Kosjtsjei

in Wikipedia, die vrye ensiklopedie
Jump to navigation Jump to search
Ivan Bilibin: Kosjtsjei die Onsterflike

Kosjtsjei (Russies: Кощей) is in die Slawiese mitologie ’n bose persoon met ’n aaklige, seniele voorkoms wat veral jong vroue lastig val. Hy is ook bekend as "Kosjtsjei die Onsterflike" (Russies: Кощей Бессмертный) of "tsaar Kosjtsjei". Sy naam in Pools is "Kościej". Laasgenoemde spelling en spellings in ander Slawiese tale het die vermoede laat ontstaan dat sy naam afgelei is van "kost" (rus. кость; pol. kość – been); daarmee word ’n benerige voorkoms gesuggereer.

Kosjtsjei kan nie op die gewone manier doodgemaak word nie. Sy siel is nie in sy liggaam nie; dis versteek in ’n naald wat in ’n eier is wat in ’n eend is wat in ’n haas is wat in ’n ysterkis is wat begrawe is onder ’n groen eikeboom op die eiland Boejan in die see. Solank as wat sy siel veilig is, kan hy nie sterf nie. As die kis oopgemaak word, sal die haas weghardloop; as die haas doodgemaak word, sal die eend uitspring en probeer wegvlieg. Enigiemand wat die eier kry, het Kosjtsjei se siel in sy mag. Hy begin swak en siek word en verloor dadelik sy towermagte. As die eier rondgegooi word, word hy op dieselfde manier teen sy wil rondgegooi. As die naald gebreek word (in sommige verhale moet dit spesifiek teen sy voorkop gebreek word), sal Kosjtsjei sterf.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Koschei