Kanuri (volk)

in Wikipedia, die vrye ensiklopedie
Jump to navigation Jump to search
Kanuri
Ali Modu Sherrff crop 2007.jpg
Ali Modu Sheriff, 'n Kanuri-politikus en goewerneur van die Borno-deelstaat, Nigerië, 2007
Totale bevolking: ca. 10 miljoen (2013)
Belangrike bevolkings  in: Vlag van Nigerië Nigerië 6 980 000 (2013)[1]

Vlag van Tsjad Tsjad 1 100 000 (2013)[2]
Vlag van Niger Niger 850 000 (2013)[3]
Vlag van Kameroen Kameroen 56 000 (1982)[4]

Taal: Kanuri
Geloofsoortuiging: Islam
Verwante etniese groepe: Ander Nilo-Sahariese volke soos Dinka, Luo, Masai en Nuer

Die Kanuri (Kanuri: Kanouri, Kanowri, ook Yerwa, Bare Bari en verskeie benamings vir ondergroepe) is 'n Nilo-Sahariese etniese groep inheems aan die gebied van die voormalige Kanem- en Bornu-ryke in Kameroen, Niger, Nigerië en Tsjad, dit wil sê rondom die Tsjadmeer. Die term Kanuri sluit verskeie ondergroepe in, waarvan sommige hulself nie as Kanuri beskou nie. Die meeste beskou die regerende geslagte van die Middeleeuse Kanem-Bornu-ryke en sy kliëntstate of provinsies as hul voorsate. In teenstelling met die naburige Toubou of Zaghawa-veeboere is Kanuri-groepe tradisioneel gevestig en beoefen landbou, visvang in die Tsjadmeer, en hou hulle besig met handel en soutverwerking.[5]

Vlag van die Kanuri[6]
Verspreiding van Kanuri-dialekte rondom die Tsjadmeer

Wêreldwyd leef sowat 10 miljoen Kanuri, waarvan amper 7 miljoen in Nigerië (1,7% van die bevolking), 1,1 miljoen in Tsjad, 850 000 in Niger en 56 000 in Kameroen. Kanuri bly veral in Noord-Kameroen, Suidoos-Niger, Noordoos-Nigerië en Suidwes-Tsjad, dus rondom die Tsjadmeer.

Verwysings[wysig | wysig bron]

  1. (en) "Nigeria". CIA World Factbook. Central Intelligence Agency. Besoek op 10 Augustus 2019.
  2. (en) "Chad". CIA World Factbook. Central Intelligence Agency. Besoek op 10 Augustus 2019.
  3. (en) "Niger". CIA World Factbook. Central Intelligence Agency. Besoek op 10 Augustus 2019.
  4. (en) "Cameroon". Besoek op 22 April 2018.
  5. (en) Idrissa, Abdourahmane; Decalo, Samuel (2012). Historical Dictionary of Niger. Scarecrow Press. ISBN 978-0-8108-7090-1.
  6. (en) "The Kanuri People". Flags of the World. Besoek op 10 Augustus 2019.

Eksterne skakels[wysig | wysig bron]