Libuše

in Wikipedia, die vrye ensiklopedie
Přemysl en Libuše, beeldhouwerk deur Josef Václav Myslbek (1881), vandag in Vyšehrad.

Libuše (Tsjeggies; Libussa of Libuscha in Duits) is ’n mitiese voorsaat van die Přemyslid-dinastie en die Tsjeggiese volk as geheel. Volgens legende het sy Praag in die agtste eeu gestig.

Libuše was glo die dogter van die ewe mitiese Tsjeggiese heerser Krok, en die jongste van drie dogters. Haar pa het haar as sy opvolger gekies. Hoewel sy ’n wyse heerseres was, was die manlike deel van die bevolking ontevrede omdat ’n vrou oor hulle regeer het. Hulle het Libuše gevra om ’n prins vir die volk te kies, en sy het Přemysl, ’n ploeër van die dorpie Stadice, gekies. Přemysl is na die paleis gebring en het die nuwe heerser geword. Libuše het met hom getrou en was later die ma van Nezamysl. Dit was die begin van die Přemyslid-dinastie in Tsjeggië.

Libuše was die slimste van die drie susters en het die stigting van Praag voorspel vanuit haar kasteel Libušín (volgens latere legendes Vyšehrad).

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Libuše

Eksterne skakel[wysig | wysig bron]