Heilige Saterdag

in Wikipedia, die vrye ensiklopedie
(Aangestuur vanaf Stille Saterdag)
Jump to navigation Jump to search
Standbeeld van Jesus in die graf, deur Gregorio Fernández. Klooster San Joaquín en Santa Ana, Valladolid, Spanje
’n 16de-eeuse Russies-Ortodokse ikoon van die Wederopstanding
Die Heilige Graflegging van Christus
Benediktynse monnike besig om Vespers op Heilige Saterdag te sing

Heilige Saterdag is die laaste dag van Lydensweek (wat volgens liturgiese telling begin met Palmsondag as eerste dag van dié week), waarin Christene hulself vir Paasfees voorberei. In die Kopties-Ortodokse Kerk word dié dag ook Vreugdevolle Saterdag of Saterdag van Lig genoem. Liturgies gesien duur Heilige Saterdag slegs tot die aandskemer, waarna die Paaswake gevier word en vervolgens die eintlike Paasfees begin, omdat 'n dag volgens Joodse tradisie met sononder begin en die oorspronklike Paaswake tydens Pesach gehou is.

Heilige Saterdag is die Saterdag voor Paasfees en die dag ná Goeie Vrydag.[1] Dit is die tweede dag van die Paastriduüm (Triduum Sacrum of Triduum Paschale), die tydperk van passie, dood en opstanding van Jesus; hierdie tydperk sluit Wit-Donderdag en Goeie Vrydag in, en eindig op die aand van Paasfees.[2][3]

Christene herdenk op Heilige Saterdag Jesus se tyd in die graf en sy neerdaling na die hel, waar hy ná sy kruisiging "na die geeste in die gevangenis gegaan en daar sy oorwinning aangekondig" het (1 Petrus 3:19).[4] Soms word na die Heilige Saterdag as Paassaterdag verwys, hoewel dit nie met die kerklike tradisie ooreenstem nie: Paassaterdag is in die kerklike liturgie die Saterdag ná Paasfees en vervolgens dié dag voor Wit-Sondag, 'n week ná Paasfees.

Datums[wysig | wysig bron]

Die datum van Heilige Saterdag word, nes baie ander feeste en herdenkings van die liturgiese jaar, volgens die Paasfeesdatum bereken. Vervolgens word Heilige Saterdag op die dag voor Paassondag gehou. Die vroegste moontlike datum volgens die Gregoriaanse kalender is 21 Maart en die laaste moontlike datum is 24 April. In die Juliaanse kalender, wat veral deur die Oosters-Ortodokse Kerke gebruik word, verskil dié datum effens.

2000–2010
Jaar Weste Ooste
2000 22 April 29 April
2001 14 April
2002 30 Maart 4 Mei
2003 19 April 25 April
2004 10 April
2005 26 Maart 30 April
2006 15 April 22 April
2007 7 April
2008 22 Maart 26 April
2009 11 April 18 April
2010 3 April
2011–2021
Jaar Weste Ooste
2011 23 April
2012 7 April 14 April
2013 30 Maart 4 Mei
2014 19 April
2015 4 April 11 April
2016 26 Maart 30 April
2017 15 April
2018 31 Maart 7 April
2019 20 April 27 April
2020 11 April 18 April
2021 3 April 1 Mei

Verwysings[wysig | wysig bron]

  1. (en) Leonard Stuart (1909). New century reference library of the world's most important knowledge: complete, thorough, practical, Volume 3. Syndicate Pub. Co. Besoek op 9 April 2020.
  2. (en) Gail Ramshaw (2004). Three Day Feast: Maundy Thursday, Good Friday, and Easter. Augsburg Books. Besoek op 9 April 2020.
  3. (en) Peter C. Bower. The Companion to the Book of Common Worship. Geneva Press. Besoek op 9 April 2020.
  4. (af) "1 Petrus 3, 19". Bybel: 1 Petrus. Bybelgenootskap van Suid-Afrika. Besoek op 9 April 2020. En so het Hy na die geeste in die gevangenis gegaan en daar sy oorwinning aangekondig.

Verdere leesstof[wysig | wysig bron]

  • (de) Pous Benedictus XVI: Karsamstag. Erste Meditation. In: Joseph Ratzinger: Meditationen zur Karwoche. (= Meitinger Kleinschriften, Nr. 5) Kyrios, Meitingen, Freising, 7. Aufl. 1980, S. 17–21 (geistliche Deutung des Karsamstags).
  • (de) Hans-Ulrich Wiese: Karsamstagsexistenz: Auseinandersetzung mit dem Karsamstag in der Liturgie und moderner Kunst (= Bild – Raum – Feier. Studien zu Kirche und Kunst, Band 1) Schnell und Steiner, Regensburg 2002, ISBN 3-7954-1515-2 (Dissertation Universität Bonn 2001, 292, [15] Seiten mit Illustrationen).

Eksterne skakels[wysig | wysig bron]