Libra (kriptogeldeenheid)

in Wikipedia, die vrye ensiklopedie
Jump to navigation Jump to search
Libra se logo

Libra is 'n toestemming blokketting digitale geldeenheid wat voorgestel word deur die Amerikaanse sosialemediakonglomeraat Facebook.[1] Die projek, geldeenheid en transaksies sal bestuur word en oorgelaat word aan die Libra Association, 'n lidmaatskapsorganisasie gestig deur Facebook se filiaal Calibra en 27 ander vanuit die betaling, tegnologie, telekommunikasie, aanlynmark, waagkapitaal en nie-winsorganisasies, velde.

Gedurende Junie 2019 bestaan die geldeenheid en die netwerk nog nie, en slegs eenvoudige eksperimentele kode is vrygestel. Die bekendstelling van Libra word beplan om in 2020 te wees.[2]

Geskiedenis[wysig | wysig bron]

Facebook se adjunkpresident, David A. Marcus, het in Mei 2018 van Facebook Messenger na 'n nuwe blokketting-afdeling verskuif.[3] Die eerste berigte van Facebook wat 'n kriptogeldeenheid beplan, met Marcus in beheer, het 'n paar dae later verskyn.[4] Teen Februarie 2019 was daar meer as 50 ingenieurs wat aan die projek werk.[5]

Bevestiging dat Facebook werk aan 'n kriptogeldeenheid het eers in Mei 2019 verskyn. Op daardie staduim was dit bekend as "GlobalCoin" of "Facebook Coin".[6]

Libra is formeel aangekondig op 18 Junie 2019.[7][8]

'n Eerste weergawe word na verwagting in 2020 vrygestel.[9]

Geldeenheid[wysig | wysig bron]

Die plan is dat die Librabewys (token) ondersteun word deur finansiële bates soos 'n mandjie geldeenhede[10], en Amerikaanse tesourie-effekte in 'n poging om onbestendigheid te vermy. Facebook het aangekondig dat elkeen van die vennote 'n aanvanklike VSA $ 10 miljoen sal inspuit, dus Libra het volle bate steun op die dag wat dit geloods word.[11]

Libra-diensvennote, binne die Libra Association, sal nuwe Libra-geldeenhede op grond van die vraag skep.[12] Libra-geldeenhede sal afgetree word sodra hulle vir konvensionele geldeenheid geruil word.

Aanvanklike versoening van transaksies sal by elke diensvennoot uitgevoer word, en die blokketting se verspreide grootboek sal gebruik word vir versoening tussen diensvennote.[12] Die bedoeling is om te voorkom dat almal, behalwe lede van die Libra Association, probeer om data uit die verspreide grootboek te versamel en te ontleed.

In teenstelling met kriptogeld soos bitcoin wat toestemminglose blokkettings gebruik, is Libra nie gedesentraliseer nie, en vertroue in die Libra Association sal dien as 'n de facto sentrale bank.[13]

Implementering[wysig | wysig bron]

Blokkettingkonsensus[wysig | wysig bron]

Libra sal nie staatmaak op die skep van eenhede deur dit te myn nie soos met bitcoin nie[14]. Slegs lede van die Libra Association sal transaksies met die toestemming van die blokketting kan verwerk.

Libra hoop om binne vyf jaar oor te skakel na 'n toestemmingsvrye bewys-van-aandeel (proof of stake) stelsel.[8] Alhoewel hul eie materiaal erken dat daar tans "...geen oplossing bestaan wat dit op die skaal, stabiliteit en sekuriteit kan lewer as wat nodig is om miljarde mense en transaksies oor die wêreld deur 'n toestemminglose netwerk te ondersteun nie."[15][16]

Sagteware[wysig | wysig bron]

Libra se bronkode is in Rust geskryf en gepubliseer as oop bron onder die Apache Lisensie met die bekendstelling op 18 Junie 2019.

