Nefertari
| Nefertari | |
|---|---|
| Groot koningsvrou Dame van die Twee Lande Meesteres van Bo- en Benede-Egipte | |
.jpg) 'n Grafkeldermuur wat Nefertari, die groot koningsvrou van farao Ramses II, uitbeeld.
| |
| Volle naam | Nefertari Meritmoet |
| Sterfdatum | Omstreeks 1255 v.C. |
| Begrawe | QV66, Vallei van die Koninginne, Thebe |
| Gade | Ramses II |
| Dinastie | 19de Dinastie van Egipte |
Nefertari, ook bekend as Nefertari Meritmoet, was 'n Egiptiese koningin en die eerste van die Groot Koningsvroue (hoofvroue) van Ramses die Grote.
| ||||||
| Nefertari-Meritmoet (Nfrt jrj mrjt n Mwt) in hiërogliewe |
|---|
Sy is een van die bekendste antieke Egiptiese koninginne, saam met vroue soos Cleopatra, Nefertiti en Hatsjepsoet, en een van die prominentstes wat sover bekend nie uit eie reg regeer het nie.
Sy was hoogs opgevoed en kon Egiptiese hiërogliewe lees en skryf, 'n skaars talent in haar dae. Sy het dié vaardighede in haar diplomatieke werk gebruik en met ander hoë koninklikes gekorrespondeer. Haar ryklik versierde grafkelder, QV66, is een van die grootstes en skouspelagtigstes in die Vallei van die Koninginne. Ramses het ook 'n tempel vir haar laat bou by Aboe Simbel, langs sy reusagtige monument daar.
Vertaling van haar naam[wysig | wysig bron]
Daar is verskeie vertolkings van wat die naam Nefertari beteken. Een is dat dit beteken "mooi metgesel", en dat Meritmoet beteken "Geliefde van die godin Moet".[1][2] Ander bronne meen 'n akkurater vertaling vir "Nefertari" is "die mooiste een",[3][4] "die mooiste onder hulle",[5] "die mooiste van hulle almal"[6] "die heel beste"[5] of "die mooiste van die vroue".[7]
Sy het ook baie titels gehad, onder andere "Dame van Grasie", die "Groot Koningsvrou", "Vrou van die Sterk Bul", "Dame van die Twee Lande" en "Meesteres van Bo- en Benede-Egipte".[8] Ramses II het haar ook genoem "die een vir wie die son skyn".[9]
Familie[wysig | wysig bron]
Hoewel Nefertari se familieagtergrond onbekend is, is 'n deurknop in haar grafkelder ontdek met die cartouche van farao Ai, en dit het mense laat gis dat sy aan hom verwant was.[10] Die tyd tussen die bewind van Ai en Ramses II beteken Nefertari was waarskynlik nie sy dogter nie. As daar enige verwantskap bestaan, kon sy Ai se agterkleindogter gewees het.
Daar is egter geen onomwonde bewyse dat hulle familie was of dat Nefertari se oorsprong in die 18de Dinastie lê nie.[11]
Nefertari het met Ramses II getrou voordat hy die troon bestyg het.[12] Sy het minstens vier seuns en twee dogters gehad.
Monumente[wysig | wysig bron]
Aboe Simbel, groot tempel[wysig | wysig bron]
- Die hoofartikel vir hierdie afdeling is: Aboe Simbel-tempels.
Nefertari verskyn twee keer as een van die koningsvroue langs die reusestandbeelde van Ramses II wat voor die tempel staan. Links van die deur staan Nefertari, koninginmoeder Toeja en die koning se seun Amoen-her-chepesjef lanks die kolossale standbeeld van die koning. Regs van die deur verskyn Nefertari, Baketmoet en die koning se seun prins Ramses langs die farao.[11]
In die tempel word Nefertari op een van die pilare in die groot pilaresaal uitgebeeld waar sy Hathor van Ibsjek aanbid.[13]
Teen die muur van die binneste pilaresaal verskyn Nefertari agter Ramses II. Hulle staan voor die bark van Amoen, en Nefertari speel 'n musiekinstrument. Op 'n ander plek word Nefertari en Ramses II gewys voor 'n bark wat aan 'n vergoddelikte Ramses II behoort. Nefertari verskyn twee keer saam met haar man op oorwinningstonele.[13]
Aboe Simbel, klein tempel[wysig | wysig bron]
Die klein tempel by Aboe Simbel is aan Nefertari en Hathor van Ibsjek opgedra. Die twee kolossale standbeelde van Nefertari voor die klein tempel is net so groot soos dié van Ramses II. Sy het 'n lang rok aan, dra 'n lang pruik en word uitgebeeld met horings, die sonskyf en lang vere op 'n hooftooisel.[11]
Aan die binnekant van die tempel verskyn Nefertari op 'n verskeidenheid tonele..[13]
Grafkelder QV66[wysig | wysig bron]
- Die hoofartikel vir hierdie afdeling is: Vallei van die Koninginne.
