Verskil tussen weergawes van "Miriam Makeba"

Jump to navigation Jump to search
geen wysigingsopsomming nie
(+Skakel)
Miriam Makeba is in 1932 in [[Johannesburg]] gebore. Haar pa was 'n Swazi en haar ma 'n Xhosa-sangoma. Sy het haar debuut in 1952 as 'n sangeres vir The Manhattan Brothers gemaak. In 1959 het sy 'n sensasie veroorsaak as die hoofsanger in die swart jazzopera, ''King Kong'', wat deur Suid-Afrika getoer het. Met haar optrede in die dokumentêr ''Come Back Africa'' in 1958 het sy internasionale erkenning verkry en is sy na Europa genooi. Hier is sy deur die internasionale ster, Harry Belafonte, raakgesien wat haar genooi het om in Amerika op te tree. Sy het "An Evening with Harry Belafonte and Miriam Makeba" opgeneem waarmee sy 'n Grammy-toekenning gewen het en in Amerika 'n ster geword het.
 
In 1960, toe sy probeer het om na Suid-Afrika terug te keer, is sy toegang tot haar geboorteland geweier en moes sy die volgende dertig jaar in ballingskap deurbring. Amerika het haar met ope arms aangeneem en sy het 'n beroemde geword wat met sterre soos [[Elizabeth Taylor]] en [[Bing Crosby]] omgegaan het. In 1962 word sy genooi om by [[John F. Kennedy]] se verjaardag te sing op dieselfde nag wat [[Marilyn Monroe]] haar bekende verjaardaglied gesing het.
 
In 1967 het haar lied ''Pata Pata'', wat tien jaar vroeër in Suid-Afrika geskryf is, 'n treffer geword. In 1968 het die gasvrye welkom wat Amerika haar gegee het egter begin verflou as gevolg van haar vierde huwelik met die radikale swart aktivis [[Stokely Carmichael]]. Haar toere is gekanselleer en 'n opneemkontrak is geskend. President Sekou Toure van Guinee het haar genooi om na sy land te verhuis waar sy 'n dol opneemskedule volgehou het en as Guinese afgevaardigde tot die VN gedien het.

Navigasie-keuseskerm