Marshall McLuhan

Marshall McLuhan
Marshall McLuhan in 1945
Geboortenaam	Herbert Marshall McLuhan
Gebore	(1911-07-21)21 Julie 1911 Edmonton, Alberta, Kanada
Oorlede	31 Desember 1980 (op 69) Toronto, Ontario, Canada
Nasionaliteit	Kanada
Vakgebied	Media, massamedia, sensorium, Nuwe Kritiek
Instelling(s)	Media-teorie, Toronto-skool vir Kommunikasieteorie
Bekend vir	"Die medium is die boodskap", "globale dorp", figuur- en grondmedia, tetrad van media-effekte, "warm" en "koel" media
Beïnvloed deur	Harold Innis, Eric A. Havelock, Thomas Nashe, G.K. Chesterton, I.A. Richards, F.R. Leavis, Wyndham Lewis, James Joyce, Marcel Duchamp
Invloed op	Walter J. Ong, Neil Postman, Timothy Leary, Terence McKenna, William Irwin Thompson, Paul Levinson, Douglas Rushkoff, Douglas Coupland, Jean Baudrillard, Abbie Hoffman, Ann Nocenti

Herbert Marshall McLuhan (21 Julie 1911, Edmonton, Kanada – 31 Desember 1980) was 'n Kanadeese filosoof en wetenskaplike. Sy hooffokus was mediastudies en mediateorie. Hy was die grondlegger van die konsep "globale dorp" (global village). Hierdie konsep word deur McLuhan vir die eerste keer geformuleer in 1959, lank voor die voorkoms van 'n "globale dorp" (met die opkoms van die Internet en die Wêreldwye web) vir almal 'n realiteit geword het.

Lewensloop

Herbert Marshall McLuhan is gebore in Edmonton, Alberta, die seun van Elsie Naomi (née Hall) en Herbert Ernest McLuhan, beide gebore in Kanada. Hy word groot in Winnipeg, Manitoba, en gaan skool aan die Kelvin Tegniese skool voordat hy begin studeer aan die universiteit van Manitoba in 1928.

Na 'n jaar as ingenieurstudent verander hy vakke en verwerf 'n BA-graad in 1933. Hy verwerf die universiteit se goue medalje vir Geesteswetenskappe en wetenskappe. Hy verwerf 'n MA-graad (1934) in Engels aan die Universiteit yan Manitoba. Hy wou graag in Engeland studeer en word aanvaar deur die Universiteit van Cambridge, nadat hy nie daarin kon slag om 'n Rhodes-beurs na Oxford Universiteit te kon bekom nie. In Maart 1937 het McLuhan toegetree tot die Rooms-Katolieke Kerk. McLuhan het sy hele lewe 'n toegewyde katoliek gebly. Hy behaal sy Ph.D. in Desember 1943 aan Cambridge.

McLuhan sterf in 1980 aan 'n breinbloeding. Verskillende institute in die wêreld word vernoem na McLuhan, byvoorbeeld die Maastricht McLuhan Institute (MMI), verbonde aan die Universiteit Maastricht.

Werk

McLuhan verwerf bekendheid in die jare sestig met boeke soos Understanding Media: The Extensions of Man en The Medium is the Massage: An Inventory of Effects (sic). Die titel is 'n verwerking van McLuhan se gereelde aangehaalde stelling "The medium is the message". Hy beweer dat die media 'n verlengstuk is van die menslike sintuie en sowel die individu as die gemeenskap op 'n bepalende wyse beïnvloed. Hy verdeel die kommunikasiemiddele in 'warm' (met hoë intensiteit, soos radio en film) en 'koel' (lae intensiteit, soos telefoon en televisie).

Hoewel sommige van sy stellings as omstrede gesien word, twyfel weinig aan sy kernbewering: "Om die huidige wêreld te begryp moet mens die media begryp".

Bron

• Hierdie artikel is vertaal van die Nederlandse Wikipedia