Die grafkelder van Nefertari in die Vallei van die Koninginne, QV66, is een van die grootstes in die vallei. Dit is 520 vierkante meter groot en is bedek met tonele waarin Nefertari voorkom. Haar man, die farao, verskyn nie op een uitbeelding nie. Die grafkelder is in die oudheid beroof. In 1904 is dit deur Ernesto Schiaparelli herontdek en uitgegrawe.[11] Verskeie items wat die rowers misgekyk het, insluitende dele van goue armbande, sjabti-figure en 'n klein deel van 'n oorring is nou in die Bostonse Kunsmuseum. Nog sjabti's is in die Egiptiese Museum in Kaïro.[13]
Daar word berig twee gemummifiseerde bene wat in QV66 ontdek is, kan wel dié van Nefertari wees gebaseer op die beenstruktuur en ouderdom van die persoon. Dit pas by Nefertari se profiel.[14]
Verwysings[wysig | wysig bron]
- ↑ Weigall, Arthur Edward Pearse Brome (1913). A Guide to the Antiquities of Upper Egypt: From Abydos to the Sudan Frontier (2 uitg.). London, UK: Methuen. p. 281. Besoek op 18 September 2022.
- ↑ Daley, Jason (6 Desember 2016). "Researchers Identify Queen Nefertari's Mummified Knees". Smithsonian Magazine. Besoek op 18 September 2022.
- ↑ Martin, Paul (Maart 1999). "Into an Antique Land" (PDF). National Geographic Traveler. Vol. XVI, no. 2. pp. 105–115. Besoek op 5 Julie 2022.
- ↑ "Kimbell Art Museum: "Queen Nefertari's Egypt"". World Art Foundations. 6 Desember 2020. Besoek op 5 Julie 2022.
- ↑ 5,0 5,1 Bianchi, Robert Steven; McDonald, John K; Bakr, Mohamed Ibrahim; Corzo, Miguel Angel (1992). In the tomb of Nefertari : conservation of the wall paintings. [Malibu, Calif.]: J. Paul Getty Museum. p. 49. ISBN 9780892362295.
- ↑ Asante, Molefi Kete (2015). The history of Africa : the quest for eternal harmony (Second uitg.). New York: Routledge. p. 43. ISBN 9781135013493.
- ↑ Taterka, Filip (2015). "Ancient Egyptian Royal Cryptography in the Ramesside Period". In Zadka, Małgorzata; Buczek, Katarzyna; Chruszczewski, Piotr P; Knapik, Aleksandra R; Mianowski, Jacek (reds.). Antropologia komunikacji od starożytności do współczesności (PDF) (in English). Vol. VII. Wrocław: Oddział Polskiej Akademii Nauk. pp. 71–89. ISBN 9788393420469. Besoek op 5 Julie 2022.
{{cite book}}: AS1-onderhoud: onerkende taal (link) - ↑ Grajetzki, Ancient Egyptian Queens: A Hieroglyphic Dictionary, Golden House Publications, Londen, 2005, ISBN 978-0-9547218-9-3
- ↑ Kitchen, K.A. 1979, Ramesside Inscriptions II, pp. 765
- ↑ Dodson, Aidan and Hilton, Dyan. The Complete Royal Families of Ancient Egypt. Thames & Hudson. 2004. ISBN 0-500-05128-3
- ↑ 11,0 11,1 11,2 11,3 Tyldesley, Joyce. Chronicle of the Queens of Egypt. Thames & Hudson. 2006. ISBN 0-500-05145-3
- ↑ Kitchen, Kenneth A., Pharaoh Triumphant: The Life and Times of Ramesses II, The King of Egypt, Aris & Phillips. 1983 ISBN 978-0-85668-215-5
- ↑ 13,0 13,1 13,2 13,3 Kitchen, K.A., Ramesside Inscriptions, Translated & Annotated, Translations, Volume II, Blackwell Publishers, 1996
- ↑ Habicht, Michael E.; Bianucci, Raffaella; Buckley, Stephen A.; Fletcher, Joann; Bouwman, Abigail S.; Öhrström, Lena M.; Seiler, Roger; Galassi, Francesco M.; Hajdas, Irka; Vassilika, Eleni; Böni, Thomas; Henneberg, Maciej; Rühli, Frank J. (30 November 2016). "Queen Nefertari, the Royal Spouse of Pharaoh Ramses II: A Multidisciplinary Investigation of the Mummified Remains Found in Her Tomb (QV66)". PLOS ONE. 11 (11): e0166571. Bibcode:2016PLoSO..1166571H. doi:10.1371/journal.pone.0166571. PMC 5130223. PMID 27902731.
Eksterne skakels[wysig | wysig bron]
Wikimedia Commons het meer media in die kategorie Nefertari.
Hierdie artikel is in sy geheel of gedeeltelik uit die Engelse Wikipedia vertaal.
