KV49
| KV49 | ||
| Grafkelder van 'n onbekende | ||
| ||
| Die plan van die onvoltooide KV49. | ||
| Ligging | Vallei van die Konings | |
| Land |  Egipte
| |
| Ontdek | Januarie 1906 | |
| Uitgrawings deur | Edward R. Ayrton | |
← Vorige KV48 Volgende →
KV50 | ||
KV49 is 'n grafkelder in die Vallei van die Konings by Thebe, naby die moderne stad Luxor in Egipte. Dit was die eerste van 'n reeks grafkelders wat in 1906 deur Edward R. Ayrton ontdek is terwyl hy uitgrawings vir die Amerikaanse miljoenêr-sakeman Theodore M. Davis gedoen het.
Die grafkelder is nie voltooi nie. Dut is waarskynlik gebruik as stoorplek vir koninklike linne[1] of as 'n mummieherstelkamer in die latere Nuwe Ryk.[2]
Ligging en ontdekking[wysig | wysig bron]
Die grafkelder is geleë in 'n syvallei wat na die grafkelder van Amenhotep II, KV35, lei.[3] Ayrton het van oos na wes gewerk. KV49 was die eerste grafkelder wat ontdek is.
Die ingang was met puin gevul, waaronder verskeie stukke erdewerk met inskripsies, terwyl 'n skets in rooi en swart ink 'n man uitbeeld wat 'n offerande bring aan die vergoddelikte koningin Ahmose-Nefertari.[3]
Die grafkelder is 'n tipiese gangkelder uit die 18de Dinastie, hoewel dit nie voltooi is nie.[3]
Inhoud[wysig | wysig bron]
Die enkele kamer het stukke mummiemateriaal bevat, asook fragmente van bergingsvase en 'n potskerf met 'n inskripsie wat praat van "Hai, voorman van werkslui in die Plek van Waarheid". Hy word uitgebeeld terwyl hy offerandes aan die godin Meretseger bring.[3]
Uit lyste linne wat gekry is, lyk dit of die kamer aan die einde van die Nuwe Ryk as stoorplek vir tempellappe of die restourasie van mummies gebruik is.[1]
Verwysings[wysig | wysig bron]
- ↑ 1,0 1,1 Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010 paperback uitg.). London: Thames and Hudson. p. 185. ISBN 978-0-500-28403-2.
- ↑ Reeves, C. N. (1990). Valley of the Kings: Decline of a royal necropolis. London: Kegan Paul International. pp. 130–131. ISBN 0-7103-0368-8.
- ↑ 3,0 3,1 3,2 3,3 Davis, Theodore M.; Maspero, Gaston; Ayrton, Edward; Daressy, George; Jones, E. Harold (1908). The Tomb of Siptah; The Monkey Tomb and the Gold Tomb. Londen: Archibald Constable and Co., Ltd. pp. 16–17. Besoek op 15 Augustus 2021.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