Elaine Ou, 'n opinieskrywer by Bloomberg News, het probeer om die publieke kode vir Libra op te stel en te gebruik. Soos voorsien, het die sagteware min gedoen en kon bloot valse munte in 'n beursie plaas. Byna al die funksies soos in die witskrif gestel word nie in die kode geïmplementeer nie, insluitende "belangrike argitektoniese eienskappe wat nog uitgevind moet word." Ou was verbaas dat Facebook "sagteware in so 'n staat sou vrystel."[16]

Digitale beursie[wysig | wysig bron]

Facebook beplan om 'n digitale beursie genaamd Calibra in 2020 beskikbaar te stel, binne Messenger, WhatsApp, sowel as in 'n selfstandige toep.[2]

Move[wysig | wysig bron]

Move is die Libra-blokketting se voorgestelde slimkontrak en pasgemaakte transaksietaal. Daar word beplan om 'n staties getipeerde programmeringstaal te wees, wat na bitkode vertaal word.

Die projek gee hierdie voorbeeld van 'n Move-eweknietransaksieskrip in die witskrif[17]:

public main(payee: address, amount: u64) {
  let coin: 0x0.Currency.Coin = 0x0.Currency.withdraw_from_sender(copy(amount));
  0x0.Currency.deposit(copy(payee), move(coin));
}

Libra Association[wysig | wysig bron]

Facebook het die Libra Association gestig om oor die geldeenheid toesig te hou, aanvanklik met 28 lede in Genève, Switserland[18]:

  • Betalings: Mastercard, PayPal, PayU, Stripe, Visa Inc.
  • Tegnologie and markpleine: Booking Holdings, eBay, Facebook se Calibra, Farfetch, Lyft, MercadoPago, Spotify, Uber
  • Telekommunikasie: Iliad SA, Vodafone
  • Blokketting: Anchorage, Bison Trails, Coinbase, Xapo
  • Waagkapitaal: Andreessen Horowitz, Breakthrough Initiatives, Ribbit Capital, Thrive Capital, Union Square Ventures
  • Nie-winsgewend, multi-laterale organisasies,en akademiese instellings: Creative Destruction Lab, Kiva, Mercy Corps, Women's World Banking

Die vereniging hoop om te groei tot 100 lede met 'n gelyke stem, terwyl Facebook verwag om steeds 'n leierskaprol in 2019 te handhaaf.[19]

Ontvangs[wysig | wysig bron]

Die projek is gekonfronteer met kritiek[20][21] en teenkanting van reserwebanke.[22] Die gebruik van 'n kriptogeldeenheid en blokketting vir die implementering is bevraagteken.[14]

Regulatoriese reaksie[wysig | wysig bron]

Op 18 Junie 2019 het Maxine Waters, voorsitter van die Komitee vir Finansiële Dienste van die Verenigde State van Amerika, Facebook gevra om hul plan te stop vir die ontwikkeling en bekendstelling van Libra met verwysing na 'n lys van onlangse skandale. Sy het gesê: "Die kriptogeldeenheidmark het tans nie 'n duidelike regulatoriese raamwerk om sterk beskerming vir beleggers, verbruikers en die ekonomie te bied nie. Reguleerders moet dit sien as 'n opwek-oproep om ernstig te raak oor die privaatheid en nasionale veiligheidsbelange, kuberveiligheidsrisiko's en die hantering van risiko's wat deur kriptogeldeenhede veroorsaak word"[23].

