Mediterreense mossel

in Wikipedia, die vrye ensiklopedie
Jump to navigation Jump to search

Mediterreense mossel
Mytilus galloprovincialis shell.jpg
Wetenskaplike klassifikasie
Koninkryk:
Filum:
Klas:
Subklas:
Orde:
Suborde:
Familie:
Genus:
Spesie:
M. galloprovincialis
Binomiale naam
Mytilus galloprovincialis
Lamarck, 1819

Die Mediterreense mossel (Mytilus galloprovincialis) is 'n mossel wat aan die wes- en suidkus van Suid-Afrika voorkom. Die mossel kan tot 14 cm lank word. Die skulp is glad en swart tot blou van kleur. Daar is klein duikies langs die skarnierligament aan die binnekant van die skulp wat dit van die swartmossel onderskei. Die mossel kom voor in die tussengetysone in rotsagtige gebiede. Die seediertjie vorm die basis van die Suid-Afrikaanse mosselbedryf en is die hoofvoedselbron van die swarttobie.

Die mossel is egter 'n indringer spesie en kom natuurlik in die Middellandse See voor waar dit bekendstaan as die Mediterranean mussel. Dit was in die 1970's vir die eerste keer opgemerk in Saldanhabaai. Daar word vermoed dat die spesie in Suid-Afrika beland het deur aan die romp van 'n skip vas te klou of deur die ballas water van 'n skip.

Voor die koms van die mossel was al die rotsoewers oop habitatte wat bewoon was deur onder andere die Scutellastra granularis klipmossel. Die mossel het gou die rotsbanke beset en toegeroei. Daar was 'n negatiewe impak met die indringer geassosieer en verwag dat Scutellastra granularis verdring sou word. Die klipmossel het egter aangepas, kleiner geword en een-een op die mossels begin leef. Hulle kom nou in groter getalle voor.

Nog 'n positiewe gevolg van die verskyning van die Mediterreense mossel was dat dit as ekstra voedsel dien vir die bedreigde Swarttobie.

Hierdie spesie bewys dat nie alle indringer spesies net negatiewe gevolge tot gevolg sal hê nie maar ook onverwagte positiewe gevolge kan veroorsaak.

Sien ook[wysig | wysig bron]

Bronne[wysig | wysig bron]

  • Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
  • Ouest. Science for South Africa. Volume 11, Nommer 2 2015 ISSN 1729-830X