Austronesiese tale

in Wikipedia, die vrye ensiklopedie
Spring na: navigasie, soek
Austronesiese tale
Geografiese
verspreiding:
Maritieme Suidoos-Asië, Oseanië, Madagaskar, Taiwan, Sri Lanka, Andaman-eilande
Genetiese
klassifikasie
:

 Austronesiese tale
Onderafdelings:
Langues-autronesiennes.png

Verspreiding van Austronesiese tale

Huidige verspreiding van die Austronesiese tale
Uitbreiding van die Austronesiese tale

Die Austronesiese tale is 'n taalfamilie met 'n groot verspreiding en omvat omtrent 1150 tale wat deur sowat 300 miljoen mense gepraat word. Volgens die aantal tale word die Austronesiese tale net deur die Niger-Kongo-tale oorskry en volgens die moedertaalsprekers se aantal vorm dit die vyfde grootste taalfamilie ter wêreld. Die verspreiding van die Austronesiese tale streek vanaf Madagaskar (Malgassies) in die weste tot die Paaseiland (Rapa Nui) in die ooste en vanaf Taiwan (Formosaans) en Hawaii (Hawais) in die noorde tot Nieu-Seeland (Māori) in die suide. Daarmee vorm dit ná die Indo-Europese tale die tweede mees verspreide taalfamilie ter wêreld.

Die Austronesiese tale bestaan uit twee takke, naamlik die Formosaanse tale wat net op Taiwan gepraat word en die wydverspreide Maleis-Polinesiese tale wat die meeste van die tale insluit. Die Formosaanse tale word in nege ondergroepe verdeel wat deur die inheemse bevolking gepraat word maar deur die uitbreiding van Sjinees nou ernstig bedreig word. Die meeste taalkundiges stem ooreen dat die Austronesiese tale vanaf die eiland Taiwan versprei het.[1]

Die grootste tale (volgens moedertaalsprekers) is: Javaans (85 miljoen), Maleis (40 miljoen), Soendanees (34 miljoen), Tagalog (24 miljoen), Indonesies (23 miljoen) en Cebuano (16 miljoen). Elke van die Austronesiese tale met meer as 'n miljoen moedertaalsprekers behoort tot die Maleis-Polinesiese taalgroep. Daarbenewens staan tale soos Hawais met 1 000, Māori met 157 110 en Samoaans met 360 000 moedertaalsprekers.

Verwysings[wysig | wysig bron]

  1. (en) Jared M. Diamond: Taiwan’s gift to the world. (PDF) In: Nature, Volume 403, Februarie 2000, bl. 709–710.

Bronne[wysig | wysig bron]

  • (en) Terrell, John Edward (December 2004). “Introduction: 'Austronesia' and the great Austronesian migration”. World Archaeology 36 (4): 586–590. doi:10.1080/0043824042000303764.

Eksterne skakels[wysig | wysig bron]

Taalfamilies
 Afro-Asiatiese tale Austronesiese tale Kartweliese tale Niger-Kongo-tale Sino-Tibettaanse tale
 Altaïese tale Drawidiese tale Khoisan-tale Nilo-Sahariese tale Tai-Kadai-tale
 Amerindiese tale Eskimo-Aleoetiese tale Mayaanse tale Oeraalse tale Turkse tale
 Austro-Asiatiese tale Indo-Europese tale Na-Dené-tale Papoea-tale Uto-Asteekse tale
 Gebaretale Isolate Kreools Kunsmatige tale Pidgin