسى هارون ذو الكفل داود سليمان إلياس اليسع يونس زكريا يحيى عيسى
Mohammed
Mohammed
Jetro Moses Aäron Esegiël Dawid Salomo Elija Elisa Jona Sagaria Johannes Jesus