Die Zori

in Wikipedia, die vrye ensiklopedie
Spring na: navigasie, soek

In die Slawiese mitologie is die Zori (ook die Zorjas, Zarja, Zwezda) die drie (soms twee) bewaker-godinne bekend as die Auroras. Hulle bewaak die oordeelsdaghonde wat dreig om die sterrebeeld Ursa Minor, die "Klein Beer", te eet. As hulle uit hul kettings losbreek en die sterrebeeld eet, sal die heelal tot ’n einde kom.

Die Auroras bestaan uit die Môrester, Aandster en Middernagster, hoewel laasgenoemde soms uitgelaat word. In sommige verhale is die Môrester die vrou van Mjesjats, die Maangod, en is sy ook ’n belangrike godin. In ander mites is die Zori maagde. Hulle word verbind met huwelike, beskerming en duiweluitdrywing.

Die Môrester is Zorja Oetrennjaja (ook Zwezda Danica, Zvezda Dennitsa, Zwezda Dnieca, Zvezda Zornitsa, Zorja). Sy maak soggens die hemelpoorte oop vir die strydwa van die Son. Sy is ten volle gewapen en ’n dapper vegter. Sy is die beskermgodin van perde en word verbind met die planeet Venus.

Die Aandster is Zorja Wetsjernjaja (ook Vecernja Zvezda, Zvezda Vechernaya, Zwezda Wieczoniaia, Zwezda Wieczernica, Zvezda Vechernitsa, Zarja). Sy maak die hemelpoorte saans toe nadat die Son tuis gekom het.

Die Middernagster is Zorja Poloenotsjnaja (ook Zwezda Polnoca). Sy is in sommige mites afwesig. Die Son sterf elke nag in haar arms en word dan weer opgewek. Sy is ’n godin van die dood, hergeboorte, towerkrag, die bonatuurlike en wysheid.

In moderne kultuur[wysig]

  • In die roman American Gods deur Neil Gaiman kom die drie Zori voor onder die gode.
  • Zorya is ook die hoofkarakter in ’n reeks Franse grafiese romans, L'Épée de Cristal, geskryf deur Goupil en geteken deur Crisse. (Uitgegee deur Éditions Vents d'Ouest.)
  • Zvezda Dennitsa is die naam van ’n karakter in Marvel Comics. Sy is lid van die Russiese span Bogatiri.
Slawiese mitologie en folklore
Hoofgode  DazjbogJariloMarzjanaPeroenŽivaSwjatowidSwarogTriglafWelesZarjaDie Zori
Ander gode  BelobogBerstukTsjernobogChorsLadaMat ZemljaMokosjOźwienaPorewitRadogostRodRoejewitStribogZłota Baba
Legendariese helde  Aljosja PopowitsjBaš ČelikDobrinja NikititsjIlja MoerometsIwan TsarewitsjLjech, Tsjech en RoesLibuše
 Magiese figure en plante  AlkonostZjar-ptitsaVaringblomGamajoenRaskovnikSimarglSirinZmei
Geeste en demone  AlaBaba JagaBagiennikBannikBjesBoginkiDomowoiDrekawatsKikimoraKosjtsjeiPoloednitsaLesjiLichoRoesalkaWilaWodjanoi
Ander  Boek van WelesPrimêre KroniekeRussiese tradisies en bygelowe