Rodrigues-wewer

in Wikipedia, die vrye ensiklopedie
Jump to navigation Jump to search

Rodrigues-wewer
FoudiaDrymoecaWolf.jpg
Illustrasie deur Joseph Wolf (1864)
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
F. flavicans
Binomiale naam
Foudia flavicans
A. Newton, 1865

Die Rodrigues-wewer (Foudia flavicans) is 'n seldsame voëlspesie in die wewerfamilie. Dit is endemies aan Rodrigues, 'n eiland van Mauritius. Dit is by BirdLife International geklassifiseer as kwesbaar.[2] Dit is ook op Bedreigde Spesies Lys die Verenigde State met 'n bedreigde status.[3]

Hierdie voël is 12–13 cm lank. Sy kleur is geel met 'n oranje gesig en bruin rug, vlerke en stert.[2]

Die voël kan gevind word in die blaredak op 'n hoogte van minstens 5 meter, en vlieg soms saam in swerms. Dit kan geassosieer word met die Norfolkeilandden (Araucaria cunninghamii) en 'n paar ingevoerde spesies van plante. Meer voëls word aangetref in gebiede met digter, hoër bome en groter diversiteit van boomspesies.[4] Dit voed op insekte, spinnekoppe, sade, nektar, en vrugte.[2]

Die spesie was voorheen volop op die eiland, maar is byna tot uitsterwing gedryf met net 5 of 6 pare oorblywend in 1968. As gevolg van bewaringspogings het sy getalle weer gestyg tot tussen 900 en 1 200 indiwidue teen die jaar 1999.[2]

Die grootste bedreiging vir die spesie is die vernietiging van sy woudhabitat. Die natuurlike bos is skoongemaak om vir bestaansboerdery en vee plek te maak. Die voël kompeteer ook met sy ingevoerde familielid, die rooi Madagaskarwewer (Foudia madagascariensis). Siklone en droogtes verminder die kosvoorraad.[2]

Bewaringspogings sluit in herbebossing, die hoofoorsaak vir die styging in wewergetalle. Heinings hou ook vee uit.

Verwysings[wysig | wysig bron]

  1. BirdLife International (2013). "Foudia flavicans". IUCN Rooilys van Bedreigde Spesies. Weergawe 2013.2. Internasionale Unie vir die Bewaring van die Natuur. Besoek op 26 November 2013.
  2. 2,0 2,1 2,2 2,3 2,4 BirdLife International Species Fact Sheet
  3. USFWS. Addition of 30 African birds to list of endangered and threatened wildlife. Federal Register 12 Januarie 1995.
  4. Impey, A. J., et al. (2002). Population recovery of the threatened endemic Rodrigues fody (Foudia flavicans) (Aves, Ploceidae) following reforestation. Biological Conservation 107(3) 299-305.
Hierdie artikel is in sy geheel of gedeeltelik vanuit die Engelse Wikipedia vertaal.