Madoerees

in Wikipedia, die vrye ensiklopedie
Jump to navigation Jump to search
Madoerees
Madhura, Basa Mathura, بَهاسَ مَدورا
Gepraat in: Vlag van Indonesië Indonesië
Vlag van Maleisië Maleisië
Vlag van Singapoer Singapoer 
Gebied: Suidoos-Asië
Totale sprekers: 6,8 miljoen[1]
Taalfamilie: Austronesies
 Maleis-Polinesies
  Kern-Maleis-Polinesies
   Maleis-Soembawa
    Madoerees 
Skrifstelsel: Javaanse skrif (histories)
Latyns en Arabies (tans)
Taalkodes
ISO 639-1: geen
ISO 639-2: mad
ISO 639-3: mad

Madoerees (Madhura, Basa Mathura, بَهاسَ مَدورا; letterlik: "taal van Madoera") is 'n Maleis-Polinesiese taal wat in Suidoos-Asië op die eiland Madoera (vandaar die naam) en die aangrensende oostelike deel van die eiland Java van Indonesië asook deur Madoerese emigrante in Maleisië en Singapoer gepraat word. Die taal word tans deur sowat 6,8 miljoen mense gepraat, hoofsaaklik Madoerese, en is daarmee na Indonesies/Maleis, Javaans en Soendanees die vierde belangrikste taal van Indonesië, maar geniet nie ampstaalstatus nie.

Verspreiding van tale op die eilande Java, Bali en Madoera in Indonesië
Madoerees in Javaanse skrif, uittreksel van die Raden Segara, 1890

Madoerees is verwant aan Balinees, Bandjarees, Chamorro, Indonesies/Maleis, Javaans, Minangkabau, Palauaans en Soendanees. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.

Madoerees word soms as 'n dialek van Maleis beskou, maar dit word nie algemeen aanvaar nie, hoewel die Maleise taal 'n groot invloed op Madoerees uitgeoefen het. Dit word met die Latynse of die Arabiese alfabet geskryf. Vroeër is ook die Javaanse skrif, 'n Brahmi-skrif uit die Indiese skriffamilie, gebruik. Dit is verwant aan die Balinese skrif van die Balinese taal.

Verwysings[wysig | wysig bron]

  1. (en) "Ethnologue: Languages of the World, Seventeenth edition, Madurese". Ethnologue. Besoek op 31 Augustus 2018.

Eksterne skakels[wysig | wysig bron]