Springhaas

in Wikipedia, die vrye ensiklopedie
Spring na: navigasie, soek
Springhaas
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Rodentia
Suborde: Anomaluromorpha
Familie: Pedetidae
Genus: Pedetes
Spesie: P. capensis
Binomiale naam
Pedetes capensis
(Forster, 1778)
Sinonieme
Pedetes caffer

Die springhaas (Pedetes capensis) is nie werklik 'n haas nie, maar 'n knaagdier en die enigste lewende spesie in die familie Pedetidae. Hulle is dus nie verwant aan die kolhaas en vlakhaas nie. Hulle kom voor in feitlik die hele Suid-Afrika met die uitsondering van die suid-weste en kom ook voor in Botswana en Namibië.

Voorkoms[wysig]

Die springhaas lyk meer soos 'n kangaroo as 'n haas; die voorste bene is baie kort en die agterste bene is baie lank en sterk. Die kleur varieer van ligte vaalbruin tot geelbruin terwyl die ken wit en die onderkant vuilwit is. Die stert het 'n breë swart kwas op die punt en is verder rooierig van kleur. Die oë is opvallend groot en die ore is smal en regop. Volwasse springhase het 'n gemiddelde massa van 4 kg en 'n lengte van ongeveer 80 cm.

Habitat en gewoontes[wysig]

Die soogdier hou langs riviere of panne met afsettings van sanderige slikgrond. Hulle vermy swaar en harde grond. Hierdie diere is snags aktief en vreet hoofsaaklik plantmateriaal, maar sal soms ook insekte vreet. Oordag skuil hulle in gate in die grond. Drie tot vier kleintjies word telkens gebore. Springhase het 'n moontlike lewensduur van 7,5 jaar. Springhase se natuurlike vyande is die witkwasjakkals, Bruin hiëna, luiperd, Gevlekte hiëna, leeu, rooikat, rooijakkals en jagluiperd.

Sien ook[wysig]

Bronnelys[wysig]