KV15

	KV15
	Grafkelder van Ramses II
	KV15 (foto in Junie 2002 geneem).
Ligging	Vallei van die Konings
Land	Egipte
Ontdek	Oop sedert antieke tye
Uitgrawings deur	Howard Carter ; (1903-'04)
Versiering	Anoebis en volgelinge van Ra en Osiris; Noet; Klaaglied van Re; Amdoeat; Boek van Poorte.
	← Vorige; KV14 Volgende →; KV16

KV15 is die grafkelder van Ramses II in die Vallei van die Konings by Thebe, naby die moderne stad Luxor in Egipte. Hy was uit die 19de Dinastie.

Beskrywing[wysig | wysig bron]

Die grafkelder is in 'n byna vertikale krans gegrawe. Dit het 'n kort ingangsportaal, gevolg deur drie gange wat na 'n putkamer sonder 'n put lei. Dié loop na 'n saal met vier pilare en nog 'n gang wat in 'n grafkamer omskep is.^[1]

Die mure en plafon van die kamer is bedek met beelde van Anoebis en twee rye gode, wat die volgelinge van Ra en Osiris verteenwoordig. Daaronder is 'n ry mummieagtige figure. Die godin met vlerke Noet verskyn teen die plafon, met wat die Ba van Ra kan wees bo haar kop.^[1]

Die skilderings is konvensionele uitbeeldings uit die Klaaglied van Re, Amdoeat en Boek van Poorte.^[2]

Redelik min is bekend oor die geskiedenis van die grafkelder. Seti II is hier begrawe, maar is dalk oorspronklik in sy vrou Twosret se grafkelder (KV14) begrawe en daarna na die haastig voltooide KV15 geskuif, dalk deur die latere farao Setnachte, wat KV14 vir homself gebruik het.^[2] Dit lyk of Seti se naam uitgekerf, uitgewis en weer uitgekerf is. Dit kan wees dat Amenmesse of Siptah vir die uitwissing verantwoordelik was, maar dat Twosret die naam weer laat uitkerf het.^[1] Seti se mummie is later na die mummiebergplek KV35 geskuif; net die deksel van sy sarkofaag het in KV15 agtergebly.^[2]

KV15 is sedert antieke tye oop, want 59 voorbeelde van Griekse en Latynse graffiti is teen die mure ontdek. Howard Carter het dit in 1903-'04 behoorlik laat uitgrawe.^[1]

Galery[wysig | wysig bron]

Verwysings[wysig | wysig bron]

↑ ^1,0 ^1,1 ^1,2 ^1,3 Khalil, Essam E. (2013). Air Distribution in Buildings. CRC Press. pp. 85–87.
↑ ^2,0 ^2,1 ^2,2 Strudwick, Nigel; Strudwick, Helen (1999). Thebes in Egypt: A Guide to the Tombs and Temples of Ancient Luxor. Cornell University Press. p. 110.

Skakels[wysig | wysig bron]

Theban Mapping Project: KV15

Wikimedia Commons het meer media in die kategorie KV15.

Hierdie artikel is in sy geheel of gedeeltelik uit die Engelse Wikipedia vertaal.

[Khalil-1] 1,0 ^1,1 ^1,2 ^1,3 Khalil, Essam E. (2013). Air Distribution in Buildings. CRC Press. pp. 85–87.

[Strudwick-2] 2,0 ^2,1 ^2,2 Strudwick, Nigel; Strudwick, Helen (1999). Thebes in Egypt: A Guide to the Tombs and Temples of Ancient Luxor. Cornell University Press. p. 110.

[1]

[2]