Kleindobbertjie

in Wikipedia, die vrye ensiklopedie

Kleindobbertjie
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
T. ruficollis
Binomiale naam
Tachybaptus ruficollis
(Pallas, 1764)
Verspreiding
     besoeker in broeityd (boreale somer)
     standvoël en oorwinteraar
     oorwinteringsgebied
Sinonieme
Podiceps ruficollis
Tachybaptus ruficollis

Die kleindobbertjie (Tachybaptus ruficollis) is 'n algemene standvoël en een van die kleinste watervoëls in Suider-Afrika. Dit kom ook in ander dele van Afrika voor, asook Europa en dele van die Midde- en Verre-Ooste.

Die kleindobbertjie is 'n klein, vaal, grysbruin voël met donker kringe om sy , alhoewel dit 'n helder kastaiingbruin aan die kante van die kop vertoon tydens die broeityd. Die tweede helfte van die wetenskaplike naam, ruficollis, verwys hierna: rufus beteken "rooierig" in Latyn en collus beteken "nek". 'n Ligte kol kan waargeneem word aan die basis van die snawel. Kleindobbertjies het 'n baie vinnige vlerkslag tydens vlug en vertoon dan 'n wit vlerkstreep en 'n helderwit pens.

Die voël geniet 'n wye verspreiding in Suider-Afrika en kan enkel of in groepies in varswatergebiede (groot riviere uitgesluit) met jong plante waargeneem word. Waar nodig sal hulle snags tussen waterliggame migreer, maar bedags bly hulle op die wateroppervlak.

Die kleindobbertjie uiter 'n laggende gekwetter. Hy duik dikwels onderwater en steek dikwels slegs sy kop bo die water uit om gevaar te bespeur. Vandaar ook die naam Tachybaptus: takhos is Grieks vir "vinnig" en bapto beteken "om na onder te sink".

Subspesies[wysig | wysig bron]

Daar word tans 9 subspesies onderskei, hoofsaaklik aan grootte en kleur.

  • T. r. ruficollis: Europa, Wes-Rusland en suid tot Noord-Afrika
  • T. r. iraquensis : Suidoos-Irak en Suidwes-Iran
  • T. r. capensis: Suid van die Sahara, Madagaskar, Sri-Lanka en die Indiese subkontinent, tot in Mianmar
  • T. r. poggei
  • T. r. philippensis
  • T. r. cotobato
  • T. r. tricolor
  • T. r. volcanorum
  • T. r. collaris

Galery[wysig | wysig bron]

Sien ook[wysig | wysig bron]

Verwysings[wysig | wysig bron]

Bronne[wysig | wysig bron]