KV60
| KV60 | ||
| Die grafkelder van Sitre In en moontlik Hatsjepsoet | ||
| ||
| Die plan van KV34. | ||
| Ligging | Vallei van die Konings | |
| Land |  Egipte
| |
| Ontdek | 1903 | |
| Uitgrawings deur | Howard Carter (1903) Edward R. Ayrton (1906) Donald P. Ryan (1989) | |
← Vorige KV59 Volgende →
KV61 | ||
KV60 is 'n grafkelder in die Vallei van die Konings by Thebe, naby die moderne stad Luxor in Egipte. Dit is in 1903 deur Howard Carter ontdek en uitgrawings is weer in 1989 deur Donald P. Ryan gedoen. Dit is een van die grafkelders in die nekropolis van Thebe met die tergendste geheim: die identiteit van een van die twee vroulike mummies wat daar gevind is. Sommige Egiptoloë, soos Elizabeth Thomas, indentifiseer haar as faraoh Hatsjepsoet uit die 18de Dinastie.[1]
Ontdekking en ondersoeke[wysig | wysig bron]
Die grafkelder is in 1903 deur Howard Carter ontdek tydens uitgrawings deur die Egiptiese Antiekdiens namens die Amerikaanse miljoenêr-sakeman Theodore M. Davis. Daar is bevind die grafkelder is in antieke tye geplunder, maar het steeds twee vroulike mummies en 'n paar gemummifiseerde ganse bevat. Carter het die ganse vewyder en die grafkelder weer toegemaak.[2]
In 1906 het Edward R. Ayrton dit weer oopgemaak terwyl hy KV19 skoongemaak het; hy het een mummie (KV60B) saam met die basis van die kis na die Egiptiese museum verskuif.[3] Omdat nie Carter of Ayrton planne van die ligging opgestel het nie, het die ligging verlore gegaan.
Heruitgrawings[wysig | wysig bron]
In 1989 is die grafkelder herontdek en behoorlik uitgegrawe deur 'n span onder leiding van Donald P. Ryan. Die grafkamer was vol puin van 'n begrafnis en in die middel het die enkele mummie van 'n vrou (KV60A) gelê. Die grafkelder is met 'n nuwe metaaldeur gesluit.[4]
In 2005 is die kosmummies ondersoek. Dit het onder meer bestaan uit 'n femur, humerus en die ribbes van 'n bees; 'n stuk lewer; drie voëls en ander vleis.[5]
Mummie KV60A[wysig | wysig bron]
Die mummie het redelik goed bewaar gebly. Die vrou was 1,59 meter lank en 50-60 jaar oud toe sy dood is. Sy was vetsugtig en haar gesondheid was swak; baie van haar tande is weg of verrot. Haar slegte mondgesondheid en obesiteit kan daarop dui dat sy diabetes gehad het. Haar brein en hart is nie verwyder nie.[6]
Sy het dalk kanker gehad: 'n Gewas het deel van haar linkerheup verwoes en het versprei. Sy is vermoedelik aan kanker dood.[6]
Die Egiptoloog Elizabeth Thomas was die eerste mens wat voorgestel het die mummie is dié van Hatsjepsoet, wat deur Toetmoses III na die graf van haar verpleegster geskuif is as deel van sy veldtog van amptelike vyandigheid teenoor haar.[7] Dit word egter betwis.
Mummie KV60B[wysig | wysig bron]
Dié goed bewaarde mummie is sowat 1,5 meter lank. Sy het lang, rooi hare gehad. Rowers op soek na waardevolle voorwerpe het haar lappe afgehaal en dit aan die voetenent van die kis opgefrommel.[8]
Die inskripsie op die kis waarin sy gelê het was: wr šdt nfrw nswt In ("die groot koninklike verpleegster In"). Daar word vermoed sy was Sitre In, die verpleegster van Hatsjepsoet.[8]
Verwysings[wysig | wysig bron]
- ↑ Highfield, Roger (27 Junie 2007). "How I found Queen Hatshepsut". Daily Telegraph. Londen. Geargiveer vanaf die oorspronklike op 25 Maart 2010. Besoek op 22 September 2014.
- ↑ Carter, Howard (1903). "Report of Work Done in Upper Egypt (1902–1903)". Annales du Service des Antiquités de l'Égypte. 4: 176–177. Besoek op 15 Julie 2020.
- ↑ Reeves, Nicholas; Wilkinson, Richard H. (2010). The Complete Valley of the Kings : Tombs and Treasures of Egypt's Greatest Pharaohs (Paperback reprint uitg.). London: Thames and Hudson. pp. 186–187. ISBN 978-0-500-28403-2.
- ↑ Ryan, Donald P. (1990). "Who Is Buried In KV60?". KMT: A Modern Journal of Ancient Egypt. 1 (1): 34–63.
- ↑ Ryan, Donald P. (2007). "Pacific Lutheran University Valley of the Kings Project: Work Conducted during the 2005 Field Season". Annales du Service des Antiquités de l'Égypte. 81: 345–356.
- ↑ 6,0 6,1 Hawass, Zahi; Saleem, Sahar N. (2016). Scanning the Pharaohs : CT Imaging of the New Kingdom Royal Mummies. Cairo: The American University in Cairo. pp. 59–63. ISBN 978-977-416-673-0.
- ↑ Thomas, Elizabeth (1966). The Royal Necropoleis of Thebes. Princeton. p. 138.
{{cite book}}: AS1-onderhoud: plek sonder uitgewer (link) - ↑ 8,0 8,1 Hawass, Zahi; Saleem, Sahar N. (2016). Scanning the Pharaohs : CT Imaging of the New Kingdom Royal Mummies. Cairo: The American University in Cairo. pp. 58–59. ISBN 978-977-416-673-0.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