Op 2 Julie 2019 het die Amerikaanse Huiskomitee oor Finansiële Dienste se Demokrate 'n brief aan Facebook gestuur om die maatskappy te versoek om die ontwikkeling van sy digitale geldeenheid te stop. Die brief spreek kommer uit oor privaatheid, nasionale veiligheid, handel en monetêre beleid vir die maatskappy asook vir hul meer as twee miljard gebruikers.[24]

Die Amerikaanse president Donald Trump het op die sosiale netwerk Twitter teen Libra en ander kriptogeldeenhede uitgevaar. Hy het gesê dat hy "nie 'n aanhanger is nie" en dat Facebook en ander maatskappye om banklisensies moet aansoek doen indien hulle banke wil word.[25][26]

Die Amerikaanse minister van finansies, Steven Mnuchin, het gesê dat sy departement ernstig bekommerd is dat Libra deur geldwassers en die befondsers van terrorisme misbruik kan word.[27] Hy het verduidelik dat kriptogeld soos Bitcoin gebruik word om miljarde dollar se onwettige aktiwiteite, soos kubermisdaad, belastingontduiking, afpersing, lospryssagteware, onwettige dwelmmiddels, en mensehandel te fassiliteer, en dat kriptogeld 'n kwessie van nasionale sekuriteit is.[27]

Bekommernisse oor privaatheid[wysig | wysig bron]

Bedryfswaarnemers spekuleer of Libra betekenisvolle privaatheid aan sy gebruikers sal bied.[28] Facebook se plan is om sy filiaal Calibra vir Libra vir Facebook-gebruikers te bestuur, en Facebook-bestuurders het gesê dat Calibra nie die rekeninghouer se aankoopinligting met Facebook sonder toestemming sal deel nie.[29] Die stelsel is egter ook beplan om 'n vriend-soek-soekfunksie in te sluit, en die gebruik van hierdie funksie sal toestemming vir Calibra wees om die rekeninghouer se transaksiegeskiedenis te kombineer met hul Facebook-rekening.[12]

Verwysings[wysig | wysig bron]

