Sishen-Saldanha-spoorlyn

in Wikipedia, die vrye ensiklopedie
(Aangestuur vanaf Sishen-Saldanha Spoorlyn)
Spring na: navigasie, soek

Die Sishen-Saldanha-spoorlyn is gebou as 'n swaarvragspoorlyn om ystererts van die myne op Sishen na Saldanhahawe te vervoer. Die lengte van die spoorlyn is 861 km en is in 1976 voltooi. Die spoorlyn is geëlektrifiseer en word bedryf as 'n 50 kV-wisselstroomspoorlyn.

'n Kombinasie van Klas 34-diesel-elektriese eenhede trek treine met tot 216 trokke elk met 'n kapasiteit van 85-100 ton. Die kapasiteit van die spoorlyn was na indiensstelling 18 miljoen ton per jaar. Na 'n opgraderingsprojek is die kapasiteit tans 41 miljoen ton per jaar. Daar is tans ook 'n omgewingsimpakstudie onderweg om die kapasiteit na 95 miljoen ton per jaar te vergroot.[1]

Gedurende die week van 16 Julie 2009 is 'n rekord 919 000 ton ystererts tussen Sishen en Saldanha vervoer.[2]

Roete van spoorlyn[wysig | wysig bron]

Die spoorlyn begin op Sishen in die Noord-Kaap en loop dan suidoos. Dit kruis die N14 en hou steeds suidoos. Dit roete hou noord van die Langberg verby en kruis die N10 nasionale pad noord van Groblershoop. Suidoos van Groblershoop kruis dit die hoofspoorlyn vanaf De Aar na Namibië by 'n nedersetting met die naam Kleinbegin.

Hiervandaan hou die roete suidoos deur Boesmanland. Dit loop noord van Kenhardt en die Grootvloerpan verby, deur die Bokkeveldberg tot in Namakwaland. Die roete hou steeds suidoos, oor die N7 nasionale pad, tot in die Olifantsriviervallei. Dit gaan noord verby Vredendal, kruis die Olifantsrivier en swaai dan suid.

Nou hou die roete parallel met die Weskus, verby Lambertsbaai, Elandsbaai, Laaiplek, waar dit oor die Bergrivier loop, tot by Saldanha. By Elandsbaai gaan die spoorlyn deur die Bobbejaansbergtonnel.

Panorama van 'n ertstrein op die Sishen-Saldanha spoor.
Panorama van 'n ertstrein op die Sishen-Saldanha spoor.

Sien ook[wysig | wysig bron]

Verwysings[wysig | wysig bron]

  1. http://www.transnet.co.za
  2. Beeld 16 Julie 2009