Louis Mountbatten, 1ste graaf Mountbatten van Birma

in Wikipedia, die vrye ensiklopedie
Jump to navigation Jump to search
Graaf Mountbatten van Birma
’n Beeld van die betrokke persoonlikheid.
Bynaam Dickie
Geboortenaam Prins Louis Francis Albert Victor Nicholas van Battenberg
Gebore (1900-06-25)25 Junie 1900
Windsor-kasteel, Engeland
Oorlede 27 Augustus 1979 (op 79)
Mullaghmore, Ierland
Nasionaliteit Brits
Ouers Prins Ludwig van Battenberg
Prinses Victoria van Hesse-Darmstadt
Huweliksmaat Edwina Ashley
Kind(ers) Patricia Knatchbull, 2de Gravin Mountbatten van Birma
Lady Pamela Hicks

Vlootadmiraal Louis Francis Albert Victor Nicholas Mountbatten, 1ste graaf Mountbatten van Birma (gebore as prins Louis van Battenberg; 25 Junie 1900 – 27 Augustus 1979), informeel bekend as lord Mountbatten, was ’n Britse staatsman en vlootoffisier, ’n oom van prins Philip, Hertog van Edinburg, en agterkleinneef van Elizabeth II. Hy was die laaste onderkoning van Indië (1947) en die eerste goewerneur-generaal van die Unie van Indië, waaruit die moderne Republiek Indië in 1950 sou ontstaan.

Hoogtepunte uit sy lewe[wysig | wysig bron]

Lord en lady Mountbatten by Mahatma Gandhi.

Tydens die Tweede Wêreldoorlog, in Augustus 1943, het Winston Churchill Mountbatten aangestel as bevelvoerder van die Suidoos-Asiatiese Kommandement (SEAC) met die rang admiraal.[1] In dié tyd het sy kommandement toesig gehou oor die herowering van Birma van Japan.[1] Op 27 Augustus 1946 het hy die titel burggraaf Mountbatten van Birma gekry[2] en op 28 Oktober 1947 die titel graaf Mountbatten van Birma.[3]

Op 20 Februarie 1974 is hy aangestel as onderkoning (viceroy) van Indië om toesig te hou oor die oorgang van Brits-Indië na onafhanklikheid nie later as 1948 nie. Indië en Pakistan het die nag van 14-15 Augustus 1947 onafhanklik geword en Mountbatten het vir nog 10 maande in Nieu-Delhi gebly as Indië se eerste goewerneur-generaal tot in Junie 1948.[1]

Van 1954 tot 1959 was hy First Sea Lord, ’n pos wat 40 jaar vroeër deur sy pa beklee is. Daarna was hy hoof van die verdedigingstaf tot in 1965 – dit maak hom die langs dienende professionele hoof nog van die Britse weermag.

In 1979 is Mountbatten, sy kleinseun Nicholas en twee ander mense deur die Ierse Republikeinse Leër (IRL) vermoor met ’n bom wat hulle in Mullaghmore, Ierland, in sy vissersboot geplant het.

Verwysings[wysig | wysig bron]

  1. 1,0 1,1 1,2 Heathcote, Tony (2002). The British Admirals of the Fleet 1734–1995. Havertown: Pen & Sword. ISBN 0-85052-835-6. 
  2. London Gazette, 37702. 27 Augustus 1946. URL besoek op 20 September 2012
  3. London Gazette, 38109. 28 Oktober 1947. URL besoek op 20 September 2012

Eksterne skakels[wysig | wysig bron]