  1. Joanna Ossinger (16 Julie 2019). Bitcoin Drops Below $10,000 Again as Congress Scrutinizes Libra. Bloomberg.com. URL besoek op 16 Julie 2019.
  2. 2,0 2,1 https://www.engadget.com/2019/06/18/facebook-calibra-libra-cryptocurrency-digital-wallet/?guccounter=1
  3. Liao, Shannon (2018-05-08). "Facebook is creating a mysterious blockchain division". The Verge. Besoek op 2019-06-21.
  4. Gartenberg, Chaim (2018-05-11). "Facebook reportedly plans to launch its own cryptocurrency". The Verge. Besoek op 2019-06-21.
  5. Popper, Nathaniel; Isaac, Mike (2019-02-28). "Facebook and Telegram Are Hoping to Succeed Where Bitcoin Failed". The New York Times (in Engels). ISSN 0362-4331. Besoek op 2019-06-21.
  6. Social Media Monopolies and Cryptocurrencies: Facebook's Proposed Coin. Cybersecurity, Privacy, & Networks eJournal. Social Science Research Network. (SSRN). Accessed June 19 2019.
  7. Isaac, Mike; Popper, Nathaniel (18 June 2019). "Facebook Plans Global Financial System Based on Cryptocurrency". The New York Times. Besoek op 18 June 2019. Italic or bold markup not allowed in: |publisher= (help)
  8. 8,0 8,1 Constine, Josh (18 Junie 2019). "Facebook announces Libra cryptocurrency: All you need to know". TechCrunch. Besoek op 19 June 2019. Italic or bold markup not allowed in: |publisher= (help)
  9. "Facebook Unveils Libra Cryptocurrency, Sets Launch For 2020". NPR.org (in Engels). Besoek op 2019-06-19.
  10. Caroline Binham, Chris Giles, and David Keohane (Junie 18, 2019). "Facebook's Libra currency draws instant response from regulators". Financial Times.AS1-onderhoud: Gebruik authors-parameter (link)
  11. Jeff John Roberts (2019-06-18). "Facebook Announces Project Libra, Its Wildly Ambitious Plan to Bring Cryptocurrency to the Masses". Fortune magazine. Besoek op 2019-06-19. The Libra blockchain—like other blockchains—will provide a tamper-proof record of transactions on the network. But, unlike Bitcoin and other public blockchains, only authorized bodies—in this case, foundation members—will be allowed to run a node.
  12. 12,0 12,1 12,2 Robert Hackett (2019-06-18). "Facebook Cryptocurrency: Calibra's Privacy Implications". Fortune magazine. Besoek op 2019-06-19. People who use Calibra will have to trust Facebook's internal firewalls and security measures, of course. And there's a lot of data here that hackers and snoops might like to access. In order to abide by standard "know-your-customer" and "anti-money laundering" laws, Calibra will have to verify people's identities through a thorough process, collecting government-issued IDs and other personal details and documentation. It will be incumbent upon Calibra to keep this data confidential and secure.
  13. Brandom, Russell (Junie 18, 2019). "Facebook's cryptocurrency has a trust problem". The Verge.
  14. 14,0 14,1 Cellan-Jones, Rory (Junie 18, 2019). "Why Facebook wants to be money's future". BBC News.
  15. "Libra White Paper | Blockchain, Association, Reserve". Libra.org.
  16. 16,0 16,1 Ou, Elaine (20 June 2019). "I Tried Using Facebook's Libra Blockchain. It Didn't Work". Bloomberg News.
  17. "Move: A Language With Programmable Resources · Libra". developers.libra.org (in Engels). Besoek op 2019-06-19.
  18. "Libra Association | A not-for-profit organization". libra.org.
  19. Morse, Andrew. "Here's what you need to know about Libra, Facebook's cryptocurrency". CNET.
  20. Kaminska, Izabella (18 June 2019). "Alphaville's Libra cheat sheet". Financial Times. Besoek op 18 June 2019. Italic or bold markup not allowed in: |publisher= (help)
  21. Kaminska, Izabella (18 June 2019). "Zuckerberg: The man who would be monetary king". The Financial Times. Besoek op 18 June 2019. Italic or bold markup not allowed in: |publisher= (help)
  22. Marsh, Alastair (18 June 2019). "France Calls for Central Bank Review of Facebook Token". Bloomberg News. Besoek op 18 June 2019. Italic or bold markup not allowed in: |publisher= (help)
  23. Wong, Queenie (2019-06-18). "US lawmaker wants Facebook to halt its Libra cryptocurrency project". CNET. Geargiveer vanaf die oorspronklike op 2019-06-19. Besoek op 2019-06-19.
  24. "Committee Democrats Call on Facebook to Halt Cryptocurrency Plans". U.S. House Committee on Financial Services Democrats. 2019-07-02. Geargiveer vanaf die oorspronklike op 2019-07-03. Besoek op 2019-07-03.
  25. Murphy, Hannah (12 Julie 2019). Donald Trump hits out at Facebook’s Libra and bitcoin. Financial Times. URL besoek op 12 Julie 2019.
  26. Bloomberg Politics (11 Julie 2019). Trump Warns Facebook on Crypto. YouTube. URL besoek op 12 Julie 2019.
  27. 27,0 27,1 Financial Times (15 Julie 2019). US Treasury has 'serious concerns' over Facebook's Libra. YouTube. URL besoek op 17 Julie 2019.
  28. Jeff John Roberts (2019-06-18). "Facebook's Project Libra: 5 Things to Know About the Cryptocurrency". Fortune magazine. Geargiveer vanaf die oorspronklike op 2019-06-18. Besoek op 2019-06-19. So, in theory, only Calibra will have a record of your transactions. But many Calibra users may decide to use its integrated Facebook friend-finding feature, and if they do, their data will be combined.
  29. Jacob Passy (2019-06-19). "Why Facebook's Libra coin could become a big pain in your wallet". Market Watch. Besoek op 2019-06-19. Libra will be a “stablecoin,” linked to the value of other currencies, unlike other cryptocurrencies like bitcoin BTC, -4.27% Consumers who use Facebook’s Messenger service, WhatsApp or a stand-alone app will be able to access Libra through a digital wallet managed by new Facebook subsidiary Calibra.

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.