Sishen-Saldanha-spoorlyn

Die Sishen-Saldanha Spoorlyn is gebou as 'n swaarvrag spoorlyn om ystererts van die myne by Sishen na Saldanhahawe te vervoer. Die lengte van die spoorlyn is 861 km. Die spoorlyn is in 1976 voltooi. Die spoorlyn is geëlektrifiseerd en word bedryf as 'n 50 kV wisselstroom spoorlyn.

'n Kombinasie van Klas 34-diesel-elektriese eenhede trek treine met tot 216 trokke met kapasiteit van 85-100 ton. Die kapasiteit van die spoorlyn was na indienstelling 18 miljoen ton per jaar. Na 'n opgraderingsprojek is die kapasiteit tans 41 miljoen ton per jaar. Daar is tans ook 'n omgewingsimpakstudie aan die gang om die kapasiteit na 95 miljoen per jaar te vergroot. Gedurende die week van 16 Julie 2009 is 'n rekord 919 000 ton ystererts tussen Sishen en Saldanha vervoer.

Roete van spoorlyn

Die spoorlyn begin by Sishen in die Noord-Kaap en gaan dan suidoos. Dit kruis die N14 en hou steeds suidoos. Dit roete hou noord van die Langberg verby en kruis die N10 nasionale pad net noord van Groblershoop. Suidoos van Groblershoop kruis dit die hoofspoorlyn vanaf De Aar na Namibië by 'n nedersetting met die naam van Kleinbegin.

Hiervandaan hou die roete suidoos deur die Boesmanland. Dit gaan net noord van Kenhardt en die Grootvloerpan verby, deur die Bokkeveldberg tot in Namakwaland. Die roete hou nog steeds suidoos, oor die N7 nasionale pad, tot in die Olifantsriviervallei. Dit gaan noord verby Vredendal, kruis die Olifantsrivier en swaai suid.

Nou hou die roete parrallel met die Weskus, verby Lambertsbaai, Elandsbaai, Laaiplek, waar die Bergrivier gekruis word, tot by Saldanha. By Elandsbaai gaan die spoorlyn deur die Bobbejaansbergtonnel.

Panorama van 'n ertstrein op die Sishen-Saldanha spoor.

Sien ook

• Spoorvervoer in Suid-Afrika