Remco Campert

in Wikipedia, die vrye ensiklopedie
Jump to navigation Jump to search
Campert onderteken 'n boek tydens 'n digters-geleentheid ter viering van sy 80ste verjaardag

Remco Campert (gebore op 29 Julie 1929) is 'n Nederlandse skrywer, digter en rubriekskrywer.[1]

Vroeë Jare[wysig | wysig bron]

Remco Wouter Campert was gebore in Den Haag,[2] as die seun van die skrywer en digter Jan Campert,[3] skrywer van die gedig De achttien dooden, en die aktrise Joekie Broedelet. Sy ouers se paaie het geskei toe hy drie jaar oud was, welke daartoe gelei het dat hy soms, afhangende van die omstandighede, saam met een van sy ouers, en soms saam met sy grootouers gewoon het. Sy vader het in 1943 in die Neuengamme konsentrasiekamp beswyk. Remco het daarna saam met sy moeder gaan woon. Hulle het in 1945 na die einde van die Tweede Wêreldoorlog na Amsterdam teruggekeer, nadat hulle die voorafgaande drie jaar in die dorpie Epe, Nederland deurgebring het.

Sy skryfwerk[wysig | wysig bron]

Remco het in Amsterdam sy sekondêre opvoeding by Amsterdam Lyceum begin, en het somtyds artikels geskryf of strokiesprente geteken vir die skool se koerant. Hy egter met verloop van tyd al hoe meer klasse begin oorslaan en al hoe meer tyd in die bioskope, jazz klubs of kroeë begin spandeer. Hy het uiteindelik skool verlaat sonder om te matrikuleer. Hy het saam met 'n skoolvriend, Rudy Kousbroek, die Braak tydskrif in Mei 1950 gestig. Tussen 1949 en 1952 het Remco strokiesprente vir die Nederlandse tydskrifte Mandrill en Het Parool geteken en ook in die 1970s vir die Haagse Post tydskrif. In 1979 het hy strokieprente geteken vir die NRC Handelsblad.[4]

Remco is in 1949 getroud met Freddie Rutgers, maar hulle het vyf jaar later geskei, Ten einde sy leefwyse te finansier, het Remco hom daartoe gewend om kommersiële tekste of jingles te skryf , sowel as om buitelandse literêre werke te vertaal. Hy is later getroud met die skrywer Fritzi ten Harmsen van der Beek (dogter van die strokiesprentkunstenaar Harmsen van der Beek) saam met wie hy gewoon het in Blaricum tot 1957, toe hy terug is na Amsterdam. Hy het sy tweede vrou geskei en in 1961 met Lucia van den Berg getrou. Hulle het in 1964 na Antwerpen getrek, maar Remco het twee jaar later na Amsterdam teruggekeer. Daar het hy die eienares van 'n kunsgalery (Deborah Wolf) ontmoet, saam met wie hy gewoon het tot 1980.

Hy het hom meestal in die opvolgende stilgehou wat sy lewe betref. Hy het egter sy situasie een keer in 1994 as volg verduidelik in 'n onderhoud met Cees van Hoore, joernalis van die koerant 'Nieuwsblad van het Noorden'. Hy was soos volg aangehaal; "Ek verstik myself nie. Ek is my eie beste geselskap. Wanneer ek ook al saamleef met iemand anders, voel ek vir dae asof ek onderwater is. Om saam te wees is om tweemaal alleen te wees, en ek het dit nie nodig nie. Ek is meer as tevrede om gelukkig getroud te wees aan my loopbaan."

Teen die einde van die 1970's het hy baie min geskryf. Hy het aan die joernalis Jan Brokken van die Nederlandse koerant Haagse Post verduidelik: "Ek kon vir jare nie skryf nie. Ek het nie lus gevoel om te skryf nie. Ek het 'n fisiese viesheid tenoor dit gevoel. Ek het daaroor gedink, maar ek was verlam deur twyfel."

Hy het in 1979 met skryfwerk voortgegaan. Hy het Somberman se artikel in 1985 geskryf. Van 1989 tot en met 1995 het Remco in teaters regoor die nasie en oorsee ook gespeel , in 'n toneelstuk wat hy geskep het saam met Jan Mulder (voetbalspeler) (skrywer en eks voetbalspeler). Hulle programme was op beide hulle literêre werke gebaseer. 1995 was ook die jaar waarin hy sy blitsverkoper roman 'Het leven is vurrukkulluk' op die radio voorgelees het.

Nederlandse mense van die ouer generasies sal meer waarskynlik sy naam assosieer met CaMu, d.i. die vennootskap tussen Remco Campert en Jan Mulder wat daaglikse voorbladrubrieke vir die nasionale koerant 'de Volkskrant' geskryf het tussen 1995 tot 2006. Hierdie rubrieke is tradisioneel aan die einde van elke jaar gebundel in boeke met die titel CaMu ....: Het jaaroverzicht van Remco Campert en Jan Mulder.

