Lambertsbaai

in Wikipedia, die vrye ensiklopedie
Jump to navigation Jump to search
Lambertsbaai
Dorp
Witmalgasse op Voëleiland in Lambertsbaai.
Witmalgasse op Voëleiland in Lambertsbaai.
Lambertsbaai is in Wes-Kaap
Lambertsbaai
Lambertsbaai
 Lambertsbaai se ligging in Wes-Kaap
Koördinate: 32°5′0″S 18°18′0″O / 32.08333°S 18.30000°O / -32.08333; 18.30000Koördinate: 32°5′0″S 18°18′0″O / 32.08333°S 18.30000°O / -32.08333; 18.30000
LandVlag van Suid-Afrika Suid-Afrika
ProvinsieWes-Kaap
DistrikWeskus
MunisipaliteitCederberg
Oppervlak
 • Totaal45,73 km2 (17 66 vk, m,)
Bevolking
 (2011)[1]
 • Totaal6 120
 • Digtheid130/km2 (300/vk, m,)
Rasverdeling (2011)
 • Blank15.9%
 • Indiër/Asiër0.2%
 • Kleurling74.5%
 • Swart9.0%
 • Ander0.4%
Taal (2011)
 • Afrikaans 90.9%
 • Xhosa 5.8%
 • Engels 1.7%
 • Ander 1.6%
Poskode (strate)
8130
Poskode (posbusse)
8130
Skakelkode027
Webwerfhttp://www.lambertsbay.co.za

Lambertsbaai is 'n kusdorpie aan die Atlantiese Oseaan in die Weskus, Suid-Afrika. Dit is by die monding van die Jakkalsrivier geleë. Die was vroeër slegs 'n visserdorpie maar groei tot 'n toerismetrekpleister. Van die belangrikste vangste is kreef, ansjovis, sardyne en snoek.

Geskiedenis[wysig | wysig bron]

Die dorpie is gestig op die plaas Otterdam wat deur Johann Stephan besit was. Die Kaapse regering het die grond gekoop en die eerste erwe is in 1913 verkoop. Die dorp is vernoem na sir Robert Lambert, die bevelvoerder van die Britse vlootbasis aan die Kaap in 1820, wat opmetings van die see in die gebied gedoen het.

Tweede Vryheidsoorlog[wysig | wysig bron]

Tydens die Tweede Vryheidsoorlog het generaal Barry Hertzog Vanrhynsdorp op 19 Januarie 1901 beset. Hy stuur toe 'n paar burgers na Lambertsbaai om verkenningswerk te doen. Hulle kom die Britse oorlogskip HMS Sybille teë wat in die baai voor anker lê. Nadat hulle die skip beloer het met verkykers skiet hulle met hul gewere op die skip. Die bemanning van die skip het geskrik, kom tot verhaal en skiet terug. Geen party het skade gely nie en die burgers keer terug na Vanrhynsdorp. Dit was die eerste seeslag van die Tweede Vryheidsoorlog. [2]

Wapen[wysig | wysig bron]

Lambertsbaai se munisipale raad het in 1982 'n wapen by die Buro vir Heraldiek geregistreer : Gedeel van silwer en blou, 'n keper aan weerskante vergesel van 'n tandrat en in die skildvoet van 'n regopgeplaaste wulkskulp, alles van die een in die ander; op 'n golwende rooi skildhoof 'n swemmende Kaapse snoek van goud. Die helmteken was 'n Kaapse malgas en die wapenspreuk "Porta maris portus salutis".[3]

Ekonomie[wysig | wysig bron]

Lambertsbaai

'n Kreef-inmaakfabriek is in 1918 deur Axel Lindstrom opgerig.[4] Die fabriek word egter nie meer gebruik vir die inmaak van kreef nie. Die aartappelskyfiebedryf het een van die fabrieke oorgeneem en vervaardig nou aartappelskyfies vir groothandelaars, kleinhandelaars en restaurante.[5]

Met die uitputting van visbronne aan die Weskus het die aktiwiteite by die Lambertsbaaihawe afgeneem. Die hawe word nou slegs gebruik word deur klein vissersbote, en 'n paar diamantbote wat gebruik word vir baggerwerk en duikbedrywighede in die diamantvelde na die noorde.[6]

Voëleiland[wysig | wysig bron]

Voëleiland is 'n gewilde besoekplek vir toeriste. Die eiland is 'n broeiplek van die witmalgas. Hier word ook jaarliks ghwano verwyder.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Lambertsbaai". Sensus 2011.
  2. The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2
  3. National Archives of South Africa : Data of the Bureau of Heraldry.
  4. "Footprinttravelguides.com: Lambert's Bay in South Africa" (in Engels). Geargiveer vanaf die oorspronklike op 18 Junie 2018. Besoek op 3 Januarie 2017.
  5. "Creamer Media's Engineering News: Famous Brands buys Western Cape potato processor" (in Engels). Geargiveer vanaf die oorspronklike op 10 Januarie 2017. Besoek op 3 Januarie 2017.
  6. "Coastal and Marine Eco-Tourism Corporation: Lambert's Bay". Besoek op 3 Jan 2017.

Bronne[wysig | wysig bron]