Naas Botha

in Wikipedia, die vrye ensiklopedie
Spring na: navigasie, soek
Naas Botha Sportportaal
Rugby Naas Botha.jpg
Naas Botha, 1987
Volle naam Hendrik Egnatius Botha
Geboortedatum 27 Februarie 1958 (1958-02-27) (56 jaar oud)
Geboorteplek Breyten, Suid-Afrika
Rugbyloopbaan
Posisie(s) Losskakel
Amateurklubs
Tukkies, Harlequins, Verwoerdburg, Rovigo, Dallas Cowboys
korrek op .
Provinsiale/Staatspanne    
Noord-Transvaal
korrek op .
Nasionale span(ne) Wedst (pte)
1980-1989 Vlag van Suid-Afrika Suid-Afrika 28 (312)
korrek op .
Ander Inligting
Beroep Sakeman
Skool Hendrik Verwoerd Hoërskool
Universiteit Pretoria
Eggenote Karen

Naas Botha (*27 Februarie 1958, Breyten) was 'n Springbok-losskakel en -kaptein en het ook vir Noord-Transvaal gespeel. Hy was 'n puntemasjien met die skopvoet en het verskeie Suid-Afrikaanse punterekords gehou. Hy is Suid-Afrika se veertigste Springbokkaptein.

Kinderjare[wysig]

Alhoewel hy in Breyten gebore is, word hy in Pretoria groot. As negejarige klim hy en sy vriende oor die heining van Loftus Versfeld en slaap in die toilet om te sien hoe die Blou Bulle vir Frankryk in 1967 wen. Hy toer twee keer saam met die Suid-Afrikaanse onder-16-bofbalspan deur Europa. Hy verteenwoordig ook die Suid-Afrikaanse Universiteitespan in bofbal en word gekies vir die Noord-Transvaalse Hoërskole-rugbyspan. Nadat hy gematrikuleer het, gaan studeer hy by Tukkies waar hy die Noord-Transvaalse onder-20-span haal.

Rugbyloopbaan[wysig]

Hy speel reeds as negentienjarige vir Noord-Transvaal in 1977. In 1980 maak hy sy internasionale buiging teen die Suid-Amerikaanse Jaguars en word Noord-Transvaal se kaptein - as 'n twee-en-twintigjarige. Hy word in 1979, 1981, 1985 en 1987 aangewys as Suid-Afrika se speler van die jaar.

Hy is in 1977, 1978, 1980 en 1981 deel van die Noord-Transvaalspanne wat die Curriebeker verower. In 1979 deel hulle die beker met die Westelike Provinsie. Hy speel ook in die twee toetse teen die All Blacks en Wallabies in Suid-Afrika en sluit sy internasionale loopbaan af op die toer aan die einde van 1992 na Engeland en Frankryk.

Statistiek[wysig]

Naas het in 28 toetse gespeel waarin hy 312 punte aangeteken het - 'n Suid-Afrikaanse rekord. Hy was ook kaptein in nege van die 28 toetse. Die punte bestaan uit:

  • 2 drieë
  • 50 doelskoppe
  • 50 stafskoppe
  • 18 skepskoppe

Sy eersterangse loopbaan lees soos volg:

  • 273 wedstryde
  • 216 gewen
  • 49 verloor
  • 8 gelykop
  • Hy teken 3 734 punte aan wat 209 skepskoppe insluit.

Bron[wysig]

Eksterne skakels[wysig]