Palmiet

in Wikipedia, die vrye ensiklopedie
Spring na: navigasie, soek
Prionium serratum
Wetenskaplike klassifikasie
Koninkryk: Plantae
(geen rang): Angiosperms
(geen rang): Monocots
(geen rang): Commelinids
Orde: Poales
Familie: Thurniaceae
Binomiale naam
Prionium serratum
Drège

Palmiet (Prionium serratum (L.f.) Drège ex E.Mey.) is 'n riet of biesiesoort wat groei in die riviere en vleie van die Wes-Kaap tot by Uitenhage. Dit is endemies aan Suid-Afrika. Palmiet kom in kusfynbos en Albany-ruigte tot Grahamstad in die Oos-Kaap asook in die kusstreek van die Indiese Oseaan tussen Port St. Johns en die suide van KwaZulu-Natal voor. Veral in KwaZulu-Natal is dit afnemend omrede dit vir mediese doeleinde geoes word en dikwels aan oorbeweiding en veldbrande blootstaan. Op die SANBI-rooilys is dit as 'afnemend' ('declining') gelys.[1]

Die naam palmiet is as 'wilde palmit' reeds deur Van Riebeeck hieraan gegee. Die plant word tot 2 meter hoog. Die blare word gebruik vir weefwerk. Hierdie stewige immergroene stuik het 'n stam wat 5 -10 cm breed kan word en 'n wortelstok. Die blare is styf en lansvormig, liggrysgroen van kleur en het getande rande. Hulle groei spiraalvormig die stam langs. Die bloeiwyse is vertak en kan 50 cm lank word. Die blomme is klein en bruin.

Die jong blomskeute kan voordat hulle bloei afgebreek en as groente gegeet word. Die plant het 'n belangrike ekologiese rol in die riviere en hul mondings. Dit behoed dit oewers vir erosie en stabiliseer die rivierbedding.[2]

Fotogalery[wysig | wysig bron]

Bronne[wysig | wysig bron]

Eksterne skakels[wysig | wysig bron]