Bibliografie[wysig | wysig bron]

  • 1950 'Ten lessons with Timothy' (gedigte).
  • 1951 'Vogels vliegen toch' (gedigte).
  • 1952 'Een standbeeld opwinden' (gedigte).
  • 1953 'Berchtesgaden' (gedigte).
  • 1953 'Eendjes voeren' (kortverhale).
  • 1955 'Alle dagen feest' (kortverhale).
  • 1955 'Het huis waarin ik woonde' (gedigte).
  • 1955 'Met man en muis' (gedigte).
  • 1956 'Lodewijk Sebastiaan' (kortverhale).
  • 1956 'Van de wijs' (kortverhale).
  • 1958 'De jongen met het mes en andere verhalen' (kortverhale).
  • 1959 'Bij hoog en bij laag' (gedigte).
  • 1960 'Een ellendige nietsnut en andere verhalen' (kortverhale).
  • 1961 'Het leven is vurrukkulluk' (roman).
  • 1962 'Dit gebeurde overal' (gedigte).
  • 1962 'Het paard van Ome Loeks' (kortverhale).
  • 1963 'Liefdes schijnbewegingen : een leesboek' (roman)
  • 1964 'Nacht op de kale dwerg' (kortverhale).
  • 1965 'Het gangstermeisje' (roman).
  • 1965 'Hoera, hoera' (gedigte).
  • 1968 'Fabeltjes vertellen' (kortverhale).
  • 1968 'Mijn leven's liederen' (gedigte).
  • 1968 'Tjeempie! of Liesje in Luiletterland' (roman).
  • 1969 'Hoe ik mijn verjaardag vierde' (kortverhale).
  • 1970 'Betere tijden' (gedigte).
  • 1971 'Campert Compleet' (kortverhale).
  • 1972 'James Dean en het verdriet' (kortverhale).
  • 1974 'Basta het toverkonijn' (kortverhale).
  • 1974 'Op reis' (roman, geskryf saam met Willem Malsen).
  • 1976 'Alle bundels gedichten' (gedigte).
  • 1976 'Luister goed naar wat ik verzwijg' (gedagtes en filosofieë).
  • 1978 'Waar is Remco Campert?' (kortverhale).
  • 1979 'Theater' (gedigte).
  • 1980 'Na de troonrede' (kortverhale).
  • 1980 'De tijden' (roman).
  • 1982 'Een beetje natuur' (kortverhale).
  • 1983 'De Harm & Miepje Kurk Story' (roman).
  • 1983 'Scènes in Hotel Morandi' (gedigte).
  • 1984 'Amsterdamse dagen' (gedigte).
  • 1984 'Drie vergeten gedichten' (gedigte).
  • 1984 'Kinderverhalen van Remco Campert' (kortverhale vir kinders).
  • 1984 'Wie doet de koningin?' (kortverhale).
  • 1984 'Zeven vrijheden' (gedigte).
  • 1985 'Somberman's actie' (roman, "Boekenweekgeschenk").
  • 1985 'Somberman's maandag' (roman).
  • 1985 'Zijn hoofd verliezen' (roman).
  • 1986 'Collega's (gedigte).
  • 1986 'Rustig' (roman).
  • 1986 'Tot zoens' (kortverhale).
  • 1987 'Eetlezen' (rubrieke).
  • 1988 'Een neger uit Mozambique : een keuze uit de gedichten' (gedigte).
  • 1988 'Toen ik je zag' (Gedigte begelei deur fotos van Peter Dejong).
  • 1989 'Zachtjes neerkomen' (roman).
  • 1990 'Gouden dagen' (roman).
  • 1990 'Graag gedaan' (rubrieke en kortverhale).
  • 1991 'Campert compleet vervolg : verhalen 1971–1991' (kortverhale).
  • 1991 'Dansschoenen' (roman).
  • 1992 'Rechterschoenen' (gedigte).
  • 1993 'Het bijzettafeltje' (rubrieke).
  • 1994 'Fiebelekwinten' (kortverhale, geskryf saam met Jan Mulder).
  • 1994 'Restbeelden : notities van Izegrim' (gedigte).
  • 1994 'Straatfotografie' (gedigte).
  • 1994 'Vele kleintjes' (rubrieke).
  • 1995 'Dichter' (gedigte).
  • 1995 'Ohi, hoho, bang, bang, of Het lied van de vrijheid' (roman).
  • 1996 'De zomer van de zwarte jurkjes' (rubrieke).
  • 1998 'Een mooie jonge vriendin en andere belevenissen (kortverhale)
  • 2004 'Een liefde in Parijs' (roman).
  • 2006 'Het satijnen hart' (roman).
  • 2010 'Om vijf uur in de middag' (kortverhale).
  • 2013 'Hôtel du Nord' (roman)

Literêre pryse[wysig | wysig bron]

  • 1953 – Reina Prinsen Geerligs Prys vir 'Berchtesgaden'
  • 1955 – Gedigtetoekenning van die stad van Amsterdam vir 'Gedicht met een moraal'
  • 1956 – Jan Campert prys vir 'Met man en muis en Het huis waarin ik woonde'
  • 1958 – Anne Frank prys vir 'Vogels vliegen toch'
  • 1959 – Prosa toekenning van die stad van Amsterdam vir 'De jongen met het mes'
  • 1960 – Toekenning van die Amsterdamse Kunsteraad vir 'De jongen met het mes'
  • 1976 – P.C. Hooft-prys vir sy poëtiese werke
  • 1987 – Cestoda-toekenning
  • 2011 – Gouden Ganzenveer Prys
  • 2015 – Prijs der Nederlandse Letteren[5]

Verwysings[wysig | wysig bron]

  1. "Remco Campert (poet) - Netherlands - Poetry International". www.poetryinternationalweb.net.
  2. "Author - Remco Campert - Letterenfonds". www.letterenfonds.nl.
  3. Remco Campert op webtuiste van die Berlynse Internasionale Literatuurfees
  4. "Remco Campert". lambiek.net.
  5. "Prijs der Nederlandse Letteren naar Remco Campert" (in Dutch). NOS. 8 February 2015. Besoek op 8 Februarie 2015.AS1-onderhoud: Onbekende taal (link)

Eksterne skakels[wysig | wysig bron]