Neeme Järvi

in Wikipedia, die vrye ensiklopedie
Jump to navigation Jump to search
Järvi by die Estiese Sangfees in 2009

Neeme Järvi (Estiese uitspraak:ˈneːme ˈjærʋi; * 7 Junie 1937) is 'n Amerikaanse dirigent van Estiese afkoms.

Vroeë lewe[wysig | wysig bron]

Järvi is in Tallinn gebore. Hy het aanvanklik aldaar musiek studeer, en later in Leningrad by die Leningrad Konservatoria onder o.a. Yevgeny Mravinsky en Nikolai Rabinovich studeer. Hy het vroeg in sy loopbaan poste gehou met die Estiese Radio en Televisie Simfonieorkes, die Estiese Nasionale Simfonieorkes en die Estiese Nasionale Opera in Tallinn.

In 1971 het hy die eerste plek behaal in die Internasionale Dirigeerkompetisie by die Accademia Nazionale di Santa Cecilia in Rome. Järvi het in 1980 saam met sy gesin na die Verenigde State geïmmigreer, en in 1985 'n VSA-burger geword.

Werk[wysig | wysig bron]

Järvi se platelys sluit oor die 400 opnames vir plate-etikette soos BIS, Chandos en Deutsche Grammophon in. Hy is die bekendste om sy interpretasies van Romantiese musiek en 20ste eeuse klassieke musiek en is 'n voorstander van die werk van sy mede Estlanders Eduard Tubin en Arvo Pärt (wie se Credo hy in 1968 die eerste opvoering van gegee het). Sy interpretasies van Jean Sibelius met die Gotenburg Simfonieorkes is ook goed bekend. Hy het ook verskeie werke opgeneem wat min in hul volledige vorm opgeneem is, soos bv. Edvard Grieg se orkestrale musiek, insluitende die volledige insidentele musiek vir Peer Gynt, sowel as Tsjaikofski se volledige insidentele musiek vir Alexander Ostrofski se toneelstuk Snegurochka (The Snow Maiden), en al drie Rimski-Korsakof se simfonieë en orkestrale suites.

Hy het op SACD Tsjaikofski se volledige simfonieë (met die Gotenburg SO - BIS label) en ballette (met die Bergen FO - Chandos etiket) opgeneem. Hy het ook SACD opnames van musiek deur Mahler, Bruckner, Wagner, Raff en Kurt Atterberg vir Chandos saam met sy ou orkes, die Koninklike Skotse Simfonieorkes, gemaak.

Järvi het ook 'n jaarlikse meestersklas, die Neeme Järvi Somerakademie wat al sedert 2008 in Pärnu, Estland gehou word, gegee gedurende die David Oistrakh fees. Die meesterklas word sedert 2009 gehou gedurende die Leigo Musiekdae in Suid-Estland. Bykomend hiertoe, het hy gehelp om fondse in te samel vir die Estiese Akademie van Musiek, wat in September 2000 oopgemaak het.[1]

Verwysings[wysig | wysig bron]

  1. Hilary Finch (2004-01-19). "Giving them some stick". The Times. Besoek op 2007-02-20. 

Eksterne skakels[wysig | wysig bron]

Kulturele poste
Voorafgegaan deur
Charles Dutoit
Hoofdirigent, Gotenburg Simfonieorkes
1982–2004
Opgevolg deur
Mario Venzago
Voorafgegaan deur
Alexander Gibson
Hoofdirigent, Koninklike Skotse Nasionale Simfonieorkes
1984–1988
Opgevolg deur
Bryden Thomson
Voorafgegaan deur
Günther Herbig
Musikale Direkteur, Detroit Simfonieorkes
1990–2005
Opgevolg deur
Leonard Slatkin
Voorafgegaan deur
Zdeněk Mácal
Musikale Direkteur, New Jersey Simfonieorkes
2005–2009
Opgevolg deur
Jacques Lacombe
Voorafgegaan deur
Jaap van Zweden
Hoofdirigent, Het Residentie Orkest
2005–2012
Opgevolg deur
Nicholas Collon