Chors

in Wikipedia, die vrye ensiklopedie
Spring na: navigasie, soek

Chors, Hors of Hoers (van Skithiese Choersoen) is die Slawiërs se god van die winterson. Die enigste egte antieke bronne wat hom noem, is die Russiese Primêre Kronieke en die Verhaal van Igor se Veldtog.

Chors verteenwoordig die ou son, wat in die Slawiese mitologie kleiner word namate die dae korter word in die Noordelike Halfrond, en sterf op Korotsjoen, die winter-dag-en-nag-ewening. Hy word na bewering verslaan deur die donker en bose magte van Tsjernobog. Op 23 Desember word Chors opgewek en word hy die nuwe son, Koleda.

Vanweë hierdie transformasie aanbid die Slawiërs Chors as die god van heling, oorlewing en die seëviering van gesondheid oor siekte. Hy is na bewering beskou as die meester van kruie, ’n medisyneman en ’n man van kennis. Gode met soortgelyke rolle in ander mitologieë sluit in: Esculap (Antiek Grieks), Asclaepius (Romeins), Apis (Egipties) en Baldur (Skandinawies).

Op die winter-dag-en-nag-ewening het Slawiërs ’n rituele kettingdans uitgevoer ter ere van Chors. Dit is die choro/horo genoem. Tradisionele kettingdans is steeds in Russies en Oekraïens as chorowod bekend en in Bulgarye as horo.

In die Poolse mitologie, daarenteen, word Chors (Chors gespel en Hors uitgespreek) beskou as die maangod eerder as die songod.

In Serwies beteken `oro ’n geronde dansformasie. In hervormde Serwies ná die 19de eeu is dit bekend as kolo. Dit word op gelukkige geleenthede in die veld gedans.

Slawiese mitologie en folklore
Hoofgode  DazjbogJariloMarzjanaPeroenŽivaSwjatowidSwarogTriglafWelesZarjaDie Zori
Ander gode  BelobogBerstukTsjernobogChorsLadaMat ZemljaMokosjOźwienaPorewitRadogostRodRoejewitStribogZłota Baba
Legendariese helde  Aljosja PopowitsjBaš ČelikDobrinja NikititsjIlja MoerometsIwan TsarewitsjLjech, Tsjech en RoesLibuše
 Magiese figure en plante  AlkonostZjar-ptitsaVaringblomGamajoenRaskovnikSimarglSirinZmei
Geeste en demone  AlaBaba JagaBagiennikBannikBjesBoginkiDomowoiDrekawatsKikimoraKosjtsjeiPoloednitsaLesjiLichoRoesalkaWilaWodjanoi
Ander  Boek van WelesPrimêre KroniekeRussiese tradisies en bygelowe